完整藏文原文 · 德格版页 当前仅加载第 80 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་ས་བོན་འདི། །སྒྲ་དང་ཐིག་ལེར་སྦྱར་བར་བྱ། །ཤར་དུ་བདུད་རྩི་དྲག་པོ་ཡི། །ས་བོན་དབུས་སུ་སྦྱར་བར་བྱ། །ཇི་ལྟར་ལས་ལ་སོགས་སྦྱར་བ། །འབུམ་ཕྲག་གསུམ་གྱིས་མངོན་པར་འགྲུབ། །ཚེས་གྲངས་མེད་ཅིང་རྒྱུ་སྐར་མེད། །སྨྱུང་བར་གནས་པའང་མེད་
D430.080.0298b01.01པའོ། །ཡིད་དུ་འོང་བའི་ས་ཕྱོགས་སུ། །རྟག་ཏུ་འབད་པས་མཆོག་ཏུ་བསྒྲུབ། །དམ་ཚིག་ལ་གནས་དཔའ་བོ་ཆེ། །འདོད་ཆགས་ལ་སོགས་ཉོན་མོངས་བཅོམ། །དག་པའི་ཆོས་ལ་དམིགས་པ་ཡི། །དག་པའི་དབྱངས་ནི་ལམ་པོ་ཆེ། །ཆོས་ཆེན་པོ་ནི་ལེགས་
D430.080.0298b02.01པར་འོངས། །རོ་མཆོག་མཆོག་ཏུ་ཞིམ་པའོ། །སྲིད་པའི་མགོན་པོ་རྒྱ་ཆེ་བ། །སངས་རྒྱས་གང་ལ་ཕྱག་འཚལ་ལོ། །ཚིགས་བཅད་འདི་ཡིས་དབུལ་བར་བྱ། །སྦྱོར་བའི་གདན་གྱི་བདག་ཉིད་ལྷ་ལ་ཕྱག་འཚལ་འདུད། །འདི་ཉིད་ཚེ་ལ་འཁོར་བ་གཅོད་ལ་ཕྱག་
D430.080.0298b03.01འཚལ་ལོ། །ཚིགས་བཅད་འདི་ཡིས་བླང་བྱ་ཞིང་། །ཚིགས་བཅད་འདི་ཡིས་རབ་ཏུ་ཟེད། །པདྨར་བསྒྱུར་བའི་གདན་ལ་ནི། །སྟེང་དུ་རྡོ་རྗེ་བསྟན་པར་བྱ། །དབུས་སུ་བདུད་རྩི་རི་རབ་ཀྱིས་བསྲུབས་ནས། །མཐེ་མཛུབ་གཉིས་ནིས་ཡི་སྟེང་དུ་འཐོབ་འཐུང་དབུལ། །
D430.080.0298b04.01རྒྱས་པའི་མཆོད་རྟེན་ལྔ་ལ་རོ་ཡིས་ལན་ལྔ་རུ། །བདུད་རྩི་ཆུ་ཡིས་མཆོད་རྟེན་དབུས་སུ་བསམ་པར་བྱ། །གཞན་གྱི་གདན་གྱིས་བདག་ཉིད་དབྱེ་བའི་ལེའུ་ཞེས་བྱ་བ་སྟེ་བཞི་པའོ།། །།གཞན་ཡང་གཏོར་མའི་ལས་བཤད་པ། །ལོགས་སུ་གྲུ་གསུམ་བྱ་བ་ནི། །ཁྲག་
D430.080.0298b05.01སོགས་ཀྱིས་ནི་བྱ་བའམ། །གཡོན་པ་ཁུ་ཆུར་བཅིངས་བྱས་ལ། །དབུ་མ་ཁྲོ་བོ་བརྐྱང་པར་བྱ། །དབུས་མ་ཡི་ནི་གསུམ་པ་ལ། །སྡིགས་མཛུབ་བཀུག་ལ་སྦྱར་བར་བྱ། །དུ་པའི་ལྕགས་ཀྱུའི་ཕྱག་རྒྱས་སྤྱན་དྲང་པར་བྱའོ། །ཨོཾ་ཨཱ་ཀརྵ་ཡ། ཨཱ་ཀརྵ་ཡ། མ་ཧཱ་
D430.080.0298b06.01པཱུ་ཛ་བྷ་ཀྵ་བྷ་ཀྵ། ཧཱུྃ་ཧཱུྃ་ཧཱུྃ་སྭཱ་ཧཱ། སྤྱན་དྲང་བའི་སྔགས་དང་ཕྱག་རྒྱའོ། །ཀུན་ནས་གཏོར་མ་རྫོགས་བྱས་ལ། །ལྔ་བའི་རྫས་ཀྱིས་སྦྱར་བར་བྱ། །ཨོཾ་ཤིང་གཅིག་དང་ནི་དུར་ཁྲོད་དང་། །རི་དང་བྲག་དང་ཕུག་གིས། །ཡུལ་གྱི་མདོ་དང་ལམ་དང་ཞིང་། །ཁྱད་པར་དུ་ནི་
D430.080.0298b07.01