完整藏文原文 · 德格版页 当前仅加载第 80 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
བ། །སྒྲ་དང་ཐིག་ལེས་རྣམ་པར་བརྒྱན། །ནག་པོ་དྲག་པོ་ཡི་ནི་གདན། །{ཡི་དགས་,ཡི་དྭགས་}གདན་ལ་ཀུན་གནས་པ། །བསམ་པར་ལ་གཅིག་མ་ཡི་གཟུགས། །ཁ་དོག་སྔོན་པོ་མཉམ་པའི་འོད། །དབུ་སྐྲ་གྱེན་བརྫེས་ལྷ་མོ་ཆེ། །དྲག་པར་རྒོད་པས་འཇིགས་
D430.080.0268b01.01པར་མཛད། །སྤྱན་གསུམ་ཞལ་ནི་གཅིག་པ་ལ། །ཕྱག་བཞི་ཡི་ནི་རྣམ་པར་སྤྲས། །གཅིག་ནི་ཕྱག་ན་རལ་གྲི་དང་། །གཉིས་པ་ན་ནི་རྡོ་རྗེ་གསོར། །གཡས་ན་མདུང་ནི་འཛིན་མཛད་ཅིང་། །གཉིས་པར་དེ་བཞིན་སྡིགས་མཛུབ་བོ། །འཕེན་པའི་རོལ་
D430.080.0268b02.01པས་རྣམ་པར་བཞུགས། །མེ་འབར་བ་དང་མཉམ་པའི་འོད། །ཞགས་པ་འཕེན་པས་འཆིང་མཛད་ཅིང་། །ཧཱུྃ་སྒྲའི་རྣམ་པར་འཇིགས་པར་བྱེད། །ས་བོན་དབུས་སུ་མིང་དང་ནི། །ཕཊ་ཀྱི་རྣམ་པ་དེ་བཞིན་མཐར། །དཀོན་མཆོག་གསུམ་ལ་གནོད་པ་
D430.080.0268b03.01དང་། །རྣལ་འབྱོར་བསྟན་པ་འཇིག་བྱེད་པ། །ལྷ་མོ་རལ་བ་གཅིག་མ་འདིས། །ནུས་པས་བརླག་པར་བྱེད་པར་གསུངས། །སྔགས་དང་རྒྱུད་ནི་མཉམ་བཟུང་ལ། །ལྷ་མོ་འོད་ཟེར་ཅན་ས་བོན། །དུག་དང་ཁྲག་ཏུ་བསྲེས་པ་ཡིས། །རྡོ་རྗེ་ཕག་མོ་ཀུན་
D430.080.0268b04.01ནས་བྲི། །དེ་ཡི་མཆུ་ལ་མིང་དང་ཡང་། །མགོ་ལ་ཡི་གེའི་ས་བོན་དང་། །སྟེང་དུ་མེ་ཡི་ཡི་གེ་དང་། །ཁ་ལ་རླུང་གཉིས་དེ་བཞིན་ནོ། །འདིས་ནི་སྐྲོད་པར་བྱད་པར་གསུངས། །ལས་ཀྱི་དཀྱིལ་འཁོར་གྱི་ལེའུ་ཞེས་བྱ་བ་དགུ་པ་རྫོགས་སོ།། །།
D430.080.0268b05.01སེམས་ཅན་ཀུན་ལ་ཕན་མཛད་པ། །ཡེ་ཤེས་དབང་གིས་དེ་ནས་གསུངས། །ཉོན་ཅིག་རྒྱལ་པོ་རྡོ་རྗེ་འཛིན། །འཁོར་བའི་ལམ་ནས་གྲོལ་བ་ཡི། །མཐའ་ཡས་སྦྱོར་བ་མངོན་ཕྱོགས་པས། །མཐའ་ཡས་སྒོ་ཞེས་བྱ་བའི་མིང་། །སྟོང་པ་ཉིད་ཀྱི་བདག་ཉིད་
D430.080.0268b06.01ལུས། །ཇི་ལྟར་སྟོང་པ་དེ་ཉིད་འདིས། །ཕྱི་དང་ནང་དུ་བཅས་པ་ནི། །དེ་བཞིན་ནམ་མཁའི་ཁམས་སུ་ནི། །རྒྱ་མཚོའི་ཆུ་ཡི་དབྱིབས་དང་ནི། །དེ་ཡི་དབུས་སུ་རབ་གང་བའི། །ཀུན་ནས་ཇི་ལྟར་འདོད་བཞིན་དུ། །གཞལ་ཡས་ཁང་པ་རྣམ་པར་བསམ། །
D430.080.0268b07.01