完整藏文原文 · 德格版页 当前仅加载第 78 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་ཤེས་ནས། །དེ་ལྟའི་བླ་མ་འབད་དེ་བསྟེན། །གང་ཡང་ཁྲོ་དང་སྒྱུ་ཅན་དང་། །ངག་ནི་ཤིན་ཏུ་རྩུབ་པ་དང་། །ཡོན་ཏན་དག་གིས་ཆོག་ཤེས་པ། །དེ་ནི་བླ་མར་བསྟེན་མི་བྱ། །གཞན་ཡང་སློབ་མའི་སྤྱོད་པ་དང་། །ལས་ཀྱི་དེ་ཉིད་བཤད་ཀྱིས་ཉོན། །ཁྲོ་དང་བཅས་ཤིང་
D370.078.0070b01.01རྟོག་གེར་གུས། །ན་སོ་དག་ནི་ཡོལ་བ་དང་། །གང་ཡང་དགེ་སློང་དངོས་གནས་དང་། །ཞེན་དང་ཆགས་པས་བཅིངས་པ་ལ། །རིན་ཐང་མེད་པའི་རིན་ཆེན་ནི། །དེ་ལ་བཤད་པར་མི་བྱའོ། །གང་ཡང་ང་རྒྱལ་མེད་པ་དང་། །སྒྱུ་མེད་བདག་ཏུ་མི་འཛིན་ཅིང་། །དེ་བཞིན་ཆོས་
D370.078.0070b02.01ལ་མངོན་པར་དད། །དེ་ལ་མན་ངག་སྦྱིན་པར་བྱ། །གཞན་དུ་ན་ནི་ལྟུང་བར་འགྱུར། །སློབ་དཔོན་གྱི་ནི་གསང་བ་དང་། །རྣལ་འབྱོར་མ་དང་ལྷན་ཅིག་སྦྱོར། །ལྷ་ཡི་དམ་ཚིག་སྤྱོད་པ་དང་། །གཏོར་མ་ལ་སོགས་གསང་སྦྱོར་བ། །དམོད་པ་དག་ཏུ་གང་བྱེད་པ། །སྐྲག་
D370.078.0070b03.01པ་ཀུན་དང་བཅས་བཞིན་དུ། །མནར་མེད་པར་ནི་མྱུར་བར་ལྟུང་། །སློབ་དཔོན་གྱི་ནི་མལ་སྟན་དང་། །ལྷ་མ་དང་གདུགས་དང་ན་བཟའ་སོགས། །ཉེ་བའི་ལོངས་སྤྱོད་ཐམས་ཅད་དང་། །གྲིབ་མ་འགོམ་པར་མི་བྱ་ཞིང་། །ཅོ་འདྲི་བར་ནི་མི་བྱའོ། །གལ་ཏེ་བྱས་ན་
D370.078.0070b04.01དུས་ཀུན་དུ། །དེ་ནི་ཀུན་ཏུ་གཟིར་འགྱུར་ཞིང་། །དོན་ཉམས་དཔལ་ལས་རིང་དུ་འགྱུར། །བདུད་དང་སྡང་བས་གཟིར་འགྱུར་ཏེ། །མཆོད་རྟེན་བཤིག་དང་སྡིག་མཚུངས་པས། །དེ་བས་གྲིབ་མའང་འགོམ་མི་བྱ། །སློབ་དཔོན་སྨོད་བྱེད་གང་ཡིན་པ། །རྨི་ལམ་
D370.078.0070b05.01དུ་ཡང་དངོས་གྲུབ་མེད། །སློབ་དཔོན་གྱི་ནི་ཡོན་ཏན་གཟུང་། །སྐྱོན་རྣམས་ནམ་ཡང་གཟུང་མི་བྱ། །སྔགས་དང་ཕྱག་རྒྱའི་སྦྱོར་ལ་སོགས། །དེ་ཡི་ལམ་གྱིས་འགྲུབ་པར་འགྱུར། །མཎྜལ་ཆོག་སོགས་རིམ་པ་ཡིས། །སྔོན་དུ་བསླབ་པ་སྦྱིན་པར་བྱ། །དངོས་
D370.078.0070b06.01པོ་རང་བཞིན་མེད་པར་ནི། །མཐོང་བ་བྱང་ཆུབ་རིམ་པ་སྟེ། །རང་བཞིན་དག་པའི་ཆོས་རྣམས་ནི། །ངོ་བོ་མེད་ལ་དངོས་མཐོང་བས། །ལུས་ཀྱི་ལས་ནི་རྣམ་གསུམ་དང་། །ངག་གི་རྣམ་པ་བཞི་རྣམས་དང་། །ཡིད་ཀྱི་རྣམ་པ་གསུམ་དག་སྟེ། །དེ་ལྟར་རྣམ་བཅུར་ཕྱེ་བ་
D370.078.0070b07.01