完整藏文原文 · 德格版页 当前仅加载第 78 函德格 71a 版页；藏文 NFD、目录标记与异常页序保留在来源切片中，重复版页行以稳定序号区分。
ལས། །དཀར་པོ་ཡིས་ནི་དཀར་འགྱུར་ལ། །ནག་པོས་དེ་བཞིན་འབྲས་གནག་འབྱིན། །དེས་ན་དེ་དག་སྤང་བྱ་སྟེ། །སེམས་ཅན་རྣམས་ལ་ཚིག་རྩུབ་དང་། །ཚིག་འཁྱལ་སྨྲ་བ་སྤང་བར་བྱ། །སྙིང་རྗེ་ཡི་ནི་སེམས་ཀྱིས་སུ། །འཚེ་དང་གནོད་
D370.078.0071a01.01པ་སྤང་བར་བྱ། །བདག་ནི་ཤི་བར་གྱུར་ཀྱང་བླའི། །སྲོག་ཆགས་གསོད་པ་དེ་ལྟར་མིན། །རབ་ཏུ་འབར་མེར་མཚུངས་པས་ན། །གཞན་གྱི་ནོར་ལ་རེག་མི་བྱ། །རྣལ་འབྱོར་པ་ཡིས་{བརྫུན་,རྫུན་}སྲུང་ཞིང་། །བླ་མའི་བཀའ་སྩལ་ཐམས་ཅད་བྱ། །རྣལ་འབྱོར་པ་ཡི་རྣལ་
D370.078.0071a02.01འབྱོར་པ། །{བརྫུན་,རྫུན་}དུ་སྨྲ་བ་ཐམས་ཅད་དང་། །སེམས་ཅན་ཀུན་ལ་སྐྱོན་བརྗོད་མིན། །གཞན་གྱི་བུད་མེད་སྤང་བྱ་ཞིང་། །ལོག་པས་འཚོ་དང་རྙེད་ལ་སོགས། །དེ་བས་ཐམས་ཅད་སྤང་བར་བྱ། །དགའ་བདག་ལ་སྤྱོད་པ་དང་། །གཏོར་མ་དག་གིས་དུས་སོགས་ལ། །
D370.078.0071a03.01དམ་ཚིག་སྤྱོད་བར་བྱེད་པ་ཡང་། །བཟའ་དང་བཅའ་སོགས་ཚོད་ཟིན་བྱ། །རྣལ་འབྱོར་དངོས་གྲུབ་འདོད་པ་རྣམས། །སེམས་ཅན་མགུ་ལས་དངོས་གྲུབ་འབྱུང་། །དེ་ལ་དང་པོར་རེ་ཞིག་སློབ་མས་བླ་གོས་ཕྲག་པ་གཅིག་ལ་གཟར་ཏེ། པུས་མོ་གཡས་པའི་ལྷ་ང་ས་ལ་
D370.078.0071a04.01བཙུགས་ལ་ལག་པ་གཉིས་ཐལ་མོ་སྦྱར་ཏེ། འདི་སྐད་ཅེས་བརྗོད་པར་བྱའོ། །སངས་རྒྱས་ཆོས་དང་དགེ་འདུན་ལ། །རྟག་ཏུ་བདག་ནི་སྐྱབས་སུ་མཆི། །རྣལ་འབྱོར་གསང་སོགས་མཁའ་འགྲོ་མ། །ཐེག་པ་གསུམ་པོ་ཐམས་ཅད་དང་། །དཔའ་བོ་དཔའ་མོ་དབང་ལྷ་
D370.078.0071a05.01མོ། །བདག་ཉིད་ཆེན་མོ་རྣམས་དང་ནི། །ཁྱད་པར་དུ་ཡང་སློབ་དཔོན་ལ། །རྟག་པར་བདག་ནི་སྐྱབས་སུ་མཆི། །ཨོཾ་པཉྩ་ཌཱ་ཀི་ནཱི་པཱུ་ཛོ་པ་སྭཱ་ནཱ་ཡ་ཨཱ་ཏྨཱ་ནཱཾ་ནི་རྱ་ཏ་ཡཱ་མི་ཧཱུྃ། སརྦྦ་ཨཱ་ཙཱ་རྱ་པཱུ་ཛོ་བ་སྭཱ་ནཱ་ཡ་ཨཱཏྨཱ་ནཱཾ་ནི་རྱཱ་ཏ་ཡཱ་མི་ཧཱུྃ། སརྦྦ་ས་ཏྭ་པ་རི་ཏྲཱ་ཎ་ཨ་རྠེ་ཨཱ་ཏྨ་ནཱཾ་ནིརྱཱ་ཏ་
D370.078.0071a06.01ཡཱ་མི་ཧཱུྃ། ཞེས་བྱ་བས་བྱིན་གྱིས་བརླབས་ལ། །སླར་ཡང་འདི་སྐད་ཅེས་བརྗོད་པར་བྱ་སྟེ། ཁྲོ་དང་བདག་ཏུ་འཛིན་པ་དང་། །ཚིག་རྩུབ་ཞེ་གཅོད་སྤང་བར་བགྱི། །སྡིག་པའི་གྲོགས་དང་སྲོག་གཅོད་དང་། །རྐུ་འཕྲོག་དག་ནི་སྤང་བར་བགྱི། །ལོངས་སྤྱོད་རྒྱ་ཆེན་སྤང་
D370.078.0071a07.01