完整藏文原文 · 德格版页 当前仅加载第 80 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
ས་དང་རི་དང་དེ་བཞིན་ཤིང་། །བོང་པ་ཆུ་དང་དེ་བཞིན་སྲིན། །འབུ་སྲིན་རྣམ་པར་སྤངས་ནས་ནི། །ཡེ་ཤེས་ལུས་ལ་སེམས་མེད་པའོ། །འབུ་དང་སྲིན་བུ་ཡེ་ཤེས་བླུན། །ཁྱད་པར་ཉིད་དུ་སྤང་བའོ། །རྣམ་གསུམ་ལྷ་དང་གནོད་སྦྱིན་དང་། །
D430.080.0287a01.01ལྷ་མིན་{ཡི་དགས་,ཡི་དྭགས་}མཁའ་འགྲོ་མ། །གཟུགས་དང་ཡེ་ཤེས་དེ་བཞིན་ཁྲོ། །ཞི་ཞིང་ཞི་བའི་ཡེ་ཤེས་བཞིན། །ལུས་ལ་ཐམས་ཅད་གནས་པ་ནི། །བློ་དང་ལྡན་པས་ཁྱད་པར་ཤེས། །ལེའུ་བཞི་པ་ཞེས་བྱ་བའོ།། །།དེ་ནས་གཞན་
D430.080.0287a02.01ཡང་བཤད་པར་བྱ། །དྲང་སྲོང་ངོ་མཚར་སྐྱེ་བ་ནི། །ཀ་བ་གཅིག་དང་སྒོ་དགུ་དང་། །བུ་ག་གསུམ་དང་ཡེ་ཤེས་ལྷ། །རྣམ་ཤེས་ཡེ་ཤེས་ལུས་ལ་ནི། །ཆོས་ཀྱི་དབྱིངས་ནི་ཇི་ལྟར་གྲགས། །ཐར་པ་ཐོབ་པའི་དུས་སུ་ནི། །མི་ཤེས་ཡེ་ཤེས་ལུས་ཇི་བཞིན། །
D430.080.0287a03.01ཇི་ལྟར་ཆོས་ཀྱི་དབྱིངས་ཉིད་དང་། །ཡེ་ཤེས་དང་ནི་གཟུགས་ཀྱི་ཆ། །ཡེ་ཤེས་ཇི་ལྟར་མཐོང་བ་དང་། །ཇི་ལྟར་ན་ནི་ཡེ་ཤེས་གཟུགས། །དེ་ཉིད་གཟུགས་ལ་སེམས་མེད་པ། །བདུད་རྩིའི་ཡི་གེར་རྣམ་པར་བརྟག །ཡེ་ཤེས་ལྷ་དང་མཉམ་པའི་དངོས། །
D430.080.0287a04.01སྔོན་གྱི་མཚན་ཉིད་ལྟ་བུར་རོ། །ལེའུ་ལྔ་པ་ཞེས་བྱ་བའོ།། །།དེ་ནས་གཞན་ཡང་བཤད་བྱ་བ། །སྔགས་དང་རྒྱུད་ཀྱི་དབྱེ་བ་ཉིད། །ཏི་ལ་ཏི་ལ་ཡི་ནི་མཐའ། །སྟོང་པ་སྒྲ་དང་ཡང་དག་ལྡན། །སྟེང་དུ་བདུད་རྩིའི་ཐིག་ལེ་སྦྱིན། །མཆོག་གི་
D430.080.0287a05.01ཡི་གེར་ཡང་དག་ཤེས། །སྟོང་ཕྲག་གཅིག་དང་སུམ་བརྒྱ་བརྒྱད། །དེ་ཡི་མཚན་ཉིད་བཟླས་པའོ། །བདག་ཉིད་ལུས་ལ་དགོད་པ་ནི། །དེ་བཞིན་ལྷ་ནི་བསྐྱེད་ཅིང་བསྐྲུན། །ལས་བརྒྱད་དང་ནི་མཉམ་པ་ཡི། །རེའུ་མིག་བརྒྱད་ཀྱི་དབྱེ་བའོ། །ལས་བཞི་ཡི་ནི་བློ་
D430.080.0287a06.01ཅན་གྱི། །དེ་བཞིན་ས་བོན་སྔོན་དུ་བསྙེན། །ཨོྃ་ཨཱ་གཙྪཾ་ཏུ་དེ་བསམ་ཡེ་ཨཱ་ཀརྵ་ཡ་ཧཱུྃ་ཕཊ། སྤྱན་དྲང་བའི་སྔགས་སོ། །ལེའུ་དྲུག་པ་ཞེས་བྱ་བའོ།། །།དེ་ནས་གཞན་ཡང་བཤད་བྱ་བ། །ཡེ་ཤེས་ཅན་གྱིས་སྤྱན་དྲང་བ། །ཨོྃ་ཨ་ཀྵོ་ནི་ཏྱཾ་མ་
D430.080.0287a07.01