完整藏文原文 · 德格版页 当前仅加载第 80 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
ཧཱ་ནཱ་ག་ཏ་ཀྵ་ཀ་ཝ་ས་ཝ་ཏ་ན་ཧཱུྃ་ག་ཧཱུྃ་ག་སྭཱ་ཧཱ། ཀླུའིའོ། །ཨོྃ་དྷ་ནཱ་དྷི་པིཾ་ཨཱཛྙཱ་ན་ཡ་ཀྵ་ཎོ། མཱ་ག་ཙྪ་ས་མ་ཡ་ཨུ་ད་བྷཱ་པ་ཀྲུྃ་ཀྲུྃ་ཀྲུྃ་ཧྲཱིཿསྭཱ་ཧཱ། གནོད་སྦྱིན་གྱི་སྔགས་སོ། །ཨོྃ་བྷཱ་ཏ་ཀྲོ་དྷེ་ནཱ་བྷེ་ཨཱ་གཙྪ་སམ་ཡ་ཨུད་མ་ཧེ་ཕུ་ཕུ་ཕུྃ་ཛཿ། འབྱུང་པོའི་སྔགས་སོ། །ཨོྃ་གྷུ་རུ་གྷུ་རུ་
D430.080.0287b01.01ཨཱ་ཀརྵ་ཡ་ཧཱུྃ་ཧྲི་ཛཿ། འབྱུང་པོ་དགུག་པའི་དམ་ཚིག་གི་སྔགས་སོ། །ལེའུ་བདུན་པ་ཞེས་བྱ་བའོ།། །།དེ་ནས་གཞན་ཡང་བཤད་བྱ་བ། །གང་གིས་མཆོག་གི་ཆོས་ཤེས་ཤིང་། །གང་གིས་རྣམ་པར་མི་རྟོག་ཤེས། །གང་ཞིག་ལྷ་ཉིད་རྣམ་ཤེས་པ། །
D430.080.0287b02.01གང་ཤེས་དེ་ནི་རྣལ་འབྱོར་པའོ། །གང་ཞིག་གསང་བ་མི་ཤེས་པ། །མཆོག་གི་ཆོས་ནི་མཆོག་ཕྲ་བ། །ཐམས་ཅད་ལུས་ལ་གནས་པའི་མཆོག །རང་ལུས་མཆོད་པས་ཕ་རོལ་མཆོད། །གཞན་དུ་བྱས་ན་ལྷ་ཉིད་བརླག །མཆོད་པའི་བདག་ཉིད་དེ་ཉིད་མཆོད། །ཐམས་
D430.080.0287b03.01ཅད་ལུས་ལས་ཤེས་འགྱུར་བས། །ཐམས་ཅད་ལྷ་ཉིད་ཚིམ་པའོ། །དེ་ཉིད་ཡེ་ཤེས་ལྷར་གྱུར་པས། །བདག་ཉིད་ལས་ནི་ཐམས་ཅད་པའི། །རྟག་ཏུ་ཉོན་མོངས་རྣམ་སྤངས་ནས། །ཡེ་ཤེས་ཅན་གྱི་སྐུ་རུ་གྱུར། །དེ་ཡི་མིང་ནི་དེ་བཞིན་དག །རྣལ་འབྱོར་སྦྱོར་
D430.080.0287b04.01བའི་བློ་ལྡན་པས། །ཚེ་རབས་གཞན་དུ་བྱས་པའི་སྡིག །བཀླགས་པ་ཙམ་གྱིས་ཐག་བསྲིངས་པའོ། །བརྒྱད་པ་སྟེ་དེ་རྣམས་ཀྱི་བདེ་བར་གཤེགས་པས་གསུངས་པ་རབ་ཏུ་བྱེད་པ་{བཅྭ་,བཅོ་}བརྒྱད་ལས་རྩ་བའི་འཁོར་ལོ་ཞེས་བྱ་བ་དྲུག་ཅུ་རྩ་བཞིའི་རྣམ་པར་དབྱེ་བ་
D430.080.0287b05.01རྫོགས་སོ།། །།ཐམས་ཅད་མཁྱེན་པ་ལ་ཕྱག་འཚལ་ལོ། །རྣལ་འབྱོར་རྣལ་འབྱོར་དབང་ཕྱུག་ཉིད། །དེ་བཞིན་སྦྱོར་བའི་བསྟན་བཅོས་དང་། །དྲང་སྲོང་རྣམས་ཀྱི་ཡེ་ཤེས་དབང་། །གནས་གཙང་གནས་ན་བཞུགས་ནས་སུ། །ཐམས་
D430.080.0287b06.01ཅད་མཁྱེན་པས་འདི་སྐད་གསུངས། །རྩ་ཡི་འཁོར་ལོ་རྣམ་བཤད་པ། །སྟོང་པ་ཉིད་ལ་མཆོག་ཏུ་བརྩོན། །ཡེ་ཤེས་དབང་ཕྱུག་ཡང་དག་ལྡན། །གཉིས་མེད་གཉིས་མེད་ལ་བརྟན་པ། །ཁམས་བཞི་ཡི་ནི་ངོ་བོ་དང་། །རྩ་དགུ་ཡི་ནི་དབྱེ་བ་དང་། །དེ་བཞིན་
D430.080.0287b07.01