完整藏文原文 · 德格版页 当前仅加载第 78 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྲུལ་གྱིས་དཀྲིས་པའི་མདུང་རྩེ་ནི། །གསུམ་པ་མཁའ་འགྲོའི་ལག་ན་ཐོགས། །ཁ་ཊྭཱཾ་ག་དང་ཐོད་པ་ནི། །སྟེང་དུ་བསྟོད་དེ་ཐོགས་པ་དང་། །མི་རོའི་སྟན་བཞུགས་ཆེར་འབར་བ། །སྐྲ་ནི་ཁམ་པ་གྱེན་བརྗེས་ཤིང་། །སྤྱན་གསུམ་གྱིས་ནི་མཛེས་པར་བྱས། །རྒྱན་རྣམས་ཀུན་
D370.078.0073b01.01གྱིས་རྣམ་པར་བཀླུབས། །ཕྱག་ན་ཟངས་གྲི་བསྣམས་ཤིང་རྩེ། །སྣ་ཚོགས་མེ་ཏོག་འབྲས་ལྡན་པའི། །རིན་ཆེན་མཐོན་པོའི་གནས་སུ་སྒོམ། །ཚེ་ཐུང་བ་དང་ཤི་བ་ཡང་། །འཚོ་བ་དང་ནི་ཚེ་རིང་བར། །བོང་བུའི་ཚུལ་གྱི་རྣལ་འབྱོར་གྱིས། །ལག་མཐིལ་གནས་པ་བཞིན་
D370.078.0073b02.01དུ་མཐོང་། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་ཧེ་རུ་ཀའི་རྣམ་པར་རོལ་པའི་ཆོ་གའི་རིམ་པར་
D370.078.0073b03.01ཕྱེ་བ་སྟེ་སུམ་ཅུ་རྩ་ལྔ་པའོ།། །།དེ་ནས་ཡང་དག་བཤད་བྱ་བ། །སྒྲུབ་པོའི་ཆོ་ག་ཇི་བཞིན་ཏེ། །ཉིན་རེའམ་ཡང་ན་ཟླ་རེའམ། །ཡང་ན་དེ་བཞིན་ལོ་རེ་ནི། །ཇི་བཞིན་བྱིན་གྱིས་བརླབས་ན་ནི། །ཕྱག་རྒྱའི་དངོས་གྲུབ་འཇུག་པར་འགྱུར། །སྒྲུབ་པ་པོ་ཡི་ལག་
D370.078.0073b04.01གཡོན་གྱིས། །པདྨའི་སྣོད་ནི་བཟུང་ནས་སུ། །ལག་པ་གཡས་པ་བ་དན་ནི། །གསུམ་པར་བྱས་ཏེ་བསྒོམ་པར་བྱ། །ཁམས་ཀྱི་རང་བཞིན་ཐམས་ཅད་དང་། །དེ་བཞིན་སྲོག་དང་རྩ་ལས་བྱུང་། །མངོན་པར་འདུས་བྱས་ལེགས་བྲིས་པ། །སློབ་དཔོན་ཀུན་ལ་སྦྱིན་པར་
D370.078.0073b05.01བྱ། །ལྷ་ཡི་རྒྱན་དང་ཡང་དག་ལྡན། །ཕྱག་རྒྱའི་མཚན་མས་རྣམ་པར་བཀླུབས། །སངས་རྒྱས་རྣལ་འབྱོར་སྡོམ་སྐྱེས་པས། །སྐལ་བ་བཟང་པོའི་གར་ཆེན་བྱ། །པདྨ་མཆོག་ལ་རེག་བྱེད་པ། །ལོ་གཅིག་བར་དུའང་མ་བྱས་ན། །སྒྲུབ་པོས་དམ་ཚིག་སྤང་འགྱུར་ཏེ། །
D370.078.0073b06.01དེས་ནི་དམ་ཚིག་སྤངས་ནས་སུ། །སླར་ཡང་མི་བྱའི་སྡོམ་པ་བླང་། །གཞན་དུ་སྔགས་དང་ཕྱག་རྒྱ་ནི། །རིམ་པ་འབྲས་བུ་མེད་པར་འགྱུར། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །
D370.078.0073b07.01