完整藏文原文 · 德格版页 当前仅加载第 80 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
སེང་གེའི་གདན་ལ་བཞུགས་པ་ནི། །ཉི་མའི་དཀྱིལ་འཁོར་གྱིས་བརྒྱན་ཅིང་། །སྣ་ཚོགས་དར་ནི་རྣམ་པར་འཕྱང་། །ཡི་གེ་གཅིག་གིས་ས་བོན་ནི། །འོད་ཟེར་འབར་བ་ཚོན་གྱི་དངོས། །དང་པོའི་དབྱངས་ཡིག་ཀུན་བཟུང་ལ། །སྟེང་དུ་
D430.080.0269a01.01བདུད་རྩི་ཐིག་ལེ་ཅན། །ལྷ་མོ་བདག་ཉིད་ལྷན་ཅིག་དང་། །ཕྱི་ནས་གཟུགས་ནི་མཉམ་པར་བསམ། །ཕྱག་གཉིས་སེམས་དཔའི་སྐྱིལ་མོ་ཀྲུང་། །སངས་རྒྱས་ལྔ་ཡིས་མངོན་པར་བརྒྱན། །རྒྱན་ཀུན་གྱིས་ནི་བརྒྱན་པའི་སྐུ། །རབ་ཏུ་མཛེས་པའི་ན་བཟའ་
D430.080.0269a02.01གསོལ། །གཅིག་གི་ཕྱག་གིས་རྡོ་རྗེ་འཛིན། །གཡོན་པ་དྲིལ་བུ་མངོན་པར་སྒྲོགས། །ཡི་གེ་བརྒྱད་ཀྱི་ངོ་བོ་ཉིད། །སྤྱོད་བཅས་མི་སྤྱོད་གསང་བ་དང་། །ཆུ་དང་མེ་དང་དེ་བཞིན་རླུང་། །ས་ནི་མིག་གི་ཡི་གེའོ། །སྒོ་བཞི་དང་ནི་ཕུང་པོ་བཞི། །སྒོང་སྐྱེས་རྫི་
D430.080.0269a03.01ལིར་གནས་པ་ཉིད། །བཞི་པ་ཉོན་མོངས་མེ་དང་ནི། །ཡི་གེ་བཞི་པ་དེ་བཞིན་དུ། །རྨོངས་པས་དང་ཉོན་མོངས་དང་། །སྔོན་དུ་ཕྱུགས་ནི་མཉམ་པ་དང་། །ཆུ་ཤིང་མེ་ཏོག་པདྨ་ནི། །འདི་ཡི་སྒོང་སྐྱེས་སྟན་ཉིད་དོ། །བ་ལང་རྨིག་པའི་སྟེང་དུ་ནི། །
D430.080.0269a04.01བདུད་རྩི་བརྒྱད་ཀྱིས་རྣམ་པར་དབྱེ། །ཤེལ་བཞིན་དུ་ནི་དག་པ་ཡི། །སྙིང་པོ་ཡི་ནི་སྙིང་པོའི་མཆོག །ལྕེ་ལ་ཆུ་ནི་འདི་ཉིད་དང་། །ནམ་མཁའ་རྣ་བ་སྣ་དག་ལའོ། །ས་ནི་མིག་ལ་སྦྱར་བྱས་ཏེ། །ཚངས་པར་མེ་ནི་དེ་བཞིན་འབར། །རྨོངས་པའི་ས་ནི་མགྲིན་
D430.080.0269a05.01བར་རོ། །གཡོ་བ་སྙིང་ལ་གནས་པ་དང་། །ཉོན་མོངས་སེམས་ཅན་བྲང་དང་ནི། །ཕྱུགས་ནི་ལྟེ་བའི་རྩ་བར་རོ། །ཡན་ལག་བརྒྱད་ལ་དགོད་པ་ཡིས། །ལྕེ་ལ་ཆུ་ནི་འདི་ཉིད་དང་། །ནམ་མཁའ་རྣ་བ་སྣ་དག་ལའོ། །འདི་ཡིས་ལྷ་ཉིད་ཡང་དག་ཤེས།
D430.080.0269a06.01ཡི་གེ་བརྒྱད་ཀྱི་སྔགས་འདི་ནི། །ཕྱག་རྒྱ་བརྒྱད་དུ་རབ་ཏུ་གྲགས། །དཀར་དང་སེར་དང་དེ་བཞིན་དམར། །གནག་ཅིང་འབར་བའི་ལས་འདི་ནི། །ལས་རྣམས་བཞི་ཡི་ལྷ་མོ་ནི། །མཁས་པས་འབུམ་ཕྲག་གསུམ་དུ་བཟླས། །ཡེ་ཤེས་ལས་བྱུང་སྙིང་པོ་ཉིད། །
D430.080.0269a07.01