完整藏文原文 · 德格版页 当前仅加载第 78 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
འཕུལ་བར་བྱེད། །དུས་ལ་བབ་ན་འཕོ་བྱ་སྟེ། །དུས་མིན་ལྷ་རྣམས་གསོད་པར་འགྱུར། །ལྷ་རྣམས་བསད་པ་ཙམ་གྱིས་ནི། །དམྱལ་བར་ངེས་པར་སྲེག་པར་འགྱུར། །དེ་བས་འཆི་བའི་མཚན་མ་ནི། །མཁས་པས་འབད་དེ་ཤེས་པར་བྱ། །རྣལ་
D370.078.0060a01.01འབྱོར་པ་ཡིས་སྔར་བསྟན་པའི། །སྔོ་ཆེན་བདེ་བ་ཕུན་སུམ་ཚོགས། །སྒྲུབ་པོ་རྣམས་ཀྱིས་སྨིན་པ་ལ། །སྟེང་གི་རྩ་བ་བཟའ་བར་བྱ། །ཆུ་དང་སྐྱ་རེངས་ལྡན་པ་དག །གཡོན་པའི་བདུད་རྩིར་སྦྱར་བྱས་ལ། །ཟོས་ན་ཞི་དང་རྒྱས་པ་སྟེ། །དུག་དང་རིམས་ཀྱི་ཚ་བ་འཕྲོག །
D370.078.0060a02.01ཆོ་གའི་སྦྱོར་བ་འདི་ཡིས་ནི། །རྙིངས་དང་སྨིན་པ་འཇོམས་པར་བྱེད། །ལྷ་མོ་སླར་ཡང་བཟློག་པ་ཡིས། །ནམ་མཁའ་འགྲོ་བ་བརྗོད་པར་བྱ། །རླུང་དང་མེ་ཡི་བྱེ་བྲག་གིས། །རྐང་པའི་འཁོར་ལོ་སྦྱར་བྱས་ཏེ། །ཡིད་ཀྱིས་རབ་ཏུ་ཞིར་སྦྱར་ནས། །ནམ་མཁའ་ལ་
D370.078.0060a03.01ནི་འགྲོ་འགྱུར་ཞིང་། །མཁའ་འགྲོ་ཀུན་གྱིས་བསྐོར་ནས་སུ། །ལྷ་ཡི་ལུས་ཀྱིས་ཀུན་ཏུ་རྩེ། །ཇི་སྲིད་ཟླ་ཉི་ཡོད་ཀྱི་བར། །དེ་སྲིད་ནམ་མཁར་གནས་པར་འགྱུར། །སླར་ཡང་ལུགས་ལས་ཟློག་པ་ཡིས། །ཁ་དོག་དཀར་པོའི་པདྨ་བསམ། །བསྒྲུབ་བྱའི་དབུས་སུ་སྦྱར་
D370.078.0060a04.01བ་ནི། །རྟག་ཏུ་ངག་གི་དངོས་གྲུབ་བྱེད། །རང་གི་ལུས་དབུས་བསྒོམ་བྱ་བ། །རླུང་གི་དཀྱིལ་འཁོར་འཁྲུག་པ་ལྟར། །རང་གི་ཁ་ནས་བྱུང་ནས་སུ། །བསྒྲུབ་བྱའི་ཁ་རུ་ཐིམ་པར་བྱ། །ཉི་མ་བདུན་གྱིས་དངོས་གྲུབ་ཏུ། །འགྱུར་ཏེ་གཞན་དུ་ཡང་མ་ཡིན། །རླུང་གི་
D370.078.0060a05.01ལམ་ནས་བསྒྲུབ་བྱ་ཡི། །ལུས་ལ་ཐིམ་པར་གྱུར་པ་དང་། །དེ་ཡི་སེམས་ནི་བཟུང་ནས་སུ། །བདག་ལ་གཞུག་སྟེ་མེ་ལ་ནི། །བསམས་ཏེ་རླུང་དང་མེ་སྦར་བས། །དེ་ཡི་ལུས་ནི་འཁྲུག་པར་འགྱུར། །ཚིགས་དགུ་ལས་ནི་སྟེང་གཞན་གྱིས། །མོད་ལ་འཕོ་བར་ཤེས་བྱ་
D370.078.0060a06.01སྟེ། །ཉིན་རེ་བྲམ་ཟེ་གསོད་པ་དང་། །མཚམས་མེད་ལྔ་ནི་བྱེད་པ་དང་། །རྐུ་འཕྲོག་འདོད་ལ་སྤྱོད་པ་ཡང་། །ལམ་འདི་ཡིས་ནི་དག་འགྱུར་ཏེ། །སྡིག་པས་གོས་པར་མི་འགྱུར་ཞིང་། །སྲིད་པའི་སྐྱོན་ལས་རིང་དུ་འགྲོ། །ཇི་ལྟར་འདམ་ལས་སྐྱེས་པ་ཡི། །པདྨ་དྲི་
D370.078.0060a07.01