完整藏文原文 · 德格版页 当前仅加载第 80 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
གྱེན་དུ་དབུགས། །དེ་བཞིན་ལྟོ་བ་རླུང་གིས་གང་། །ཡེ་ཤེས་ཐིག་ལེ་གནས་ནས་གནས། །རྣམ་པར་ཤེས་པ་ངེས་པར་ཐིམ། །འཇིག་པ་མེད་ཅིང་འཚེ་མེད་པར། །མཉམ་པར་གཞག་པའི་ངོ་བོས་སྒོམ། །རླུང་གི་དཀྱིལ་འཁོར་རྔུབས་པ་ཡིས་
D430.080.0294a01.01དབུས་སུ་ཡེ་ཤེས་སྐྱོན་མེད་པའོ། །བླ་མས་བཤད་པའི་ལམ་གྱིས་ནི། །རྟག་ཏུ་ངེས་པར་བལྟ་བའོ། །ཇི་ལྟར་བུ་མོ་གཞོན་ནུ་གཏམ་གྱིས་རྨོངས་ནས་སུ། །གཉི་ག་འཐམ་པ་སྲད་ནས་གཏམ་གྱིས་སྨྲས་པ་དང་། །ལམ་ནི་ཇི་ལྟར་བསྟན་ཀྱང་བཟུང་པར་མི་ནུས་པ། །
D430.080.0294a02.01ལྟར་རྣལ་འབྱོར་བ་ནི་ལམ་ངན་བསྟན་པ་བཞིན། །གསང་བའི་གདན་གྱི་ལེའུ་ཞེས་བྱ་བ་སྟེ་བཅུ་གསུམ་པའོ།། །།དེ་ནས་གཞན་ཡང་བཤད་བྱ་བ། །མ་བསྒྲལ་བ་རྣམས་བསྒྲལ་བར་བྱ། །མ་གྲོལ་བ་རྣམས་བདག་གིས་དགྲོལ། །དེ་ལྟར་རྗེས་སུ་
D430.080.0294a03.01བརྩེ་བའི་ཕྱིར། །བདག་གི་སྦྱོར་བའི་བསམ་གཏན་བྱ། །ལུས་ནི་རྣམ་པ་གསུམ་ཉིད་དང་། །ངག་གི་ཡང་ནི་རྣམ་པ་བཞི། །ཡིད་ཀྱི་རྣམ་པ་གསུམ་ཉིད་ནི། །ལུས་ཀྱིས་བསྲུང་ཞིང་རབ་ཏུ་བསྡམ། །གཉིས་ཀྱི་གནས་ནི་མངོན་པར་སྤང་། །ཡེ་ཤེས་ཅན་གྱིས་ཐར་
D430.080.0294a04.01པ་བསྟེན། །སྐད་ཅིག་ལོངས་སྤྱོད་དེ་བཞིན་སྡུག །གཉིས་མེད་ལྷན་ཅིག་བསྟན་པར་བྱ། །ཚེ་འདི་ཉིད་ལ་སེམས་ཅན་རྣམས། །སྐད་ཅིག་ཕུན་ཚོགས་སྐད་ཅིག་རྐུད། །དེ་བཞིན་རྨོངས་པའི་ལོངས་སྤྱོད་ནི། །རྣལ་འབྱོར་པ་ཡིས་ལྟོས་མི་བྱ། །དེ་ཕྱིར་ཉེས་པ་
D430.080.0294a05.01ཡི་ནི་གནས། །འགྲོ་བའི་ཉེས་པ་སྲིད་པའི་དངོས། །ལོངས་སྤྱོད་ལྷག་པའི་གནས་གཅིག་གི། །འབྲས་བུ་འདོད་པ་གོ་བཟློག་པའོ། །སེམས་ཅན་སྦྱིན་ལ་སྲེད་པ་ཡི། །ལོངས་སྤྱོད་ཀྱི་ནི་གནས་སུ་བརྗོད། །དེ་ཕྱིར་གཉིས་པའི་ལམ་སྤངས་ལ། །རྣལ་འབྱོར་
D430.080.0294a06.01བ་ཡིས་དེ་བཞིན་དབུས། །སྦྱོར་བའི་ཆོས་ནི་མཉམ་དམིགས་པས། །སྤྱོད་པའི་ཆོས་ཞི་སྐྱོན་མེད་པའོ། །བདག་མེད་ལུས་ནི་ཡང་དག་གནས། །བདག་མེད་ལ་ནི་མཉམ་པར་བརྟེན། །བསླབ་བྱ་རྟོགས་པའི་ལེའུ་ཞེས་བྱ་བ་སྟེ་བཅུ་བཞི་པའོ།། །།དེ་ནས་གཞན་ཡང་
D430.080.0294a07.01