完整藏文原文 · 德格版页 当前仅加载第 80 函德格 300b 版页；藏文 NFD、目录标记与异常页序保留在来源切片中，重复版页行以稳定序号区分。
པར་རེ་བའི་ཐིག་ལེ་དང་། །བསྒྲུབ་བྱའི་མདུན་དུ་བསྒོམ་བྱ་བ། །ལན་བདུན་པ་ཡིས་འབྱེད་པ་ནི། །མདའ་ཡི་རྩེ་མོར་ས་བོན་བསམ། །ཁ་དོག་དཀར་པོ་ཀ་ཤ་བཞིན། །མདའ་འདྲེན་པ་ཡིས་དབྱིག་པ་ཡིས། །སྔགས་པས་ས་བོན་བཟླས་པར་བྱ། །ཕྱག་རྒྱའི་རྣམ་པ་
D430.080.0300b01.01བཅིང་བ་དང་། །ས་བོན་སེམས་ཀྱིས་བཟླ་བར་བྱ། །འབུམ་ཕྲག་གཅིག་བཟླས་རྣལ་འབྱོར་པས། །དེ་བཞིན་མྱུར་དུ་མངོན་པར་འགུགས། །ཡི་གེ་གཉིས་འགྱུར་ཐིག་ལེ་དང་། །རྩ་བ་རང་རོ་སྦྱར་བར་བྱ། །དེ་ནི་བདུད་རྩི་ཡིད་འོང་མིང་། །འབུམ་ཕྲག་གཅིག་གིས་འགྲུབ་
D430.080.0300b02.01པར་འགྱུར། །འབྱུང་པོ་བཞིན་དུ་དྲི་ཟ་དང་། །མཁའ་འགྲོ་གནོད་སྦྱིན་མ་བཤད་པ། །གནོད་སྦྱིན་{ཡི་དགས་,ཡི་དྭགས་}གྲུལ་བུམ་དང་། །རྡོ་རྗེ་ལྷ་མོ་རྣལ་འབྱོར་མ། །གལ་ཏེ་འདོད་ན་ཕྲན་ཚེགས་མི། །སྦྱོར་བས་མྱུར་དུ་འགུགས་པར་བྱེད། །སྦྱོར་བའི་གད་ལས་དམར་པོ་ཆེན་
D430.080.0300b03.01པོས་ཀུན་ཏུ་རྨོངས་པ་ཞེས་བྱ་བའི་ཏིང་ངེ་འཛིན་གྱི་ལེའུ་སྟེ་གཉིས་པའོ།། །།གཟུགས་ཀུན་ཟད་པར་བྱས་ནས་ནི། །གཟུགས་ནི་མི་གནས་ཟད་པར་འགྱུར། །སྐར་མའི་རྣམ་པའི་དབྱིབས་སུ་ནི། །དང་པོར་སྟོང་པ་མངོན་བསམ་བྱ། །མཉམ་ཉིད་
D430.080.0300b04.01ལྟ་བ་བསྐྱེད་བྱས་ནས། །རླུང་གི་དཀྱིལ་འཁོར་དབུས་སུ་ནི། །དབྱུག་པ་འཇིག་རྟེན་དབང་ཕྱུག་མགོན། །གུ་གུལ་ཕྱག་ན་རྡོ་རྗེ་དང་། །ཡན་ལག་འཇམ་དབྱངས་དྲིལ་བུ་མཆོག །བྱམས་བཟླ་བའི་རི་མོ་ཉིད། །མ་ཞེས་བྱ་བ་སྟེང་འབར་བ། །རྣམ་པར་འཁོར་བ་
D430.080.0300b05.01སྒྲོལ་བར་མཛད། །ས་བོན་འདི་ཡིས་འབྲས་བུ་ནི། །ཉི་མའི་དཀྱིལ་འཁོར་དབུས་སུ་ཡང་། །འོད་ཟེར་འབར་བ་རྣམ་མང་པོར། །ལྷ་ཉིད་ལྔ་ནི་བསྒོམ་པར་བྱ། །རི་རབ་རྩེ་རུ་གཞལ་ཡས་ཁང་། །རིན་ཆེན་ཀུན་གྱིས་རྣམ་པར་བརྒྱན། །གདན་དུ་མེ་ཏོག་སྔོན་པོ་འདི། །
D430.080.0300b06.01བུང་བའི་ཟས་སུ་ཟ་བ་ཉིད། །མེ་ཏོག་མྱུར་དུ་ཟ་བ་རྣམས། །སྦྲང་རྩི་མཉམ་པའི་གནས་ཉིད་དོ། །སྟེང་དུ་འཕྲོ་བའི་ཡི་གེ་ནི། །སངས་རྒྱས་ཀུན་དུ་འཐོན་པའོ། །ཆུ་དང་ནམ་མཁའ་རླུང་གི་ནི། །ས་བོན་བཞི་ཡིས་ལྷ་ཉིད་དོ། །དབྱིབས་ནི་བན་དུ་ཀ་ལྟར་གྱིས། །ཁ་དོག་
D430.080.0300b07.01