完整藏文原文 · 德格版页 当前仅加载第 78 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱན་པའི། །རླུང་གི་ཕྱི་རོལ་སླར་ཡང་གཟུང་། །ཉི་ཤུ་རྩ་ལྔ་ཆོ་ག་བཞིན། །ཉི་ཤུ་དྲུག་པར་གནས་པ་ནི། །མ་ཀར་དང་ཐིག་ལེ་ཡིས། །སྟེང་དུ་བརྒྱན་པའི་རླུང་ཕྱི་རོལ། །ཉི་ཤུ་བདུན་ལའང་དེ་ཞེས་བྱ། །ཉི་ཤུ་བརྒྱད་པ་ལ་གནས་པར། །མ་ཀར་རྨི་ལམ་ཟླ་བ་
D370.078.0023a01.01ཅན། །རླུང་གི་ཕྱི་རོལ་གཟུང་བར་བྱ། །ཉི་ཤུ་དགུ་པ་ལ་གནས་པར། །རླུང་གི་ཕྱི་རོལ་བཟུང་ནས་ནི། །འབུགས་དང་ལྷན་ཅིག་ལྡན་པར་བྲི། །དབུ་མའི་བཞི་པ་བཟུང་ནས་ནི། །དེར་ནི་དང་པོའི་གསུམ་པའང་སྦྱིན། །མཁས་པས་རེའུ་མིག་སུམ་ཅུ་བརྒྱན། །དབུ་མའི་དབུ་མ་བཟུང་
D370.078.0023a02.01ནས་ནི། །གཏི་མུག་གིས་ནི་མཛེས་བྱས་པ། །སུམ་ཅུ་གཅིག་པར་གནས་པར་བྱ། །མ་ཀ་ར་ཞོན་རྨི་ལམ་དང་། །རླུང་གི་ཕྱི་རོལ་ཟླ་བས་བརྒྱན། །སུམ་ཅུ་གཉིས་པར་དགོད་པར་བྱ། །ཤར་གྱི་གསུམ་པ་བཟུང་ནས་ནི། །རྀ་ཞེས་བྱ་བ་དེ་ལ་སྦྱིན། །རེའུ་མིག་སུམ་ཅུ་གསུམ་པར་གནས། །
D370.078.0023a03.01རླུང་གི་ཕྱི་རོལ་བཟུང་ནས་ནི། །ལྷོ་མཐའི་སྟན་བཞུགས་གཏི་མུག་གིས། །བརྒྱན་པ་སུམ་ཅུ་བཞི་ལ་དགོད། །རེའུ་མིག་སུམ་ཅུ་ལྔར་གནས་པར། །དབུ་མའི་དང་པོ་བཟུང་ནས་ནི། །རླུང་ཡང་དེར་ནི་དགོད་པར་བྱ། །འཕེལ་བ་དང་ནི་ལྷོ་མཐའ་དང་། །རླུང་ཡང་དེར་ནི་སྦྱིན་བྱ་སྟེ། །
D370.078.0023a04.01རེའུ་མིག་སུམ་ཅུ་དྲུག་པ་བརྒྱན། །རེའུ་མིག་སུམ་ཅུ་བདུན་པར་གནས། །དབུ་མ་ཡི་ནི་གཉིས་པ་ལ། །ནུབ་ཕྱོགས་ཀྱིས་ནི་མཛེས་པར་བྱ། །རེའུ་མིག་སུམ་ཅུ་བརྒྱད་པ་ལ། །ལྷོ་ཡི་མཐའ་ནི་བཟུང་ནས་སུ། །དབུ་མའི་དབུ་མ་སྟན་དང་ལྡན། །བཟུང་བ་ཡིས་ནི་སྤྱི་བོར་བརྒྱན། །
D370.078.0023a05.01སླར་ཡང་ལྷོ་ཡི་དབུ་མ་བཟུང་། །གཏི་མུག་དང་ནི་ལྡན་པ་ཡི། །རླུང་གི་འོག་ཏུ་སྦྱིན་པར་བྱ། །སུམ་ཅུ་དགུ་པ་ལ་ཡང་དེ། །རེའུ་མིག་བཞི་བཅུ་པར་གནས་པ། །དབུ་མའི་དང་པོ་བཟུང་ནས་ནི། །རླུང་ཡང་དེར་ནི་དགོད་པར་བྱ། །བཞི་བཅུ་གཅིག་ལ་གནས་པར་ནི། །དབུ་མ་ཡི་ནི་
D370.078.0023a06.01གཉིས་པ་དང་། །ནུབ་ཕྱོགས་ཀྱི་ནི་དང་པོ་བྲི། །བཞི་བཅུ་གཉིས་པ་ལ་གནས་པར། །རླུང་གི་ཕྱི་རོལ་བཟུང་ནས་ནི། །རུས་སྦལ་རྨི་ལམ་ལྡན་ཉི་ཟླ། །བཞི་བཅུ་གསུམ་པ་ལ་གནས་པར། །འབུགས་པ་རྨི་ལམ་ཟླ་བས་བརྒྱན། །བཞི་བཅུ་བཞི་ལ་གནས་པར་ནི། །རླུང་གི་ཕྱི་
D370.078.0023a07.01