完整藏文原文 · 德格版页 当前仅加载第 80 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་སྤྱན་ལ་ཐིམ། །ཆུ་ཤིང་མེ་ཏོག་པདྨ་འདི། །སྒོང་སྐྱེས་ཡེ་ཤེས་ཀྱི་ནི་གདན། །དེ་ཡི་ཡེ་ཤེས་རྒྱལ་དབང་མོ། །སྒོང་སྐྱེས་འོག་ཏུ་འབྱེད་པ་ཅན། །གཟུགས་མེད་སྦིད་པའི་དབྱིབས་ཅན་ན། །ཡེ་ཤེས་རྒྱལ་པོ་ཉིད་དུ་ཐིམ། །དེ་ལྟར་བདག་ཉིད་སྟོང་པ་
D430.080.0261b01.01ཉིད། །དེ་ཉིད་དེ་ཉིད་སྟོང་པ་ཉིད། །འཇིགས་པ་མེད་ཅིང་འཚེ་མེད་པར། །དངོས་པོས་དངོས་པོ་བསྒོམ་པར་བྱ། །ཇི་ལྟར་སྟོང་ཉིད་དེ་བསྒོམས་ལ། །ལུས་ཀྱི་དྲི་མ་རབ་ཏུ་བཀྲུ། །ཕྱིས་ནི་ཆུ་ཡི་གཟུགས་སུ་བསྒོམ། །དམར་པོ་འདབ་མ་བརྒྱད་དང་ནི། །
D430.080.0261b02.01གེ་སར་ལྟེ་བར་བཙས་པ་ཡིས། །དབུས་སུ་པདྨས་རྣམ་པར་བརྒྱན། །འདབ་བརྒྱད་ལ་ནི་ལྷ་མོ་ཡི། །ས་བོན་བརྒྱད་ཀྱིས་རྣམ་པར་བརྒྱན། །ཤར་དུ་སི་ཀ་ཞེས་བྱ་དང་། །བྱང་དུ་བཟོད་པའི་ས་བོན་བཞིན། །ནུབ་ཏུ་རླུང་གི་ས་བོན་གསུངས། །ལྷོ་རུ་ཧཱུྃ་གི་
D430.080.0261b03.01དབང་ཕྱུག་གོ། །དབང་ལྡན་དུ་ནི་དབང་པོའི་དབྱངས། །མེ་ཕྱོགས་སྒྲ་དང་རྣམ་ཤེས་སོ། །བདེན་བྲལ་དབྱངས་ཡིག་བརྒྱད་པ་དང་། །རླུང་དུ་དབྱངས་ཡིག་ལྔ་པའོ། །དབུས་སུ་ཡེ་ཤེས་རྒྱལ་བོ་འདི། །སྒོང་སྐྱེས་ཡེ་ཤེས་དབང་ཕྱུག་ནི། །ཉི་མའི་དཀྱིལ་
D430.080.0261b04.01འཁོར་གྱིས་དཀྲིས་པ། །བདུད་རྩི་ས་བོན་འབར་བའོ། །ཁ་དོག་བདུན་པའི་མེ་འདི་ནི། །གོ་འཕང་མཆོག་གིས་བསྒོམ་པར་བྱ། །དབུགས་མི་གཡོ་བའི་སེམས་དཔའ་ཡིས། །དངོས་པོས་དགོས་པོ་བསྒོམ་བྱས་ནས། །ཕྱིས་ནི་རྩ་ཉིད་ལྷ་ཡི་གདན། །
D430.080.0261b05.01མིག་ལས་ཡི་ས་བོན་དང་། །ནམ་མཁའ་སྣ་དང་རྣ་བ་ལའོ། །ལྕེ་ལ་བདུད་རྩིའི་ས་བོན་འདི། །སྙིང་གར་ཧཱུྃ་ཞེས་བྱ་བའི་མིང་། །ཡན་ལག་དྲུག་འཛིན་ས་བོན་གྱིས། །རྣལ་འབྱོར་ལུས་ནི་རྣམ་པར་བསྲུང་། །ཡེ་ཤེས་ལུས་འདི་ཤེས་བྱས་པས། །ཅི་ཡི་ཕྱིར་
D430.080.0261b06.01ན་སྐྱེ་བོའི་མིང་། །གཟུགས་མེད་ཡེ་ཤེས་གཟུགས་ཅན་དང་། །ཁ་དོག་མེད་ཅིང་མཚོན་ཀུན་དངོས། །གནས་མེད་གནས་ཀྱི་དབྱིབས་ཅན་དང་། །མི་རིགས་དེ་བཞིན་རིགས་པ་ཉིད། །སྟོང་པ་ཉིད་ཀྱི་ལེའུ་ཞེས་བྱ་བ་སྟེ་གཉིས་པ་རྫོགས་སོ།། །།
D430.080.0261b07.01