完整藏文原文 · 德格版页 当前仅加载第 80 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
དབུས་སུ་འབར་བ་ནི། །ཐིག་ལེའི་སྒོ་རུ་སྣང་བའོ། །ཨ་ཡིག་རྣམ་པའི་བདུད་རྩིའི་ཆུ། །ཁ་དོག་གཉིས་པའི་ལྷ་ཉིད་དོ། །ཇི་ལྟར་བུག་པ་སྟོང་པ་ཉིད། །རྟག་ཏུ་སྟོང་པའི་ལྷ་ཉིད་དོ། །སྣ་བུག་ཇི་ལྟར་བཟེད་པ་ཡིས། །ལྕེ་ཡི་ཡང་ནི་བདུད་
D430.080.0293a01.01རྩིའོ། །ཡི་གེ་གསུམ་ནི་སྦྱར་བར་བྱ། །རྨོངས་པ་མགྲིན་པ་དབྱངས་ཡིག་སྦྱར། །ཨུ་ནི་རྣམ་པ་རིམ་བཞིན་མཆོག །ཀུན་ནས་ཉོན་མོངས་ལྷག་པར་སེལ། །ཧཱུྃ་གི་ཡི་གེ་དབང་ཕྱུག་མཆོག །སྔོན་དུ་པདྨ་མཉམ་པ་ཉིད། །སྒོང་སྐྱེས་སྔོན་དུ་བཟོད་པའོ། །དེའི་
D430.080.0293a02.01ལྷ་ནི་ལྷག་པར་རྫོགས། །འོད་ཟེར་བྱེ་བ་རྣམ་མང་པོ། །དེ་ཡི་ཡེ་ཤེས་དབང་ཕྱུག་རྒྱལ། །དབུགས་མི་གཡོ་བར་བསྒོམ་པར་བྱ། །སྟོབས་འཇིགས་པ་ཡི་དབྱུག་པ་ཅན། །ཧུྃ་གི་རྣམ་པ་མངའ་བདག་དབང་། །ལྟེ་བར་ཇི་ལྟར་གཙོ་བོ་ཉིད། །ཨེ་ཡི་རྣམ་པ་བརྡ་
D430.080.0293a03.01ཡི་ལུས། །ཀུན་ནས་དགོད་པ་རྣམ་པར་བཤད། །བདག་ཉིད་ལྷ་དང་ལྷ་གཞན་ནི། །བདག་ཉིད་ལྷ་ནི་མཆོག་ཡིན་ནོ། །བདག་ཉིད་གདན་དུ་གྲགས་པ་ཡིས། །བདག་ཉིད་ལྷ་ནི་མཆོད་པར་བྱ། །བདག་གི་གདན་གྱི་ལེའུ་བྱ་བ་སྟེ་བཅུ་པའོ།། །།དེ་ནས་གཞན་ཡང་
D430.080.0293a04.01བཤད་བྱ་བ། །འོད་ཟེར་གྱི་ནི་མཚན་ཉིད་དག །རྡོ་རྗེ་ལྕགས་སྒྲོག་གི་ཕྱག་རྒྱས། །ས་ནི་སྦྱང་བར་བྱ་བའོ། །ཧཱུྃ་གི་རྣམ་པས་པདྨ་བསྒྱུར། །ཉི་མའི་དཀྱིལ་འཁོར་གཞི་ལ་ནི། །ཅོད་པན་རབ་ཏུ་དགོད་པར་བྱ། །གལ་ཏེ་བདག་ཉིད་ལྷར་འདོད་པས། །
D430.080.0293a05.01དབུགས་ལས་ལྷ་ནི་དབྱུང་བར་བྱ། །གཟུགས་རྫོགས་ཡིད་དུ་འོང་བ་ཉིད། །མཆོག་གི་གོ་འཕང་བསྒོམ་པར་བྱ། །གནས་བརྒྱད་སོ་སོ་ལྷ་ལ་ནི། །ཕྱག་རྒྱ་བརྒྱད་ནི་བསྟན་པར་བྱ། །ལས་དང་ལས་ཀྱི་ཁྱད་པར་ལ། །སྔགས་པས་འདི་ཡི་ས་བོན་བཟླས། །
D430.080.0293a06.01ས་ཡི་རྣམ་བཞི་པ་ཉིད། །དེ་བཞིན་ཀྵ་ཡི་རྣམ་པས་རྒྱས། །དབང་ལ་ཡྃ་གི་ཡི་གེ་ཤིས། །ཧ་ཡི་རྣམ་པ་མངོན་པར་སྤྱོད། །མཆོད་པ་ཆོག་ཀུན་རྫོགས་པ། །གཞན་དུ་བལྟས་ནས་ཤེས་པར་བྱ། །ཕྱིས་ནི་ལས་ལ་རབ་ཏུ་འཇུག །རང་གི་ལུས་ལ་ཐིམ་པར་བྱ། །
D430.080.0293a07.01