完整藏文原文 · 德格版页 当前仅加载第 80 函德格 304a 版页；藏文 NFD、目录标记与异常页序保留在来源切片中，重复版页行以稳定序号区分。
མིག་ལ་ཧྲཱི། སྣ་ལ་ཧེ། རྣ་བ་ལ་ཧཾ། ལྕེ་ལ་ཧོ། །སྙིང་གར་ཧཱུྃ། ཡན་ལག་དྲུག་ཏུ་བཀོད་པའི་སྔགས་སོ། །ཨོཾ་ཧྲཱིཿཧ་ན་ཧ་ན། སརྦ་ཤ་ཏྲཱུྃ་མ་ཐ་མ་ཐ། བནྡྷ་བནྡྷ་ཧཱུྃ་ཨ་མུ་ཀ། སང་གྷཱ་ཏ་ཡ་གྷ་ཏ་ཡ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཕུ་ཕུ། འདི་ནི་བསྒྲུབ་
D430.080.0304a01.01པ་ཐམས་ཅད་ཀྱི་སྔགས་སོ། །བ་དན་གསུམ་པའི་ཕྱག་རྒྱས་ནི། །ཡན་ལག་དྲུག་ཏུ་དགོད་པར་བྱ། །བ་དན་གསུམ་པས་སྙིང་གར་སྦྱིན། །དཔུང་པ་ཀུན་ནས་བརྐྱང་བྱས་ལ། །སེ་གོལ་གྱི་ནི་སྒྲ་དང་ནི། །ཧཱུྃ་གི་རྣམ་པ་ལྷན་ཅིག་སྦྱར། །གཡས་བརྐྱང་བ་
D430.080.0304a02.01ཡིས་ཡང་དག་གནས། །འདིར་ནི་མཆོག་གི་ཕྱག་རྒྱའོ། །སློབ་དཔོན་ལ་ནི་དམོད་པ་དང་། །དམ་ཚིག་སྤྱོད་ལ་འཕྱ་བ་དང་། །དཀོན་མཆོག་གསུམ་ལ་གནོད་བྱེད་པ། །སྡིག་གིས་གོས་པར་མི་འགྱུར་རོ། །སྐྱེ་བ་བྱེ་བ་བརྒྱ་སྟོང་དུ། །སངས་རྒྱས་
D430.080.0304a03.01ཡེ་ཤེས་ཀྱིས་བསྐུལ་ཞིང་། །དགེ་བའི་བཤེས་གཉེན་བསྟེན་པ་ཡིས། །རྣལ་འབྱོར་གཙུག་ལག་ཕྲད་པའོ། །སེམས་ཅན་ཐམས་ཅད་སྐྱོན་མེད་ཅིང་། །སེམས་ཅན་ཐམས་ཅད་བདེ་གྱུར་ཅིག །གང་གིས་ལམ་ནས་འགྲོ་བ་ཡིས། །
D430.080.0304a04.01སངས་རྒྱས་ཉིད་དུ་གྲུབ་གྱུར་ཅིག །མ་བསྒྲལ་བ་རྣམས་བསྒྲལ་བ་དང་། །མ་གྲོལ་བ་རྣམས་བདག་གིས་དགྲོལ། །དེ་ལྟར་རྗེས་སུ་བརྩེ་བའི་ཕྱིར། །རྣལ་འབྱོར་བསྟན་བཅོས་འདི་བགྱིས་སོ། །གདན་བཞི་པ་ལས་སྦྱོར་བའི་རབ་
D430.080.0304a05.01ཏུ་བྱེད་པ་གདན་བཞིའི་ལེའུ་ཞེས་བྱ་བ་རྫོགས་སོ།། །།དཔལ་གསང་བ་ཐམས་ཅད་ཀྱི་རྒྱུད་ཅེས་བྱ་བ་འདི་ནི། པཎྜི་ཏ་སྨྲྀ་ཏི་ཛྙཱ་ན་ཀཱིརྟིས་གསར་དུ་བསྒྱུར་ནས་བཤད་ཅིང་གཏན་ལ་ཕབ་པ། དེ་ལྟར་ན་རྒྱུད་འདིའི་ལེའུ་སིལ་བུ་རྣམས་ཕྱོགས་གཅིག་ཏུ་བསྡོམས་ན་
D430.080.0304a06.01ལེའུ་བརྒྱ་དང་བཞི་བཞུགས་སོ། །སླད་ནས་བུ་སྟོན་ཐམས་ཅད་མཁྱེན་པའི་ཐུགས་དམ་རྒྱུད་འབུམ་དང་དཔེ་དཔང་རྙིང་པ་དག་དང་ཡང་གཏུགས་ཏེ། སྡེབས་ཞུས་དང་བཅས་པ་ཆེས་ཤིན་ཏུ་དག་པར་བགྱིས་སོ།། །།
D430.080.0304a07.01