完整藏文原文 · 德格版页 当前仅加载第 78 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ནས་ནི་བརྩམས་ནས་སུ། །མཐེ་བོས་རི་མོ་བྲི་བར་བྱ། ཉི་ཚོད་ཡི་གེ་ལ་སོགས་པ། །སྔར་བསྟན་བཞིན་དུ་མདུན་དུ་རེག །གི་རི། སྟེང་དུ་ལྟ་བར་བྱེད་པ་ནི། །ཉིན་ཕྱེད་དགའ་བས་རོལ་པའོ། །ས་མ་ཚ་ཡ། འཛུམ་དང་བཅས་པར་ལྟ་བྱེད་ཅིང་། །ལག་པས་
D370.078.0061a01.01ལག་པ་བཟུང་ནས་སུ། །རྒྱ་མཚོ་ལྟ་བུར་སྟོན་བྱེད་པ། །ནོར་ཟས་བྱིན་ཞེས་བྱ་བའོ། །ཛིར་ན་པ་ཏ། །ལག་གཉིས་ཁུ་ཚུར་འཆང་བྱེད་ན། །ད་ལྟར་འགྲོགས་ལ་འདོང་ཞེས་པའོ། །ས་ལ་བ་ཏ། །མཐེ་བོང་ཡིས་ནི་སྲིན་ལག་ལ། །རེག་པ་འཆི་བར་མི་འགྱུར་བའོ། །སོ་མ། མཐེ་བོང་
D370.078.0061a02.01ཁྲོ་བོ་བཟའ་ལ་སོགས། །སཱུརྱ། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་རྣལ་འབྱོར་པ་དང་རྣལ་
D370.078.0061a03.01འབྱོར་མ་རྣམས་ཀྱི་དག་གི་ཕྱག་རྒྱའི་བརྡ་ཡིས་རོལ་པའི་ཆོ་གའི་རིམ་པར་ཕྱེ་བ་སྟེ་ཉི་ཤུ་རྩ་གཉིས་པའོ།། །།ལྷ་མོས་སླར་ཡང་གར་མཛད་དེ། །གླུ་འདི་ཡིས་ནི་མཉེས་པར་བྱས། །ཨེ་བྃ་སི་ཏ་ཨ་རུ་ནི་ན་བྷ། ཛ་ནི་ཏེ་མ་དྷྱ་མ་ག་མ་ཨཱ་ག་མ་དྷ་མ་པཱ་སི་ནི་
D370.078.0061a04.01སཱ་སཱ་སཱ། །ནི་ག་མ་སཱ་སཱ་སཱ། །རི་ག་མོ་བྷུ་པ་ཏི། ས་རི་རི་ས་རི་རཱི་སཱ་སཱ་སཱ། །མ་དྷྱ་མ། ཨ་དྷ་མ་སཱ་སཱ་སཱ། ཤྲུ་ཏ་ནི་ས་སཱ་སཱ་སཱ། ས་ནི་ས་རི་ཏགྷ་མ་གྷ་མ། ཨ་དྷ་མ་དྷ་མ་སཱ་སཱ་སཱ། བ་བ་མ་ཡ་བ་བ་དྷ་ན་མོ་ཞེས་བྱའོ། །ཤར་དུ་མེའོ། །གཤིན་རྗེར་ནི་བྲེའོ། །ནུབ་ཏུ་ནི་
D370.078.0061a05.01མིའོ། །བྱང་དུ་ནི་ཀུའོ། །མེ་མཚམས་སུ་ནི་དྷ་སིའོ། །བདེན་བྲལ་དུ་ནི་མ་ཀའོ། །རླུང་མཚམས་སུ་ནི་ཏུ་ཀུའོ། །དབང་ལྡན་དུ་ནི་བི་མོའོ། །ཨ་ནི་སྒུར་པོའོ། །ཨི་ནི་ཟླ་བ་ལ་སྐྱེས་པའོ། །ཨུ་ནི་ལྷའི་བླ་མའི་འོ། །ཨེ་ནི་པ་བ་སངས་ཀྱིའོ། །ཨོ་ནི་ཉི་མའི་བུའི་འོ། །
D370.078.0061a06.01ཨྃ་ནི་གཟའི་བདག་པོ་རི་བོང་ཅན་ནོ། །ཨ་ནི་ཉི་མའོ། །གཟའ་རྣམས་ཀྱི་ནི་ཆོ་ག་ལས། །ཟླ་བ་ཉི་མའི་བརྗོད་པར་བྱ། །ཟླ་བ་ཀ་རྐ་ཊ་ལ་དབང་། །ཉི་མ་གདོང་ལྔ་པ་ལ་སྟེ། །གཟའ་རྣམས་ལྷག་མ་ཇི་སྙེད་པ། །རཱ་སི་གཉིས་གཉིས་ལ་ནི་སྤྱོད། །སྒང་གཤོང་འཁོར་ལོ་ཁྱོད་
D370.078.0061a07.01