完整藏文原文 · 德格版页 当前仅加载第 80 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡོངས་སྤངས་ལ། །ཡེ་ཤེས་ཀྱི་ནི་གནས་པ་རྩམ་བྱ། །འདུ་འཛི་ལས་ནི་རྨོངས་པའི་ཚུལ། །དེ་ཕྱིར་འདུ་འཛི་ཡོངས་སུ་སྤང་། །གཅིག་པུའི་སྦྱོར་བས་གྲུབ་པ་ཡི། །གཅིག་པུས་འགྲོ་བ་བརྩམ་པར་བྱ། །བྱིས་པའི་སྐྱེ་བོས་མཐོང་བ་ཡི། །དེ་ཕྱིར་དེ་
D430.080.0286b01.01ཉིད་གཅིག་པུ་ནི། །གནས་མེད་གནས་ནི་ཤེས་བྱས་ལ། །དངོས་པོ་མེད་པའི་ངོ་བོ་ལ། །གཉིས་སུ་མེད་པའི་བདག་ཉིད་ཀྱི། །གཉིས་ཀྱི་ཤེས་པ་རྣམ་པར་སྤངས། །དེ་ཉིད་རིག་པ་མཆོག་ཏུ་ཕྲ། །སྦྱོར་བའང་མཆོག་ཏུ་ཕྲ་བ་ཉིད། །མགྲིན་པ་རྐན་གྱི་སྟེང་
D430.080.0286b02.01དུ་བཟླ། །སྨིན་མའི་དབུས་དང་མིག་གི་རྩར། །སྒོར་ནི་ཐིག་ལེ་ཕྲར་གྱུར་པ། །འཁོར་ལོ་ཕྲ་རབ་རྡུལ་ལྟ་བུར། །དང་པོ་མཆོག་དང་ཡང་དག་ལྡན། །བླ་མས་བསྟན་ལས་ཤེས་པར་བྱ། །རྡུལ་ཕྲན་ཡེ་ཤེས་དེ་ཁོ་ན། །དེ་ཕྱིར་བློ་ལྡན་གྱིས་ཤེས་བྱ། །
D430.080.0286b03.01ལེའུ་གཉིས་པ་ཞེས་བྱ་བའོ།། །།དེ་ནས་གཞན་ཡང་བཤད་བྱ་བ། །སྐྱོན་དང་ཡོན་ཏན་དངོས་པོ་སྤང་། །ཁ་གའི་སྒོ་ནི་ཇི་བཞིན་བསྡམ། །བུག་པ་དགུ་དང་ཁ་ག་ཉིད། །བུ་ག་དགུ་ལས་དུད་པ་འབྱུང་། །སྐྱེས་བུ་གོང་གི་སྒོ་ལ་ནི། །
D430.080.0286b04.01དེར་ནི་པདྨ་དཀར་པོ་བཞིན། །ལུས་ཀུན་ལ་ནི་དགོད་བྱ་ཉིད། །ལྷ་ཉིད་སོ་སོར་བསྒོམ་པར་བྱ། །ལྷ་ཡི་ས་བོན་དེ་ཉིད་ཀྱིས། །རྡོ་རྗེའི་ཕྱག་རྒྱ་དགོད་པ་བཞིན། །རླུང་གི་དཀྱིལ་འཁོར་དབུས་སུ་ནི། །ཟླ་བའི་དཀྱིལ་འཁོར་འདྲ་བའོ། །ཡེ་ཤེས་
D430.080.0286b05.01རྣམ་ཤེས་མཆོག་ཏུ་དྲང་། །དངོས་དང་དངོས་པོ་ཕྲ་བའི་དེ་ཁོ་ན། །དངོས་དང་ཤིན་ཏུ་འབྲེལ་བར་མཚུངས་པའོ། །སྙིང་གར་གནས་པའི་སྙིང་པོ་མཆོག་མིང་བརྗོད། །སེམས་ཀྱི་རྩ་ནས་དེ་བཞིན་དུ་ཧི་ཀ། །སྟེང་དང་འོག་དང་དེ་བཞིན་སྟེང་། །ཡི་གེ་
D430.080.0286b06.01བྱེད་དང་གཉིས་ཀྱིས་སྦྱང་། །བཟློག་པར་བྱ་བའི་ས་བོན་གྱིས། །ལྷན་ཅིག་བློ་དང་ལྡན་པར་སྦྱང་། །ལེའུ་གསུམ་པ་ཞེས་བྱ་བའོ།། །།དེ་ནས་གཞན་ཡང་བཤད་བྱ་བ། །ཐམས་ཅད་ལུས་ལ་གནས་པ་ཡི། །ཡེ་ཤེས་ཀྱི་ནི་ཡེ་ཤེས་མཆོག །
D430.080.0286b07.01