完整藏文原文 · 德格版页 当前仅加载第 78 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་པ་བཀྲ་ཤིས་ཤིས་པ་སྟེ། །གསུམ་པ་འཆི་སྟེ་གསོད་པར་འགྱུར། །བཞི་པ་དགོད་དེ་ཚིམ་པར་འགྱུར། །ལྔ་པ་ནོར་ཏེ་རྙེད་པར་འགྱུར། །དྲུག་པ་རིམས་ཏེ་ལུས་འཇིག་འགྱུར། །བདུན་པ་ལ་ནི་དགའ་བ་སྟེ། །ཚིམ་པ་ཉིད་ནི་འཐོབ་པར་འགྱུར། །བརྒྱད་
D370.078.0064a01.01པ་འཇིག་རྟེན་བརླག་པར་འགྱུར། །ཟླ་བ་དགུ་པར་གནས་པ་ཡིས། །ལུས་ནི་དགྲ་དང་བཅས་པར་འགྱུར། །བཅུ་པ་དགའ་མགུར་རྩེ་འགྱུར་ཞིང་། །སྣ་ཚོགས་པས་ནི་རྒྱལ་བར་འགྱུར། །བཅུ་གཅིག་སྣ་ཚོགས་འཇིགས་པས་གདུང་། །བཅུ་གཉིས་པ་ནི་ལོངས་སྤྱོད་དེ། །
D370.078.0064a02.01བདེ་བ་ཆེན་པོས་རྒྱལ་བར་འགྱུར། །ལུག་ལ་སོགས་པ་བསྟན་པ་ཡིས། །ཟླ་བ་རིམ་པ་བཞིན་དུ་རྒྱུ། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་
D370.078.0064a03.01རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་ཐམས་ཅད་རྒྱུ་བའི་རིམ་པར་ཕྱེ་བ་སྟེ་ཉི་ཤུ་རྩ་ལྔ་པའོ།། །།དེ་ནས་བཅོམ་ལྡན་འདས་ལ་ལྷ་མོས་མཆོད་ཅིང་ཕྱག་བྱས་ནས་འདི་སྐད་ཅེས་གསོལ་ཏོ། །སྒང་གཤོང་འཁོར་ལོ་ཁྱོད་བཤད་པ། །དེ་རྣམས་དབྱེ་
D370.078.0064a04.01བ་ཅི་འདྲ་དང་། །དུས་ཀྱི་གྲངས་ནི་ཇི་བཞིན་གསུངས། །རྒྱུ་བ་ཡི་ནི་ཁྱད་པར་དག །འདི་ལ་བདག་ནི་ཐེ་ཚོམ་སྐྱེས། །བདེ་བ་ཆེན་པོས་བཤད་དུ་གསོལ། །སྒྱུ་མ་ཀུན་གྱིས་རྣམ་རོལ་པ། །ཉོན་ཅིག་ལྷ་མོ་སྒྱུ་མ་ཆེ། །དུས་ཀྱི་བགྲང་བ་ལུས་མེད་ཅིང་། །ཐམས་ཅད་དུ་ནི་
D370.078.0064a05.01ཐམས་ཅད་གནས། །དངོས་པོ་ཀུན་ལ་ཁྱབ་པ་སྟེ། །ལུས་ལ་གནས་ཀྱང་ལུས་མི་སྐྱེ། །དུས་ཉིད་དུས་ནི་མེད་པ་དང་། །འཇིག་རྟེན་ཉིད་ནི་འཇིག་རྟེན་མིན། །བདེན་པ་དང་ནི་{བརྫུན་,རྫུན་}པ་མིན། །ལྷ་ཁྱོད་ཀྱིས་ནི་སྔར་བཤད་པའི། །བསམ་གྱིས་མི་ཁྱབ་དུས་མཚན་ཉིད། །གང་
D370.078.0064a06.01ཞིག་ཁྱོད་ཀྱིས་བཤད་པ་སྟེ། །དོན་དམ་ཤིན་ཏུ་རྙེད་དཀའ་བ། །ལུས་ལས་འདས་ཤིང་དྲི་མེད་པ། །རྣལ་འབྱོར་པ་ཡིས་ཇི་ལྟར་རྟོགས། །སྐྱེ་བོ་ཀུན་ལ་སྨན་སླད་དུ། །དབུགས་ཀྱི་ངེས་པ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ནད་མེད་རླུང་
D370.078.0064a07.01