完整藏文原文 · 德格版页 当前仅加载第 80 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་མེད་པའི་འབྱིན་བྱེད་པའོ། །གང་ཞིག་རྣམ་པར་ཤེས་ཙམ་གྱིས། །འཆི་བའི་དུས་སུ་གནས་པ་ཉིད། །གལ་ཏེ་དུས་ལ་བབ་ཙམ་གྱིས། །དབུགས་ནི་ཆད་ཅིང་འཆད་པར་འགྱུར། །དེ་བཞིན་འཇིགས་པ་ཆུ་མཐོང་ན། །འགྲམ་པའི་མཚམས་
D430.080.0275b01.01ནི་གཡོ་བར་འགྱུར། །བཅུ་གཉིས་ཞག་ལ་ཁྲི་ཕྲག་གཅིག །ཆུ་ཚོད་དབུགས་ནི་ཆད་པའོ། །གང་ཞིག་མཚན་མོའི་མཚན་ཉིད་ནི། །ལྷོ་ཕྱོགས་བགྲོད་པར་ཡང་དག་བཤད། །བྱང་དུ་བགྲོད་པར་བཤད་པ་ནི། །ཇི་ལྟར་ཉིན་མོའི་རྣམ་པའི་འོད། །
D430.080.0275b02.01སོར་མོ་དྲུག་པ་ཙམ་ཉིད་དུ། །ནང་གི་རྣམ་ཤེས་འཕོ་བའོ། །གསང་ཞིང་གསང་བ་གསང་ཆེན་པོ། །སྦྱོར་བ་གསང་བར་མཚུངས་པའོ། །རྣལ་འབྱོར་ཤེས་པའི་རྣལ་འབྱོར་པས། །དེ་ཕྱིར་གསང་བ་ལ་མཉམ་བསྟེན། །ནང་གི་ལེའུ་ཞེས་བྱ་བ་
D430.080.0275b03.01སྟེ་བརྒྱད་པ་རྫོགས་སོ།། །།དེ་ནས་གཞན་ཡང་རབ་བཤད་པ། །རྡོ་རྗེ་སྦྱོར་བའི་མཚན་ཉིད་ནི། །པདྨའི་གཟུགས་ཉིད་གཟུང་བ་ཉིད། །མཆོག་དང་རྡོ་རྗེ་མཆོག་མཉམ་པའི། །པདྨ་མཉམ་པར་བྱས་ནས་ནི། །འཁྲིག་པ་བདུད་
D430.080.0275b04.01རྩིའི་སྦྱོར་བའོ། །ཐིག་ལེ་ཡི་ནི་རང་བཞིན་ཉིད། །རྣལ་འབྱོར་བ་ཡི་ཐིག་ལེ་གསང་། །ཀུ་ཤའི་རྩེ་མོ་བདུན་གྱི་ཆས། །རྣལ་འབྱོར་མ་ནི་བརྒྱད་ལ་དབུལ། །བདུད་རྩི་སྲུབ་པ་བླང་བྱས་ལ། །གློ་རུ་ཐིག་ལེ་བཞིན་དུ་དབུལ། །ཉོན་མོངས་རྟག་ཏུ་
D430.080.0275b05.01སྐད་ཅིག་གིས། །ཨ་རྫ་ཀ་ཡི་དོག་པ་བཞིན། །རྣལ་འབྱོར་བསྟན་བཅོས་བལྟས་ནས་ནི། །འདུལ་བ་འདི་ནི་རྟག་ཟློས་པའི། །སེམས་ཅན་འཇིག་རྟེན་འདས་པ་ཐོབ། །ངན་པར་སྤྱད་པའི་དྲི་མ་འདམ། །བློ་ལྡན་གང་ཞིག་གིས་བཀྲུས་ནས། །
D430.080.0275b06.01དགེ་བ་འདི་ཡིས་དྲི་མ་འདི། །གང་གི་ལམ་ནས་འགྲོ་བ་ཡི། །དེས་བྱས་བདེ་གཤེགས་ཉིད་དུ་འགྱུར། །རྩའི་འཁོར་ལོ་ཞེས་བྱ་བ་ལེའུ་དགུ་པ་རྫོགས་སོ།། །།སྟོང་ཉིད་དངོས་པོའི་གཟུགས་ཀྱིས་ནི། །དབུས་སུ་ལྷན་ཅིག་བསྒོམ་པར་
D430.080.0275b07.01