完整藏文原文 · 德格版页 当前仅加载第 80 函德格 295b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་བརྩེགས་པ་ནི། །བཞི་པ་ཡི་གེ་དྲུག་པའོ། །འགྲོ་བའི་དོན་ཕྱིར་ཡི་གེ་བརྒྱད། །ལྷ་བརྒྱད་དུ་ནི་ཡོངས་སུ་གྲགས། །མཉམ་གཞག་བཟླས་པའི་ངོ་བོ་ཡིས། །འགྲུབ་པར་འདི་ལ་ཐེ་ཚོམ་མེད། །བ་དན་གསུམ་པའི་ཕྱག་རྒྱ་ཡིས། །སྔོན་དུ་རེག་ཅིང་རེག་པ་
D430.080.0295b01.01ཉིད། །འཇིག་རྟེན་འདིར་ན་བདེ་བ་དང་། །རྟག་ཏུ་མཆོད་པ་རྙེད་པར་འགྱུར། །འཆི་བའི་དུས་སུ་ཡེ་ཤེས་ནི། །གཟུགས་མེད་སྲིད་པར་རབ་ཏུ་གནས། །བདག་གི་དེ་ཉིད་མནན་པ་ཡིས། །ཇི་ལྟར་སྔགས་འདི་འགྲུབ་པར་འགྱུར། །དེ་ཕྱིར་ནན་ཏན་ཐམས་ཅད་ཀྱིས། །སྦྱོར་
D430.080.0295b02.01པའི་བསྟན་བཅོས་རྟོགས་པར་བྱ། །དྲི་ཞིམ་རབ་གྲགས་མེ་ཏོག་ཀུན་ནས་གནས་པ་དང་། །ནག་པོའི་ཨ་ཀ་རུ་དང་གུ་གུལ་མར་མེ་དང་། །གཉིས་མེད་གཏོར་མ་གཅིག་གིས་ཡིད་ནི་ལྡན་པ་ཡིས། །ལྷ་མོ་མ་མོ་རྣམ་པ་ཀུན་ནས་རབ་ཏུ་མཆོད། །ཡི་གེ་བརྒྱད་པའི་ལེའུ་ཞེས་བྱ་སྟེ་དང་
D430.080.0295b03.01པོའོ།། །།དེ་ནས་གསང་བའི་ཡན་ལག་གི། །ཐིག་ལེ་ལ་ནི་བདག་ཕྱག་འཚལ། །ཁམས་གསུམ་སྐྱེས་པ་ཟད་བྱས་ནས། །ཡེ་ཤེས་དངོས་པོ་གནས་པ་བཞིན། །ལྷ་ཡི་དངོས་པོ་དབྱེར་མེད་པས། །སྟེང་དང་འོག་དང་དབུས་སུ་ནི། །ཐམས་ཅད་ཀུན་ནས་སྟོང་པ་ཉིད། །རི་རབ་གླིང་གཞན་
D430.080.0295b04.01བདེ་བྱས་ནས། །མཉམ་ཉིད་སྦྱོར་བ་ཀུན་དུ་བསམ། །ཐམས་ཅད་སྡེམ་པའི་དབྱེ་བ་ཡིས། །དེ་ཡིས་མེ་ཏོག་ཐིག་ལེ་ཡི། །ཐིག་ལེའི་དབུས་སུ་གསལ་བའོ། །ཡེ་ཤེས་རྔུལ་ནི་རྣམ་པར་ཐིམ། །ཡེ་ཤེས་བློ་དང་ལྡན་པས་ཤེས། །ཁ་དོག་མེད་ཅིང་མཚོན་ཀུན་དངོས། །གཟུགས་མེད་
D430.080.0295b05.01ཡེ་ཤེས་གཟུགས་བཞིན་ནོ། །རིང་བ་མ་ཡིན་ཐུང་བ་མིན། །མི་ལྡན་པ་དང་ལྡན་པ་ཉིད། །གཟུགས་དང་སྟོང་པའི་དེ་བཞིན་དབུས། །ལྷན་ཅིག་ཡེ་ཤེས་གཟུང་བར་བྱ། །ཉོན་མོངས་དེ་བཞིན་མུན་པ་ནི། །རྣམ་ཤེས་ལྷན་ཅིག་སྣང་བའོ། །ཡེ་ཤེས་རྡོ་རྗེ་བཅོམ་བྱས་ནས། །སྣང་བའི་
D430.080.0295b06.01དངོས་གྲུབ་ཐོབ་པར་འགྱུར། །རླུང་གི་དཀྱིལ་འཁོར་དབུས་སུ་ནི། མེ་ཡི་དཀྱིལ་འཁོར་འདྲ་བའོ། །མེ་ཡི་དཀྱིལ་འཁོར་དབུས་སུ་ནི། །ཉི་མའི་དཀྱིལ་འཁོར་འདྲ་བའོ། །ཉི་མའི་དཀྱིལ་འཁོར་དབུས་སུ་ནི། །ཟླ་བའི་དཀྱིལ་འཁོར་བསྒོམ་པར་བྱ། །དེ་དབུས་ཇི་
D430.080.0295b07.01