完整藏文原文 · 德格版页 当前仅加载第 80 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོག །ཐང་ཤིང་དེ་བཞིན་ཤིང་དང་ནི། །འོ་མ་འཛག་པའི་ཤིང་ཇི་བཞིན། །ཡམ་ཤིང་གི་ནི་ཆོ་ག་མཆོག །རྒྱས་པ་ལ་ནི་སྦྱར་བར་བྱ། །བྷ་ལ་ཏ་ཀ་སྒུར་པོའི་ཤིང་། །བྱ་རོག་ཚང་གི་ཤིང་ཇི་བཞིན། །ཡམ་ཤིང་གི་ནི་ཆོ་ག་མཆོག །ཤིང་གི་
D430.080.0281b01.01ནག་པོའི་ལས་ལ་སྦྱར། །འོ་མར་ལྡན་པའི་བཏུང་བ་དང་། །དེ་བཞིན་འབྲས་དང་འབྲུ་མཉམ་པས། །ཞི་བ་ལ་ནི་སྦྱར་བར་བཤད། །སྦྱིན་སྲེག་གི་ནི་ཆོ་ག་མཆོག །གིའུ་ཝང་དང་ནི་གུར་གུམ་ཉིད། །ཐམས་ཅད་འབྲུ་དང་མཉམ་ལྡན་པ། །དེ་བཞིན་རྒྱས་
D430.080.0281b02.01པའི་སྦྱིན་སྲེག་གོ། །ཡང་ན་གསེར་གྱི་ལྷ་དང་ནི། །པུཎྜ་རཱི་ཀ་གུར་གུམ་དང་། །ཨ་རུ་ར་ཡི་མེ་ཏོག་བརྒྱ། །དབང་ལ་སྦྱར་བར་ཡང་དག་མཚུངས། །བྷ་ལ་ཏ་ཀ་ལུ་བཏང་དང་། །དུག་དང་དེ་བཞིན་ཁྲག་ཉིད་དང་། །ཚ་བའི་མར་ཁུ་དེ་བཞིན་སྐྲ། །ནག་
D430.080.0281b03.01པོའི་ཕྱོགས་ལ་སྦྱར་བ་ཉིད། །ལེའུ་གསུམ་པ་ཞེས་བྱ་བའོ།། །།དེ་ནས་གཞན་ཡང་བཤད་བྱ་བ། །འབྱུང་པོ་གནོད་སྦྱིན་དེ་བཞིན་ཀླུ། །ལྷ་དང་ནམ་མཁའ་ལྡིང་དང་ནི། །སྨྱོ་དང་འཁོར་བྱེད་གནོད་སྦྱིན་དང་། །ལྷ་མོ་མ་མོའི་བདག་ཉིད་ནི། །དཀྱིལ་
D430.080.0281b04.01འཁོར་དགུ་ནི་མངོན་བྱས་ནས། །རེའུ་མིག་དགུ་དང་ཆ་དགུ་དང་། །དབུས་སུ་བདག་གི་ལྷ་ཉིད་དང་། །དབང་ལྡན་དུ་ནི་ལྷ་ཡི་རིས། །ཤར་དུ་ཀླུ་ཡི་ཆ་དང་ནི། །མེ་ཡི་ཕྱོགས་སུ་གནོད་སྦྱིན་ཉིད། །ལྷོ་ཕྱོགས་སུ་ནི་འབྱུང་པོའོ། །དེ་བཞིན་སྨྱོ་བྱེད་
D430.080.0281b05.01བདེན་བྲལ་དུའོ། །ནུབ་ཏུ་ནམ་མཁའ་ལྡིང་ཉིད་དང་། །རླུང་གི་ཕྱོགས་སུ་གཏོར་མ་མཚུངས། །བྱང་དུ་འཁོར་བྱེད་གནོད་སྦྱིན་ནོ། །བདག་ཉིད་ཆ་ཡིས་མཆོད་པར་བྱ། །ལེའུ་བཞི་པ་ཞེས་བྱ་བའོ།། །།དཀར་པོའི་འོད་མཆོག་མི་བཟད་མངོན་པར་
D430.080.0281b06.01རོལ་པ་གསང་བ་ལ་མཁས་ལྕེའོ། །སྟེང་གི་མཆེ་བ་གཉིས་ལ་ཆུ་འབྱིན་རོ་ནི་འོ་མའི་ཆུ་ཞེས་པ། །འཕྱར་བའི་ཆུ་ཡི་ཁ་དོག་དང་མཚུངས་མཆེ་བ་གཉིས་ནི་རྩ་བཞིན་ནོ། །ལྕེ་ཡི་གདུང་བ་སེལ་བའི་ཆུ་ནི་བདུད་རྩི་དཀར་པོའི་བདུད་རྩི་ལྔ། །རྒྱས་པ་ལྔ་ལ་བདུད་
D430.080.0281b07.01