完整藏文原文 · 德格版页 当前仅加载第 78 函德格 37b 版页；藏文 NFD、目录标记与异常页序保留在来源切片中，重复版页行以稳定序号区分。
མིག་འབབ་པའོ། །ཨོ་ཊེར་ནི་རྡོ་རྗེ་རལ་བ་ཅན་དང་འཇིགས་བྱེད་ཆེན་མོ་སྟེ། །མཁྲིས་པ་འབབ་པར་གྲགས་པ་སྟེ་ཞིང་ངོ་། །ཏྲི་ཤ་ཀུ་ནི་ར་དཔའ་བོ་ཆེན་པོ་དང་རླུང་གི་ཤུགས་མ་སྟེ། གློ་བ་འབབ་པའོ། །ཀོ་ས་ལར་རྡོ་རྗེ་ཧཱུྃ་མཛད་དང་ཆང་འཐུང་མ་སྟེ། རྒྱུ་མའི་ཕྲེང་བ་འབབ་པའོ། །ཉེ་
D370.078.0037b01.01བའི་ཞིང་ངོ་། །ཀ་ལིང་གར་ནི་ཤིན་ཏུ་བཟང་པོ་དང་སྔོ་བསངས་ལྷ་མོ་སྟེ། །རྩིབ་ལོགས་ཀྱི་སྣལ་མ་འབབ་པའོ། །ལམ་པཱ་ཀར་ནི་རྡོ་རྗེ་བཟང་པོ་དང་ཤིན་ཏུ་བཟང་མོ་སྟེ། བོང་བུ་རྣམས་ལྟར་ལྟོ་འབབ་པའོ། །རོལ་སའོ། །ཀཱན་ཙིར་ནི་འཇིགས་བྱེད་ཆེན་པོ་དང་རྟ་རྣ་མ་སྟེ། བཤང་བ་འབབ་
D370.078.0037b02.01པར་གྲགས་སོ། །ཧི་མ་ལ་ཡར་ནི་མིག་མི་བཟང་དང་ཁྭ་གདོང་མ་སྟེ། མཚོ་ག་མའི་སྲུབས་འབབ་པའོ། །ཉེ་བའི་རོལ་སའོ། །གསུང་གི་འཁོར་ལོ་ས་སྤྱོད་དེ། །སྙོམས་པར་ཞུགས་པས་ཡང་དག་གནས། །པྲེ་ཏ་པུ་རི་ར་ནི་སྟོབས་པོ་ཆེ་དང་འཁོར་ལོའི་ཤུགས་ཅན་མ་སྟེ། །ཐམས་ཅད་དུ་
D370.078.0037b03.01བད་ཀན་འབབ་པའོ། །གྲྀ་ཧ་དེ་བ་ཏཱར་ནི་རིན་ཆེན་རྡོ་རྗེ་དང་དུམ་སྐྱེས་མ་སྟེ། རྟག་ཏུ་རྣག་འབབ་པའོ། །འདུན་སའོ། །སཽ་རཱཥྚར་ནི། རྟ་མགྲིན་དང་གླང་སྣ་མ་སྟེ། རྟག་ཏུ་ཁྲག་འབབ་པར་གྲགས་སོ། །སུ་བརྣ་དྭཱི་བ་ར་ནམ་མཁའི་སྙིང་པོ་དང་འཁོར་ལོའི་གོ་ཆ་མ་སྟེ། །དེ་བཞིན་དུ་
D370.078.0037b04.01རྡུལ་འབབ་པའོ། །ཉེ་བའི་འདུན་སའོ། །ནཱ་ག་རར་ནི་ལྷའི་དགྲ་དང་ཤིན་ཏུ་དཔའ་མོ་སྟེ། །ཚིལ་འབབ་པའོ། །སིནྡྷུའི་ཡུལ་དུ་ནི་པདྨ་གར་གྱི་དབང་ཕྱུག་མ་དང་། སྟོབས་ཆེན་མ་སྟེ། །རྟག་ཏུ་མཆི་མ་འབབ་པའོ། །དུར་ཁྲོད་དོ། །མ་རུར་ནི་རྣམ་པར་སྣང་མཛད་དང་འཁོར་ལོས་
D370.078.0037b05.01སྒྱུར་མ་སྟེ། །མཆིལ་མ་འབབ་པར་གྲགས་སོ། །ཀུ་ལུ་ཏཱར་ནི་རྡོ་རྗེ་སེམས་དཔའ་དང་བརྩོན་འགྲུས་ཆེན་མོ་སྟེ། །སྣབས་གཞོན་ནུ་འབབ་པའོ། །ཉེ་བའི་དུར་ཁྲོད་དོ། །སྐུ་ཡི་འཁོར་ལོ་ས་འོག་སྤྱོད། །སྙོམས་པར་ཞུགས་བས་ཞུགས་ཡིན་ཞེས། །མཁའ་འགྲོ་ཀུན་དང་མཉམ་
D370.078.0037b06.01སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས། དཔའ་བོ་གཉིས་སུ་མེད་པའི་གནས་བསྟན་པ་ཞེས་བྱ་བའི་རིམ་པར་ཕྱེ་བ་སྟེ་བཅུ་བཞི་
D370.078.0037b07.01