完整藏文原文 · 德格版页 当前仅加载第 80 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག་ཏུ་རྟག་ཅིང་ཞི་བ་དང་། །ཕྲ་ཞིང་རགས་པའི་འགྲོ་བ་ཀུན། །ལས་དང་ལས་ཀྱི་ཁྱད་པར་ཉིད། །ཐམས་ཅད་ཆུ་ཡི་དབྱིབས་དང་ནི། །མཉམ་པར་འཇིགས་བྱེད་མེ་དང་ཡང་། །ཇི་ལྟར་རྟག་པ་རླུང་དག་དང་། །དད་པའི་དོན་དང་ས་དབང་པོ། །ལྷག་
D430.080.0269b01.01མ་བརྩེགས་པ་ལས་བྱུང་བ། །བཞི་པ་ཡི་གེ་དྲུག་པའོ། །འགྲོ་བའི་དོན་ཕྱིར་ཡི་གེ་བརྒྱད། །ལྷ་བརྒྱད་དུ་ནི་ཡོངས་སུ་གྲགས། །མཉམ་བཞག་བཟླས་ཤིང་བསྒོམས་པ་ཡིས། །འགྲུབ་པར་འདི་ལ་ཐེ་ཚོམ་མེད། །བ་དན་གསུམ་པའི་ཕྱག་རྒྱ་ཡིས། །
D430.080.0269b02.01སྔོན་དུ་རེག་ཅིང་རེག་པ་ཉིད། །འཇིག་རྟེན་འདིར་ནི་བདེ་བ་དང་། །རྟག་ཏུ་མཆོད་པ་རྙེད་པར་འགྱུར། །འཆི་བའི་དུས་སུ་ཡེ་ཤེས་ནི། །གཟུགས་མེད་སྲིད་པར་རབ་ཏུ་གནས། །བདག་གི་དེ་ཉིད་དམན་པ་ཡིས། །ཇི་ལྟར་སྔགས་ནི་འགྲུབ་པར་འགྱུར། །
D430.080.0269b03.01དེ་ཕྱིར་ནན་ཏན་ཐམས་ཅད་ཀྱིས། །སྦྱོར་བའི་བསྟན་བཅོས་རྟོགས་པར་བྱ། །དྲི་ཞིམ་རབ་གྲགས་མེ་ཏོག་ཀུན་ནས་གནས་པ་དང་། །ནག་པོའི་ཨ་ཀ་རུ་དང་གུ་གུལ་མར་མེ་དང་། །གཉིས་མེད་གཏོར་མ་གཅིག་གིས་ཡང་དག་ཡིད་ལྡན་གྱིས། །ལྷ་མོ་
D430.080.0269b04.01མ་མོ་གཞན་རྣམས་ཀུན་ནས་རབ་ཏུ་མཆོད། །སྟེང་དུ་རྣམ་པར་སྣང་མཛད་བསམ། །མཆུ་ལ་ཕྱག་ན་རྡོ་རྗེའོ། །ཡིད་ཀྱིས་ནམ་མཁའི་སྙིང་པོ་ནི། །རྣ་བ་གཉིས་ལ་རབ་ཏུ་སྦྱར། །ལྕེ་ལ་འཇིག་རྟེན་མགོན་པོ་དང་། །མགྲིན་པར་འཇམ་པའི་དབྱངས་ཀྱི་སྲས། །
D430.080.0269b05.01བྱང་དུ་བྱམས་པ་ཡང་དག་སྦྱར། །སྙིང་གར་ཀུན་ཏུ་བཟང་པོ་གནས། །ལྟེ་བར་ཁྲོ་བོའི་རྒྱལ་པོ་ནི། །གཤིན་རྗེ་མཐར་བྱེད་རབ་ཏུ་གྲགས། །དེ་ཉིད་རྣམ་པའི་བྱེ་བྲག་ཉིད། །ལྷ་མོའི་གདན་ཉིད་དུ་ནི་བསྒོམ། །སྙིང་གར་སེམས་དང་ཡེ་ཤེས་ནི། །མཁས་པ་
D430.080.0269b06.01ཡི་ནི་བསམ་པར་བྱ། །འོད་ཟེར་བྱེ་བ་རྣམ་མང་པོ། །སངས་རྒྱས་སྤྲིན་ནི་རབ་ཏུ་འཕྲོ། །མཉམ་པར་བཞག་ཅིང་བསྒོམས་པ་ཡིས། །འགྲུབ་འགྱུར་འདི་ལ་ཐེ་ཚོམ་མེད། །མཐའ་ཡས་པའི་སྒོའི་ལྷ་མོའི་གཟུངས་ཀྱི་ལེའུ་ཞེས་བྱ་བ་བཅུ་པ་རྫོགས་སོ།། །།
D430.080.0269b07.01