完整藏文原文 · 德格版页 当前仅加载第 80 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེ་དང་། །ལུས་ནི་དྲིལ་བུ་འཇམ་པའི་དབྱངས། །དེ་བཞིན་མགོ་ནི་བྱམས་པ་དང་། །མ་ཡི་རྣམ་པ་སྟེང་འབར་བ། །འཁོར་བ་རྣམ་པར་གྲོལ་བར་མཛད། །འོད་ཟེར་འབར་བ་རྣམ་མང་པོར། །ཀུན་ནས་སྟོང་པའི་དབུས་སུ་བསམ། །རྣམ་ཤེས་ཡེ་ཤེས་ས་བོན་གྱིས། །དབུས་དང་དབུས་སུ་རྣམ་
D430.080.0296b01.01པར་དཀྲིས། །བཟླས་དང་བསམ་གཏན་མཆོག་བརྩོན་པས། །རླུང་གི་སྟེང་དུ་བསམ་པར་བྱ། །དང་པོ་དཀར་པོ་ཀུན་ནས་བསམ། །གཉིས་པད་བཞིན་སེར་པོའོ། །གསུམ་པར་གང་ཞིག་དམར་པོ་དང་། །བཞི་པ་ལ་ནི་སྔོན་པོ་ཉིད། །མཉམ་བཞག་བཟླས་པའི་ངོ་བོ་ཡིས། །འགྲུབ་པར་འདི་ལ་ཐེ་
D430.080.0296b02.01ཚོམ་མེད། །སྦྱོར་བའི་གདན་གྱི་མིང་ཞེས་པ། །གསང་ཞིང་གསང་བ་གསང་ཆེན་པོ། །བདག་གི་གདན་གྱི་ལེའུ་ཞེས་བྱ་སྟེ་བཞི་པའོ།། །།དེ་ནས་གཞན་ཡང་བཤད་བྱ་བ། །ཚ་བའི་ས་བོན་བྱེ་བྲག་ནི། །ལྟོ་བའི་ཐབ་ཁུང་འདི་ཡི་མེ། །ལྟོ་བའི་མེ་རུ་ཤེས་པར་བྱ། །ཤར་གྱི་ཆ་
D430.080.0296b03.01ནི་དཀར་པོའོ། །བྱང་གི་དེ་བཞིན་སེར་པོ་ཉིད། །ནུབ་ཀྱི་ཕྱོགས་སུ་དམར་པོ་སྟེ། །ལྷོ་ཕྱོགས་སུ་ནི་ནག་པོར་གྲགས། །དབུས་སུ་མཉམ་པའི་ཁ་དོག་ཉིད། །མེ་ལྔ་རུ་ནི་བསམ་པར་བྱ། །རྡོ་རྗེ་མཁའ་འགྲོའི་མིང་ཞེས་པ། །ཤར་གྱི་མེར་ནི་རབ་ཏུ་བརྟག །དྲག་མོ་མཁའ་འགྲོ་ཞེས་བྱ་བ། །
D430.080.0296b04.01བྱང་གི་ཕྱོགས་སུ་རྣམ་པར་བརྟག །རོ་ལངས་མ་ཞེས་བཤད་པ་ནི། །ནུབ་ཀྱི་ཕྱོགས་སུ་རབ་ཏུ་དགོད། །མཁའ་འགྲོ་གཏུམ་མོ་ཞེས་བྱའི་མིང་། །ལྷོ་ཕྱོགས་ཀྱི་ནི་མེ་ཡི་མིང་། །དབུས་སུ་ཡེ་ཤེས་མེ་འདི་ནི། །ཡེ་ཤེས་མཁའ་འགྲོ་ཞེས་བྱའི་མིང་། །པདྨའི་གདན་ལ་བཞུགས་པ་
D430.080.0296b05.01ནི། །ཉི་མའི་དཀྱིལ་འཁོར་གྱིས་བརྒྱན་ཅིང་། །ལག་ན་རྡོ་རྗེ་ཁ་ཊྭཱྃ་དང་། །མེ་འབར་བ་དང་མཉམ་པའི་འོད། །གཟུགས་ནི་མཐེ་བོའི་རྣམ་པ་ཙམ། །ཁྲོ་བོའི་གཟུགས་སུ་བསྒོམ་པར་བྱ། །ན་ལི་ལས་ནི་ཡི་གེ་བརྒྱད། །འཕྱང་པ་པོ་ཡི་སྒོར་ནི་ཐིམ། །མཁས་པས་ཕྱིས་ནི་བདག་
D430.080.0296b06.01ཉིད་ལྔས། །གནས་ལྔ་རུ་ནི་སྦྱིན་སྲེག་བྱ། །སེམས་ཀྱིས་དབུགས་ནི་རབ་བསྡམས་ནས། །དངོས་པོས་དངོས་པོ་བསྒོམ་པར་བྱ། །གང་ཞིག་ཅུང་ཟད་བཟའ་བཏུང་རྣམས། །སྦྱིན་སྲེག་ཏུ་བརྟགས་བཟའ་བར་བྱ། །དང་པོ་སྒྲ་ཡི་ཡི་གེ་དང་། །དེ་བཞིན་གཉིས་པ་གཉིས་
D430.080.0296b07.01