完整藏文原文 · 德格版页 当前仅加载第 80 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱི་ཙ་ཏུ་རྭཱི་ཋ་བི་ཁྱྭ་ཧ་ཏནྟྲ་རཱ་ཛ་ནཱ་མ། བོད་སྐད་དུ། དཔལ་གདན་བཞི་པའི་རྣམ་པར་བཤད་པའི་རྒྱུད་ཀྱི་རྒྱལ་པོ་ཞེས་བྱ་བ། བཅོམ་ལྡན་འདས་རྣལ་འབྱོར་ནམ་མཁའ་དང་། རྡོ་རྗེ་རྣལ་འབྱོར་དང་། རྡོ་རྗེ་རྣལ་འབྱོར་མའི་ཚོགས་
D430.080.0260a03.01གང་གཱ་ཀླུང་གི་བྱེ་མ་སྙེད་ཀྱི་གྲངས་དང་མཉམ་པ་ཐམས་ཅད་ལ་གུས་པས་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཐུགས་རྗེ་ཆེན་པོ་དང་ལྡན་པ་འཕགས་པ་སྤྱན་རས་གཟིགས་དབང་ཕྱུག་ལ་གུས་པར་ཕྱག་འཚལ་ལོ། །དཔལ་རྡོ་རྗེ་སེམས་
D430.080.0260a04.01དཔའ་ལ་ཕྱག་འཚལ་ལོ། །རྣལ་འབྱོར་དབང་ཕྱུག་ཉིད། །དེ་བཞིན་རྣལ་འབྱོར་མཆོག་ཉིད་དང་། །དྲང་སྲོང་རྣམས་ཀྱི་ཡེ་ཤེས་དབང་། །རྣལ་འབྱོར་མ་ཡི་དྲ་མཆོག་བདེ། །གནས་གཙང་མ་ན་བཞུགས་ནས་སུ། །ཐམས་ཅད་མཁྱེན་པས་འདི་
D430.080.0260a05.01སྐད་གསུངས། །རྣལ་འབྱོར་གྱི་དབང་ཕྱུག་བྱེ་བ་ཕྲག་བརྒྱད་ཅུའི་དབུས་ནས་ཕྱག་ན་རྡོ་རྗེས་ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གསང་བ་སྦྱོར་བའི་ཁྱད་པར་དང་། །བདག་ནི་དེ་ཉིད་ཇི་ལྟར་ལྷ། །ཆུ་དང་མེ་ནི་ཇི་ལྟར་ལགས། །ཇི་ལྟར་
D430.080.0260a06.01རབ་མཛེས་ནམ་མཁའ་དང་། །ཡེ་ཤེས་ཇི་ལྟར་འཚལ་བགྱི་བ། །ཡེ་ཤེས་དབང་ལ་ཉན་པར་འཆལ། །འཁོར་བ་ལས་བསྒྲལ་མཚན་ཉིད་དག །ཉོན་ཅིག་དཔལ་ལྡན་རྡོ་རྗེ་འཆང་། །དང་བོར་དབང་གི་མཚན་ཉིད་དང་། །གཉིས་པར་ཡི་གེ་གཅིག་པ་ནི། །
D430.080.0260a07.01