完整藏文原文 · 德格版页 当前仅加载第 80 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
ནུས་པ་ཡིས་ནི་འཇོམས། །དང་པོར་དཀར་པོར་ཡང་དག་བསྒོམ། །གཉིས་པར་སེར་པོར་བསྒོམ་པ་དང་། །གསུམ་པར་ཀུན་ནས་དམར་པོར་བསྒོམ། །བཞི་པ་ལ་ནི་ནག་པོ་ཉིད། །རྩའི་འཁོར་ལོ་བསྒོམ་པ་སྟེ་ལེའུ་དང་པོ་ཞེས་བྱ་
D430.080.0272a01.01བ་རྫོགས་སོ།། །།དེ་ནས་གཞན་ཡང་རབ་བཤད་པ། །དཀྱིལ་འཁོར་ས་བོན་བསྒོམ་པ་ནི། །ས་བོན་ངེས་པར་དེ་བཞིན་གཤེགས། །དབྱངས་ཀྱི་ཡི་གེའི་མཚན་ཉིད་དོ། །རྣམ་རྟོག་རྨོངས་པ་ཆེན་པོ་སྟེ། །འཁོར་བའི་རྒྱ་མཚོ་ཕ་རོལ་
D430.080.0272a02.01འགྲོ། །དག་པའི་ལུས་ཀྱི་ངོ་བོ་ཡིས། །ཡེ་ཤེས་ལུས་ནི་དག་པའི་དངོས། །དག་ཅིང་དག་པ་དེ་བཞིན་དངོས། །དང་པོའི་རྣལ་འབྱོར་མཚན་ཉིད་དོ། །དེ་བཞིན་ཉོན་མོངས་མུན་པ་ནི། །རྣམ་ཤེས་ལྷན་ཅིག་སྣང་བའོ། །ཡེ་ཤེས་རྡོ་རྗེས་བཅོམ་
D430.080.0272a03.01ནས་ནི། །སྣང་བ་ལ་སོགས་ཐོབ་པར་འགྱུར། །དག་པའི་ལུས་དང་སེམས་ཀྱིས་ནི། །བློ་ལྡན་དཀྱིལ་འཁོར་མཚོན་པར་བྱ། །སློབ་དཔོན་དང་བྲལ་འདི་ཡིས་ནི། །རྟག་ཏུ་ས་སྟེངས་དངོས་གྲུབ་མེད། །སློབ་དཔོན་ཡོན་ཏན་གཟུང་བྱ་ཞིང་། །སྐྱོན་ནི་
D430.080.0272a04.01ནམ་ཡང་མ་ཡིན་ནོ། །དཀྱིལ་འཁོར་ཆོ་གའི་མཚན་ཉིད་ནི། །དེ་བཞིན་མཉམ་པར་བརྟགས་ལ་བྱ། །གྲྭ་བཞི་པ་ལ་སྒོ་བཞི་པ། །རྟ་བབས་བཞི་ཡིས་རྣམ་པར་བརྒྱན། །དེ་དབུས་པདྨ་མཉམ་པར་བྲི། །དབུས་སུ་མཆོག་གི་ཡི་གེ་ནི། །ཡི་གེའི་
D430.080.0272a05.01གཟུགས་དང་དབྱིབས་སུ་ནི། །ཡི་གེ་རུ་ནི་རྣམ་ཤེས་བྱ། །ཤར་དུ་དཀར་པོ་ཀུན་ནས་བསམ། །ནུབ་ཏུ་དུ་བའི་ས་བོན་བཞིན། །ལྷོར་ནི་དུང་གི་ས་བོན་དང་། །བྱང་དུ་པདྨའི་ས་བོན་ནོ། །དབང་ལྡན་མཚམས་སུ་རོ་ཙ་ན། །མེ་རུ་དྲི་མེད་གསུམ་འབྱུང་
D430.080.0272a06.01བའོ། །བདེན་བྲལ་དུ་ནི་འབྱེད་པ་ཤེས། །ཐམས་ཅད་ལས་ལ་རླུང་ཉིད་དོ། །འདི་ལྟར་དཀྱིལ་འཁོར་མཉམ་ཤེས་བྱ། །རྟག་ཏུ་དཀྱིལ་འཁོར་བསམ་པར་བྱ། །དཀྱིལ་འཁོར་བསམས་པ་ཙམ་གྱིས་ནི། །སྡིག་པ་སྤངས་ཤིང་རྣམ་པར་གྲོལ། །
D430.080.0272a07.01