完整藏文原文 · 德格版页 当前仅加载第 80 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
མཱ་མ་ཀཱི། །དྲི་མེད་གསུམ་ནི་སྒྲོལ་མའོ། །གོས་དཀར་མོ་ནི་འབྱེད་པར་འགྱུར། །ས་ཡི་གདུགས་ནི་སངས་རྒྱས་སྤྱན། །ལེའུ་བཅུ་གཉིས་བ་ཞེས་བྱ་བའོ།། །།ཐམས་ཅད་མཁྱེན་པ་ལ་ཕྱག་འཚལ་ལོ། །ཁམས་བཞི་
D430.080.0284a01.01རྣམ་པར་མཉམ་པ་ཉིད། །ཁམས་བཞི་རུ་ནི་རྣམ་པར་འགྲོ། །མེ་དང་ཆུ་ནི་འདི་བཤད་པ། །ནམ་མཁའ་ཡང་ནི་སྟོང་པ་ཉིད། །སྲ་བ་ཉིད་ནི་ས་ཡིན་ནོ། །དྲོ་བའི་དངོས་པོ་མེ་དང་ནི། །ཨོཾ་ནི་རྣམ་པར་སྣང་མཛད་དངོས། །སྤྱི་བོར་དཀར་པོ་ཡི་ས་བོན། །
D430.080.0284a02.01ཤར་དུ་མི་བསྐྱོད་པ་ཉིད་ནི། །ཨ་ཡི་རྣམ་པ་དེ་ཉིད་ལྷ། །ཧཱུྃ་གིས་དོན་ཡོད་རྣམ་པར་གྱུར། །ལྷོ་ཡི་ཕྱོགས་སུ་བརྩམ་པར་བྱ། །ཏྲཾ་གི་རྣམ་པ་མངའ་བདག་ལྷ། །དེ་ཉིད་སྣང་བ་མཐའ་ཡས་ལྷ། །ཅོད་པན་ནུབ་ཀྱི་ཕྱོགས་སུའོ། །དེ་ཉིད་མཆོད་པ་
D430.080.0284a03.01མཉམ་པ་དང་། །ཏྲཾ་གི་རྣམ་པས་མངའ་བདག་ལྷ། །བྱང་དུ་རིན་ཆེན་འབྱུང་བའོ། །སྤྱི་གཙུག་ལ་སོགས་ལྷ་ལྔ་ནི། །བློ་དང་ཤེས་པས་རྣམ་པར་དགོད། །ཏྲཾ་གི་རྣམ་པས་མངའ་བདག་ལྷ། །དཔྲལ་བ་ཁྲོ་བོའི་ཕྱག་ཅན་ནོ། །ཀ་ཡི་རྣམ་པ་ཡེ་ཤེས་ལྷ། །
D430.080.0284a04.01མི་གཡོ་ས་ཡི་མགོན་པོ་བཞིན། །ཧྲཱིཿཡི་རྣམ་པས་མངའ་བདག་ལྷ། །དེ་བཞིན་ཟླ་བ་མིག་གཉིས་སུའོ། །ལེའུ་དང་པོ་ཞེས་བྱ་བའོ།། །།དེ་ནས་གཞན་ཡང་བཤད་བྱ་བ། །ཛཾ་གྱི་རྣམ་པས་བདག་པོའི་ལྷ། །རྣ་བར་བྱམས་པ་ཉིད་ཡིན་
D430.080.0284a05.01ནི། །ཀྵཾ་གི་རྣམ་པས་བདག་པོའི་ལྷ། །མཁུར་ཚོས་{ཡི་དགས་,ཡི་དྭགས་}སྐྱོང་བ་པོ། །ས་ཡི་རྣམ་པས་བདག་པོའི་ལྷ། །ལྕེ་ལ་ཡང་ནི་མཱ་མ་ཀཱི། །ཧཱུཾ་གི་རྣམ་པས་མངའ་བདག་ལྷ། །མགྲིན་པར་རྟ་མགྲིན་ཁྲོ་བོ་བཞིན། །ཤྲིཾ་ཡི་རྣམ་པས་མངའ་བདག་ལྷ། །
D430.080.0284a06.01ཡེ་ཤེས་ལྷ་ནི་མཆོག་ཏུ་གཙོ། །སྙིང་པོ་ཡི་ནི་ཡེ་ཤེས་མཆོག །སོར་མོ་ལྔ་དང་མཉམ་པའི་ལྷ། །ལྔ་ནི་སངས་རྒྱས་ཉིད་ཡིན་ནོ། །ཨ་ཡིས་བདུད་རྩི་ལྷ་མོ་ནི། །ལག་མཐིལ་རྡོ་རྗེ་སྒེག་མོ་བཞིན། །ཤྲིཾ་གི་རྣམས་ས་མངའ་བདག་ལྷ། །ལྟེ་
D430.080.0284a07.01