完整藏文原文 · 德格版页 当前仅加载第 78 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེས་སུ་ཤེས་པར་བྱ། །སྒོམ་དང་བཟླས་པའི་ཁྱད་པར་གྱི། །སྦྱོར་བའི་དམ་པ་སྐྱེ་བར་འགྱུར། །གང་གི་ལམ་ནས་བསམས་ན་ནི། །འགྲུབ་འགྱུར་འདིར་ནི་ཐེ་ཚོམ་མེད། །འཁོར་ལོ་གང་ཞིག་སྔར་བསྟན་པར། །ཞུགས་ཏེ་ཉན་པ་གཉིས་སུ་ནི། །འཇིག་རྟེན་གསུམ་དང་
D370.078.0059b01.01འདྲེས་ནས་ནི། །མེ་སྟག་བཞིན་དུ་རྣམ་པར་འཁོར། །རླུང་གིས་བསྐྱོད་པའི་མེ་ཡིས་ནི། །ཤེས་རབ་ལྡན་པས་ཞུགས་བསམས་ན། །ཟླ་དྲུག་ཙམ་གྱིས་ངེས་པར་ནི། །རིང་ན་གནས་པ་ཐོས་པར་འགྱུར། །བསྒོམ་པའི་སྦྱོར་བ་འདི་ཡིས་ནི། །ཡེ་ཤེས་མིག་གིས་མཐོང་འགྱུར་
D370.078.0059b02.01བ། །ཤིན་ཏུ་རིང་ན་གནས་པ་ཡང་། །སྒྲུབ་པོས་སྐད་ཅིག་གསལ་བར་མཐོང་། །བསྟན་དང་མ་བསྟན་གང་ཅིའང་རུང་། །དེ་ཀུན་ང་ཡིས་ཡང་དག་བཤད། །ཉོན་ཅིག་ལྷ་མོ་སྒྱུ་མ་ཆེ། །དགེ་བའི་སྒོ་ནས་འགྲོ་བ་དང་། །གང་གི་ལམ་ནས་འགྲོ་བ་ཡིས། །ཐར་པའི་དངོས་
D370.078.0059b03.01གྲུབ་རབ་སྟེར་བ། །མཆོག་དང་ཐ་མའི་བྱེ་བྲག་རྣམས། །མདོར་བསྡུས་ནས་ནི་བཤད་པར་བྱ། །ལྟེ་བ་ལས་ནི་འདོད་ཁམས་ལྷ། །ཐིག་ལེ་གཟུགས་ཅན་མཐོ་རིས་ཏེ། །སྟེང་ནས་འགྲོ་བར་སྟེང་གི་ནི། །མྱུར་དུ་འགྲོ་བར་བྱེད་པར་འགྱུར། །སྣ་ནས་གནོད་སྦྱིན་གནས་སུ་སྟེ། །
D370.078.0059b04.01རྣ་བདག་ནི་གྲུབ་པའི་ལྷ། །གལ་ཏེ་མིག་ལས་ཡེ་ཤེས་འགྲོ། །མི་རྣམས་ཀྱི་ནི་བདག་པོར་འགྱུར། །སྲིད་པའི་སྒོ་ལས་{ཡི་དགས་,ཡི་དྭགས་}ཏེ། །དེ་བཞིན་ཆུ་ལས་དུད་འགྲོའོ། །ཆུ་མིན་གྱིས་ནི་དམྱལ་བར་ལྟུང་། །ཐར་བའི་ལམ་ལས་གཞན་དུ་འགྲོ། །སྔོན་དུ་བུམ་པ་བརྩམས་པ་
D370.078.0059b05.01ཡིས། །སྒོ་རྣམས་ཐམས་ཅད་བཅིང་བར་བྱ། །རྒྱལ་བ་ལྔ་ཡི་མཆོད་རྟེན་གྱི། །སྒོ་ཡི་བུ་གར་བསྒོམ་པར་བྱ། །དེ་ལ་འོག་གི་སྒོ་རུ་ནི། །ཆུ་ཡིས་བོན་དཀར་པོ་བསམ། །ཆུ་དང་ཆུ་མིན་སྒོ་ལ་ནི། །མེ་ཡིས་བོན་འབར་བ་སྟེ། །དེ་ལ་ཤིན་ཏུ་མཉམ་གཞག་པས། །དབུགས་
D370.078.0059b06.01ནི་བུམ་པ་ཅན་དུ་བསྒོམ། །ལུས་ནི་རླུང་གི་མདོག་ཏུ་སྟེ། །རླུང་གི་དཀྱིལ་འཁོར་བསྒོམ་པར་བྱ། །རླུང་གི་མཐའ་ནི་རྩ་བ་ཅན། །རླུང་གི་ས་བོན་རྩ་བར་ཏེ། །ཐིག་ལེ་སྒྲ་དང་ལྡན་པ་ཡི། །རྩ་བའི་ས་བོན་དྲང་བར་བྱ། །འོག་ཏུ་རླུང་གི་དཀྱིལ་འཁོར་གྱིས། །སྒྲ་དང་སྒྲ་ཡིས་
D370.078.0059b07.01