完整藏文原文 · 德格版页 当前仅加载第 78 函德格 26a 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་ཚིག་འདི་ཡིས་རྣམ་བརྒྱན་པ། །རིག་རྒྱལ་འཁོར་ལོ་སྒྱུར་བའི་སྔགས། །མ་བྱུང་འབྱུང་བར་མི་འགྱུར་རོ། །འཁྲུལ་འཁོར་ཆེན་པོ་བཅུ་གཉིས་ནི། །བཞིན་མཛེས་མ་ནི་ཁྱོད་ལ་བཤད། །འདི་ནི་སྡང་བ་ཐམས་ཅད་ཀྱི། །དེ་བཞིན་འཇིགས་བྱེད་མི་བཟད་ཡིན། །
D370.078.0026a01.01ཡང་དག་ཆོ་ག་གང་གིས་ནི། །དངོས་གྲུབ་མྱུར་དུ་འཇུག་བྱེད་པ། །བཟའ་དང་སྟོན་མོ་འདུས་པ་ཡི། །སྒྲུབ་ཐབས་ཆོ་ག་དེ་ནས་བཤད། །ཕྱུགས་རྣམས་དག་ནི་དགུག་པ་ཉིད། །སྒྲུབ་པོས་སྔར་བསྟན་རིམ་པས་བྱ། །རྒྱུ་མེད་པ་ཡིས་ཕྱུགས་རྣམས་ནི། །རྒྱུ་མཚན་མེད་པས་གཞོམ་པར་བྱ། །
D370.078.0026a02.01ཕྱུགས་རྣམས་དང་ནི་དེ་བཞིན་ལྔ། །བོང་བུ་མི་དང་རུས་སྦལ་དང་། །རྔ་མོ་ཅེ་སྤྱང་རྟ་ལ་སོགས། །ཁྱི་དང་ཕག་གི་ཤ་དག་དང་། །ཟངས་ཀྱི་གཙུག་ཕུད་ཅན་དེ་བཞིན། །བཟའ་དང་སྦྱིན་སྲེག་གཏོར་མ་ནི། །མ་དཔྱད་པར་ནི་བྱས་གྱུར་ན། །མ་ལུས་ལུས་པ་མེད་འགྲུབ་ཅིང་། །རྒྱལ་སྲིད་
D370.078.0026a03.01ཐམས་ཅད་རབ་འགྲུབ་ཅེས། །མཁའ་འགྲོ་ཀུན་དང་མཉམ་སྦྱོར་བའི། །རྡོ་རྗེ་མཁའ་འགྲོ་བདེ་བའི་མཆོག །རྡོ་རྗེ་སེམས་དཔའ་དེ་བཞིན་གཤེགས། །བཅོམ་ལྡན་རྡོ་རྗེ་ཅན་གྱིས་གསུངས། །རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ལས་འཁྲུལ་འཁོར་ཐམས་ཅད་འབྱུང་བ་ཞེས་
D370.078.0026a04.01བྱ་བའི་རིམ་པར་ཕྱེ་བ་སྟེ་དགུ་པའོ།། །།ཚེ་དང་ནད་མེད་སྤེལ་བ་དང་། །བྱ་དང་བྱ་མིན་སྦྱོར་བའི་མཆོག །དབུགས་ཀྱི་ལས་ལ་སོགས་མཚན་ཉིད། །ཉོན་ཅིག་ལྷ་མོ་སྐལ་ཆེན་མ། །ཉི་ཁྲི་དང་ནི་ཆིག་སྟོང་དང་། །དྲུག་བརྒྱ་རུ་ནི་བརྩིས་པ་ཡི། །ཆུ་ཚོད་དྲུག་ཅུའི་དབུགས་རྣམས་ཀྱིས། །
D370.078.0026a05.01ཉིན་མཚན་ལོ་རུ་གྲགས་པ་ཡིན། །འབྱུང་དང་འཇུག་པའི་དབུགས་དག་ལས། །འབྱུང་བའི་མཚན་མས་བགྲང་བར་བྱ། །བློ་དང་ལྡན་པས་དབུགས་གཉིས་ལས། །འཇུག་པ་འབྱུང་ལ་ཐིམ་པར་བྱ། །གནས་ནི་བཅུ་གཉིས་དག་ཏུ་ཡང་། །ཕྱི་རོལ་མཚན་མ་གཞག་པར་བྱ། །ཚེས་
D370.078.0026a06.01གྲངས་བྱེ་བྲག་གསུངས་པ་བཞིན། །དབྱངས་ཀྱི་བྱེ་བྲག་ཤེས་པར་བྱ། །གཟའ་རྣམས་ཀྱི་ནི་བྱེ་བྲག་དང་། །སྐར་མ་རྣམས་ཀྱི་རྒྱུ་བ་ལས། །དུག་གི་དུག་ལ་སོགས་དང་གཞན། །རིམ་པ་འདི་ཡིས་བརྗོད་པར་བྱ། །དཔྱིད་ཟླ་ར་བ་ནས་བརྩམས་ཏེ། །ཉི་མ་བྱང་དུ་འགྲོ་བའི་དུས། །
D370.078.0026a07.01