完整藏文原文 · 德格版页 当前仅加载第 78 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
དོག་ལྔ་དང་ལྡན་པ་རུ། །ཡི་གེའི་དབང་པོ་ས་ལ་བསྒོམ། །དེ་སྟེང་ཅུ་ཡི་ཡི་གེ་ནི། །བཞི་པ་ལེགས་པར་གནས་པ་སྟེ། །དུང་དང་ཟླ་འདྲ་དཀར་པོའི་མདོག །ཁ་བའི་རྒྱུན་ནི་འབབ་པ་སྟེ། །ལ་ཡི་སྟེང་དུ་བཀོད་ནས་སུ། །ཤིན་ཏུ་བསིལ་
D370.078.0087a01.01བའི་བདུད་རྩི་འཛག །དབང་ཆེན་གྱིས་ནི་བསྐོར་བ་ཡི། །ཆུ་ཡི་དཀྱིལ་འཁོར་དབུས་གནས་པ། །སྤྱི་བོར་ཐིག་ལེ་དང་ནི་ལྡན། །ཆར་པའི་རྒྱུན་ནི་སྟོང་ཕྲག་འབེབས། །སྟེང་དུ་སྤྲིན་གྱི་ཕུང་པོ་ནི། །གློག་དང་འབྲུག་ལ་སོགས་པས་བརྒྱན། །བདུད་རྩི་ཆར་གྱི་རྒྱུན་
D370.078.0087a02.01འབེབས་པ། །ནམ་མཁའ་ཐམས་ཅད་ཁྱབ་པ་རུ། །དཀྱིལ་འཁོར་གཉིས་ཀྱི་དབུས་འགྱུར་བ། །གང་གི་མགོ་ཡི་སྟེང་བསྒོམས་ན། །སྒྲུབ་པོ་བདག་ཉིད་ཆེན་པོ་ཡི། །ལས་ནི་ཇི་ལྟར་འདོད་བཞིན་བྱེད། །གདེངས་ཀ་གསུམ་གྱིས་མཛེས་པ་ཡི། །ལྷག་མ་ཅན་ནི་
D370.078.0087a03.01ཞི་གཟུགས་བསམ། །དེ་ཡི་མིག་གཉིས་དབང་པོ་ཡི། །མཚོན་ཆས་བརྒྱན་པའི་དབུས་སུ་ནི། །བདུད་རྩི་འབེབས་པའི་ཨི་ཡིག་དགོད། །གྲོང་ཁྱེར་གྱི་ནི་མཐའ་མ་དང་། །བསྒྲུབ་བྱ་ཡི་ནི་སྟེང་དུ་དབབ། །དུག་དང་གདོན་དང་རིམས་ལ་སོགས། །སྐད་ཅིག་གིས་ནི་ཞི་བར་
D370.078.0087a04.01འགྱུར། །ད་ནི་སྐྲ་དཀར་གཞོམ་པ་ཡི། །ཆོ་ག་བཤད་ཀྱིས་མཉན་པར་གྱིས། །དཀྱིལ་འཁོར་ཉིས་འགྱུར་ཡི་གེ་ནི། །དེ་ལྟར་རྟག་ཏུ་བསམས་གྱུར་ན། །ཚེ་ཐུང་བ་ཡང་རིང་འགྱུར་ན། །སྐྲ་དཀར་ལ་སོགས་སྨོས་ཅི་དགོས། །བུད་མེད་དབང་ཕྱུག་རྣམས་ལ་ནི། །འབད་
D370.078.0087a05.01པས་ཡང་ཡང་གཡོན་བསྐོར་ཞིང་། །རང་གི་སྤྱི་བོའི་སྟེང་དུ་ནི། །ལོ་གཅིག་བར་དུ་བསྒོམ་བྱས་ན། །རྒ་བ་དང་ནི་འཆི་བ་འཇོམས། །ནད་ཀྱིས་གདུང་བར་མི་འགྱུར་ཏེ། །གལ་ཏེ་ཀླུ་ཆེན་བརྒྱད་ཀྱི་ནི། །མཆེ་བའི་དུག་གིས་ཟིན་གྱུར་ཀྱང་། །དུག་ནི་དུག་མེད་བྱས་ནས་སུ། །
D370.078.0087a06.01དུག་གིས་བརྒྱལ་བ་སློང་བར་མཛད། །འགྲོན་པོ་ལམ་གྱིས་དུབ་པ་དང་། །གདོན་ལ་སོགས་པས་གཟིར་བ་རྣམས། །ཀུན་ལས་ཐར་བར་འགྱུར་བ་ཡིན། །བདག་གི་སྤྱི་བོར་བསམས་ཙམ་གྱིས། །སྐད་ཅིག་གིས་ནི་བཀྲེས་སྐོམ་འཇོམས། །ནད་རྣམས་ཀུན་གྱིས་གདུངས་
D370.078.0087a07.01