完整藏文原文 · 德格版页 当前仅加载第 78 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒོམ་པར་བྱ། །རཾ་ལས་ཉི་མའི་དཀྱིལ་འཁོར་ལ། །བསྒྲུབ་པར་བྱ་བ་དམིགས་ནས་སུ། །ཧཱུྃ་དག་ཕཊ་ཅེས་བྱ་བ་ནི། །འབྲུག་གི་སྒྲ་ལྟར་གྲགས་པ་སྟེ། །ཐོག་མ་དབུས་མཐའ་སྦྱར་བར་བྱ། །བསྒྲུབ་བྱའི་ལས་ཀྱི་ཆོ་གའོ། །དེ་ནས་སྒྲུབ་པོ་དཔལ་ལྡན་པས། །
D370.078.0106a01.01རྒྱན་རྣམས་ཀུན་གྱིས་བརྒྱན་ནས་སུ། །གསང་བ་གཉིས་ཀྱི་ཏིང་འཛིན་གནས། །སྦྱིན་སྲེག་ལས་ནི་བརྩམ་པར་བྱ། །ཆུ་ཡི་སྣོད་ནི་གཡོན་དུ་གཞག །གཡས་སུ་བསྲེག་རྫས་གཞག་པར་བྱ། །ལས་ཀུན་བྱེད་པས་བཟླས་པ་ཡིས། །རྫས་རྣམས་ཀུན་ལ་བསང་གཏོར་ཏེ། །དེ་
D370.078.0106a02.01ནས་བཀྲ་ཤིས་བཅས་པ་ཡིས། །གཡས་ནས་བསྐོར་ལ་ཀུ་ཤ་དགྲམ། །རྩེ་མོའི་ཆ་ལས་བྱས་པ་ནི། །དྲི་མ་མེད་ཅིང་མ་ཉམས་པ། །འདབ་མར་བཅས་ཤིང་ཁ་དོག་སྔོ། །ཤིན་ཏུ་རིང་མིན་ཐུང་བ་མིན། །འདུད་པར་བྱས་པ་གཡས་སྐོར་དགྲམ། །དེ་ནས་ལས་ཀྱི་རྗེས་མཐུན་པར། །ཐབ་
D370.078.0106a03.01ཁུང་ཕྱོགས་ཀྱི་བྱེ་བྲག་གིས། །གཞན་ཡང་ཤར་ཕྱོགས་བསྟན་ཏེ་དགྲམ། །དེ་ཡིས་སྒོར་ནི་བཀྲམ་ནས་སུ། །དེ་ནས་ཐབ་ཀྱི་ནང་དུ་ནི། །སྒྲུབ་པ་པོ་ཡིས་ཀུ་ཤ་སྦྱིན། །ཀུ་ཤའི་ལས་ནི་རྫོགས་ནས་སུ། །མེ་ཡི་ལས་ནི་བརྩམ་པར་བྱ། །གཙུབ་ཤིང་ལས་བྱུང་མེ་འམ་ནི། །ཡང་ན་
D370.078.0106a04.01ལས་ཀྱི་བྱེ་བྲག་གིས། །སྐྱེ་གཉིས་ལ་སོགས་མེ་ཡང་རུང་། །རླུང་ཡབ་ཀྱིས་ནི་སྦར་ནས་སུ། །འོ་མར་ལྡན་པའི་བུད་ཤིང་སོགས། །མེ་ནི་གསལ་བར་སྦར་བར་བྱ། །མེ་ནི་འབར་བར་ཤེས་ནས་སུ། །དེ་ནས་མེ་ལྷ་དགུག་པར་བྱ། །མེ་ཡི་ཕྱོགས་ནས་སྤྱན་དྲང་བ། །དྲང་
D370.078.0106a05.01སྲོང་གི་ནི་འཁོར་གྱིས་བསྐོར། །ཡི་གེ་རཾ་ལས་ཡང་དག་བྱུང་། །ཨོཾ་ལས་བྱུང་བའི་པདྨ་ནི། །མཛེས་པའི་ལུག་གི་སྟེང་གནས་པ། །བསམ་གཏན་ལ་བཞུགས་ཡང་དག་བསམ། །མདོག་དང་ན་བཟའ་རྒྱན་ལ་སོགས། །ལས་ཀྱི་རྗེས་སུ་མཐུན་པར་བྱ། །མེ་ཡི་ཁམས་ཀྱི་
D370.078.0106a06.01རང་བཞིན་ཏེ། །འབར་བའི་ཕྲེང་བ་རྒྱ་ཆེན་བཅས། །ཞལ་གཅིག་དང་ནི་ཕྱག་བཞིར་ལྡན། །རྡོ་རྗེ་རྩེ་གསུམ་དབྱིག་པ་དང་། །བགྲང་ཕྲེང་རིལ་བ་སྤྱི་བླུགས་ནི། །གཡས་དང་གཡོན་དུ་རིམ་བཞིན་བསམ། །རྡོ་རྗེ་མེ་ནི་བྱོན་པ་དང་། །ཐབ་ཀྱི་དབུས་སུ་བཞུགས་སུ་གསོལ། །དེ་ནས་
D370.078.0106a07.01