完整藏文原文 · 德格版页 当前仅加载第 78 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲུབ་བྱ་ཡི་ནི་སྙིང་ག་དང་། །མགོ་དང་རྐང་པ་ཀུན་ཏུ་དགོད། །དེ་ཡིས་བསྒྲུབ་བྱ་ཕུག་ནས་ནི། །རྨོངས་ཤིང་སེམས་དང་བྲལ་བར་བསམ། །སྒྲུབ་པ་པོ་ཡི་མཆོག་གིས་ནི། །དེ་ཡི་ལུས་ནི་དཀྲུས་པ་དང་། །མྱོས་ཤིང་བརྒྱལ་བར་བསྒོམ་པར་བྱ། །དེ་ཡིས་
D370.078.0083a01.01ཤིན་ཏུ་རྒྱལ་འགྱུར་ཞིང་། །ཡི་གེའི་དབང་པོས་ཆེ་བས་ན། །སྒྲུབ་པོ་བདག་ཉིད་ཆེན་པོ་ཡི། །ཇི་སྲིད་འཚོ་ཡི་བར་དུ་ནི། །ནོར་དང་བཅས་པ་དབང་དུ་འགྱུར། །ག་ཞེས་བྱ་བའི་ས་བོན་ཆེ། །རང་གི་ལྷ་ཡི་སྡོམ་པ་སྟེ། །ཚེག་དྲག་བཅས་པ་གཟི་བརྗིད་ཆེ། །གཙོ་བོ་ཆར་
D370.078.0083a02.01སྤྲིན་ལྟ་བུའི་མདོག །བསྒྲུབ་བྱའི་མགོ་དང་མགྲིན་པ་དང་། །ཁྱད་པར་དུ་ནི་སྙིང་གར་བསམ། །དེ་ཡིས་བསྒྲུབ་པར་བྱ་བའི་ལུས། །ཡི་གེས་ཀུན་ཏུ་ཕུག་བསམ་ན། །ལུས་ནི་རྟག་ཏུ་དཀྲུགས་པས་ན། །འདར་ཞིང་དེ་ཡི་དབང་དུ་འགྱུར། །བདག་ཉིད་དང་ནི་ནོར་དང་
D370.078.0083a03.01བཅས། །སྡང་བའི་དགྲ་རྣམས་མ་ལུས་པ། །ཁྱིམ་ལ་སོགས་པ་ཀུན་ཏུ་ནི། །ཇི་སྲིད་ཉི་ཟླ་ཡོད་ཀྱི་བར། །མ་ལུས་པར་ནི་འཇོམས་པར་བྱེད། །གྷ་ཞེས་བྱ་བ་སྒྱུ་མ་ཆེ། །བསྐལ་པའི་མེ་དང་གཟི་བརྗིད་མཚུངས། །སྟེང་དུ་ཐིག་ལེས་བརྒྱན་པ་སྟེ། །ཀུ་སུ་མ་ཡི་ཁུ་བ་
D370.078.0083a04.01འདྲ། །བསྒྲུབ་བྱ་ཡི་ནི་ལྟེ་བ་དང་། །གསང་བ་སྙིང་ག་ཁ་དང་ནི། །མགོ་བོ་རུ་ནི་བསམས་ཙམ་གྱིས། །བསྒྲུབ་བྱ་དགའ་བས་མྱོས་ནས་སུ། །སེམས་དང་བྲལ་ཞིང་ཉམས་ནས་ནི། །ཇི་སྲིད་འཚོ་ཡི་བར་དུ་ནི། །བདག་ཉིད་ནོར་དང་བཅས་པ་རུ། །ཤིན་ཏུ་དེ་ཡི་དབང་དུ་
D370.078.0083a05.01འགྱུར། །ང་ཞེས་བྱ་བ་གཟི་བརྗིད་ཆེ། །སྡེ་ཚན་གྱི་ནི་མཐའ་མར་གནས། །དེ་ནི་འདོད་པའི་མདའ་ཡིན་ཏེ། །འཇིག་རྟེན་གསུམ་པོ་དབང་དུ་བྱེད། །དེ་ནི་བསྒྲུབ་བྱའི་གསང་བར་བསམ། །ཁུ་བ་དག་ནི་འཛག་པར་བྱེད། །གསང་བ་རུ་ནི་ཞུགས་པ་ཡིས། །ཐམས་ཅད་
D370.078.0083a06.01དུ་ནི་འབིགས་པར་འགྱུར། །ཡན་ལག་གི་ནི་ཚིགས་ཀུན་ཏུ། །དེ་ཡིས་ཕུག་པས་མྱོས་ནས་ནི། །ནོར་དང་བདག་ཉིད་བཅས་པ་ནི། །མྱུར་བ་ཉིད་དུ་དབང་དུ་འགྱུར། །ཇི་སྲིད་འཚོ་ཡི་བར་དུ་ནི། །དེ་ལ་ཆགས་དང་བྲལ་མི་འགྱུར། །ཡི་གེ་ལྔ་པོ་ཀུན་གྱིས་ཀྱང་། །
D370.078.0083a07.01