完整藏文原文 · 德格版页 当前仅加载第 80 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་དག་པའི་ལུས་ཀྱི་ནི། །དག་པའི་ལམ་དུ་ཡང་དག་བགྲོད། །རྩ་བསྐྱེད་པའི་ལེའུ་ཞེས་བྱ་བ་བདུན་པ་རྫོགས་སོ།། །།སྦྱོར་བའི་མདོ་རུ་བསྡུས་པ་ཉིད། །བཅོམ་ལྡན་འདས་ལ་ཉན་པར་འཚལ། །ཕྱག་ན་རྡོ་རྗེ་ཁྱོད་ཉོན་ཅིག །སྦྱོར་བའི་
D430.080.0267b01.01བསྟན་བཅོས་སྒྲུབ་པ་པོས། །གདན་བཞི་པ་ལས་བཏུས་པ་ཡིས། །སྟོང་ཕྲག་བཅུ་གཉིས་ཡང་དག་ལྡན། །དེ་ཡི་དོན་ནི་མདོར་བསྡུས་པའོ། །གཞུང་{མངས་,མང་}པ་ཡིས་འཇིགས་པ་ཡིས། །དེ་ཉིད་མདོར་བསྡུས་པ་ཡི་ཚིག །སྦྱོར་བའི་རྣམས་ལ་ཉེ་བར་
D430.080.0267b02.01གསུངས། །རྣལ་འབྱོར་པ་ལ་རབ་དགོད་པའི། །དེ་ནས་ཞི་བ་ཡང་དག་བཤད། །ཐོག་མར་བྱ་བ་སྟོང་པ་ཉིད། །སྟོང་པའི་དབུས་སུ་པདྨ་ནི། །པདྨ་ས་བོན་མྱུ་གུ་ཅན། །ཁ་དོག་བདུན་པ་རྒྱ་ཆེན་པོ། །སྡེ་ཚན་བཞི་པའི་ཚིག་ལ་ནི། །སྟེང་དུ་མ་ནིང་ཐིག་
D430.080.0267b03.01ལེར་བཅས། །དེ་ཡི་ས་བོན་མཉམ་བསྒོམས་ནས། །དེ་བཞིན་ཁྲོ་གཉེར་ཅན་མ་བསྐྱེད། །ཟླ་བའི་དཀྱིལ་འཁོར་གནས་ལ་ནི། །གདུགས་དཀར་པོ་ཡིས་མངོན་པར་གཡོགས། །དག་པའི་སྐུ་དང་སྤྱན་གསུམ་པ། །ཕྱག་བཞི་ཡིས་ནི་རྣམ་པར་སྤྲས། །
D430.080.0267b04.01མཆོག་སྦྱིན་དང་ནི་དབྱུག་པ་དང་། །བགྲང་ཕྲེང་རིལ་བ་སྤྱི་བླུགས་བསྣམས། །རྒྱན་རྣམས་ཀུན་གྱིས་བརྒྱན་པའི་སྐུ། །རབ་ཏུ་མཛེས་པའི་ན་བཟའ་མནབས། །བཟླས་དང་བསྒོམ་པའི་སྦྱོར་བ་ཡིས། །མཁས་པ་མཆོག་གི་ཡི་གེ་གཅིག །ཁྲོ་གཉེར་
D430.080.0267b05.01མཆོག་གི་ཡི་གེ་ནི། །འབུམ་ཕྲག་གཅིག་ཟློས་སྔགས་པ་ཡིས། །རྣལ་འབྱོར་པ་ཡིས་བརྩམས་ཙམ་གྱིས། །ཚེ་ནི་འཕེལ་བར་རབ་ཏུ་གྲགས། །ལྷ་ཉིད་དམིགས་པར་བྱ་བ་ཡིས། །དེ་ནས་རྒྱས་པའི་ལས་འདི་ཉོན། །ཏི་སེ་གངས་ཀྱི་རྩེ་མོ་དང་། །གསེར་
D430.080.0267b06.01གྱི་རི་བོའི་ངོས་དང་ནི། །རིན་ཆེན་བདུན་རང་བཞིན་གནས་སུ། །གཞལ་ཡས་ཁང་པ་ཉེར་མཛེས་པའི། །སེང་གེའི་གདན་ལ་གནས་པ་ནི། །ཉི་མའི་དཀྱིལ་འཁོར་ལ་བཞུགས་པ་དང་། །གདུགས་དཀར་པོ་དང་བླ་རེ་དང་། །དྲིལ་བུ་དྲ་བས་མངོན་པར་མཛེས། །
D430.080.0267b07.01