完整藏文原文 · 德格版页 当前仅加载第 78 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
ཨཽ་ཊྱན་དུ་ནི་ལྷ་མོ་ཆེ། །གསང་བ་ཞེས་བྱའི་སྐྱེ་གནས་བྱུང་། །ལྷ་མོ་རྡོ་རྗེ་ལྕགས་སྒྲོག་ཐོགས། །ཤིན་ཏུ་དྲག་ཅིང་གསལ་བའི་གཟུགས། །སྒྲ་ཆེན་ཞེས་བྱ་དྲག་པོའི་གཟུགས། །ཀྵེ་ཏྲ་པཱ་ལ་སྟོབས་པོ་ཆེ། །གནས་མཆོག་དེར་གནས་ལྷ་མོ་དེ། །ཨ་ཤོ་
D370.078.0050a01.01ཀ་ཡི་ཤིང་བརྟེན་གནས། །ཛཱ་ལནྡྷ་རར་གཏུམ་མོ་ནི། །ཞི་བ་ཡི་ནི་སྐྱེ་གནས་བྱུང་། །ལག་ན་ཟངས་གྲི་ཕྱར་ཏེ་ཐོགས། །དབང་ཕྱུག་ཐམས་ཅད་སྟེར་བ་མོ། །གནས་དེར་གནས་པ་དྲག་ཆེན་མོ། །གསེར་ཤིང་ལ་ནི་བརྟེན་ཏེ་གནས། །སྐྱེད་པ་ཞེས་བྱའི་དཔའ་བོ་ཆེ། །བདུད་
D370.078.0050a02.01རྣམས་ཐམས་ཅད་འཇིགས་པར་བྱེད། །ཀྵེ་རེ་ཀེར་ནི་སྐྱེ་བོའི་མ། །དྲག་ཅིང་སྔོ་ལ་སྟོབས་ཆེན་མ། །རལ་གྲི་ལག་ཐོགས་ལྷ་མོ་ཆེ། །དངོས་གྲུབ་ཐམས་ཅད་སྟེར་བ་མོ། །ལྷ་མོ་ཆེན་མོ་གྱེན་སྐྲ་འབར། །སཱ་ལའི་ཤིང་ལ་བརྟེན་ཏེ་གནས། །ལྷུན་པོ་ཆེན་པོ་ཞེས་བྱ་བའི། །ཀྵེ་
D370.078.0050a03.01ཏྲ་པཱ་ལ་ཞིང་དེར་གནས། །མ་ཡ་པཱུ་རིར་འདོད་མ་སྟེ། །འཇིགས་པའི་གདོང་གི་སྐྱེ་གནས་བྱུང་། །རྡོ་རྗེ་ཤཀྟི་དགེ་བ་ཐོགས། །སྒྲུབ་པོ་རྣམས་ལ་སྟོབས་སྟེར་བ། །གཟུགས་སྔོན་འཇིགས་པ་ཆེན་མོ་སྟེ། །འབྱུང་པོའི་ཤིང་ལ་བརྟེན་ཏེ་གནས། །དེར་གནས་འཇིགས་པ་ཞེས་བྱ་བའི།།
D370.078.0050a04.01ཀྵེ་ཏྲ་པཱ་ལ་སྟོབས་པོ་ཆེ། །པུ་ཏན་ར་ནི་ཨ་མྲ་ཀེ། །དགྲ་རྣམས་ཐམས་ཅད་འཇིགས་བྱེད་པ། །ཐང་གཤོལ་དང་ནི་ག་ཡ་ཐོགས། །སེམས་ཅན་ཐམས་ཅད་དབང་བྱེད་མ། །ད་རུའི་ཤིང་ལ་བརྟེན་ཏེ་གནས། །སེམས་ཅན་ཐམས་ཅད་འཇིགས་པར་བྱེད། །བརྟུལ་ཞུགས་ཆེན་པོ་ཞེས་
D370.078.0050a05.01བྱ་བའི། །ཀྵེ་ཏྲ་པཱ་ལ་ཞིང་དེར་གནས། །རྒྱལ་པོའི་ཁབ་ཏུ་ཛ་ན་ས། །ཁྲག་ཆེན་གྱི་ནི་སྐྱེ་གནས་བྱུང་། །རྡོ་རྗེ་ལྕགས་ཀྱུར་ཡང་དག་ལྡན། །ཕ་རོལ་གཡུལ་ལས་རྒྱལ་བར་མཛད། །ཞིང་དེར་གནས་པའི་ལྷ་མོ་དེ། །ཛི་ལའི་སྒྲ་འབྱིན་འཇིགས་པར་བྱེད། །རྣ་ཆེན་ཞེས་
D370.078.0050a06.01བྱའི་ཞིང་སྐྱོང་ནི། །རྟག་ཏུ་དེ་དང་ཉེ་བར་གནས། །བོད་ཡུལ་དུ་ནི་ལྷན་སྐྱེས་ཏེ། །རང་བྱུང་གི་ནི་སྐྱེ་གནས་བྱུང་། །ཆུ་སྲིན་རྒྱལ་མཚན་ལག་ན་ཐོགས། །ཞི་ཞིང་གསལ་བའི་གཟུགས་ཅན་ཏེ། །ཡུལ་དེར་གནས་པའི་ལྷ་མོ་དེ། །བྲག་གི་ཁྱིམ་ལ་བརྟེན་ཏེ་གནས། །
D370.078.0050a07.01