完整藏文原文 · 德格版页 当前仅加载第 80 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ནི་པདྨ་དང་། །ཡེ་ཤེས་འབྱིན་པ་ཡི་ནི་རྩ། །ལྔ་ཡི་བདག་ཉིད་ཁྱད་པར་ནི། །གདན་བཞི་ཉན་པར་མི་ནུས་པ། །གཞུང་ཉུང་བ་ནི་བསྟན་པ་ཡིན། །གཟུགས་བརྙན་གྱི་རབ་ཏུ་སྦྱོར་བའི་ལེའུ་ཞེས་བྱ་བ་བཞི་བ་རྫོགས་སོ།། །།
D430.080.0265a01.01རྡོ་རྗེའི་ཆུ་ནི་ཇི་ལྟར་ལགས། །བདུད་རྩིའི་ཆུ་ནི་ཇི་ལྟར་སྐྱེ། །གང་གི་དབྱེ་བ་ཇི་ལྟར་མྱང་། །གང་གིས་ཇི་ལྟར་འཚལ་བར་བགྱི། །འདི་ཡི་རབ་ཏུ་དགོས་པའང་ཅི། །ངོ་མཚར་ལྷ་ལ་མཉན་པར་འཚལ། །ཉོན་ཅིག་རྒྱལ་པོ་རྡོ་རྗེ་འཆང་། །གཉིས་དང་གཉིས་མེད་
D430.080.0265a02.01སྤངས་པ་ཡི། །གསང་ཞིང་གསང་བ་རབ་སྤས་པའི། །འགྲོ་བའི་འབྲས་བུ་དེ་དེ་ཉིད། །བསྐལ་པ་བྱེ་བ་སྟོང་ཕྲག་ཏུ། །སངས་རྒྱས་ཡེ་ཤེས་ཀྱིས་བསྐུལ་བ། །སངས་རྒྱས་ལམ་ནི་མཐོང་བའོ། །ཡེ་ཤེས་སྣང་བ་དེ་བདུན་ཉིད། །ཇི་ལྟར་མེ་ཡིས་མཉམ་
D430.080.0265a03.01ར་བསྲེག་པའི་སྤྱོད་པ་དང་། །ཉི་མ་ཇི་ལྟར་མཉམ་པར་ལྟ་བར་སྟོན་པ་དང་། །ཇི་ལྟར་རླུང་ནི་མཉམ་པ་ཉིད་དུ་ལེན་པ་ལྟར། །རྣམ་རྟོག་རྨོངས་པའི་རྒྱ་མཚོ་བསྲིངས་པའི་རྣལ་འབྱོར་པས། །པདྨའི་དབང་ཕྱུག་སྐུ་ནི་གསེར་གྱི་མདོག །དྲི་ཆུའི་ངོ་བོ་ཤིན་ཏུ་
D430.080.0265a04.01སྣང་མཛད་དང་། །རོ་ནི་རྡོ་རྗེ་དབང་ཕྱུག་རྡོ་རྗེ་ཕྱག །ལྷ་གསུམ་དག་གི་ཆོ་ག་ཤེས་པར་བྱ། །ཧ་ཞེས་པ་ཡིས་ཁ་དོག་འཕྲོག །ཧོ་ཞེས་པ་ཡིས་དྲི་མེད་ཅིང་། །དཔའ་བོ་ཧྲཱིཿཡིས་བཅོམ་པ་ཡི། །དེ་དག་རིམ་བཞིན་ཤེས་པར་བྱ། །པདྨའི་གདན་ནི་རྟག་ཏུ་
D430.080.0265a05.01མཉམ་པ་ཉིད་དུ་བསྒོམ། །མཐེ་བོ་རྡོ་རྗེ་སྲིན་ལག་གཉིས་ཀུན་ལྡན་པས། །སྔགས་གསུམ་ཡི་གེ་གསུམ་གྱིས་ཆོ་ག་བསྲུང་བར་བྱ། །གང་ཞེས་རོ་འདི་མྱང་པ་བློ་ལྡན་རྣལ་འབྱོར་མའོ། །རྡོ་རྗེ་ཆུ་ཡི་ཁྱད་པར་ནི། །ཉོན་ཅིག་དཔལ་ལྡན་རྡོ་རྗེ་འཆང་། །འཛག་
D430.080.0265a06.01པ་ཡི་ནི་ལུས་ཀྱི་ཆུ། །བདག་ཉིད་ལྔ་ཡིས་བྱིན་གྱིས་བརླབས། །དྲོ་བའི་རང་བཞིན་མེ་རུ་མཐོང་། །ཞི་བ་ཆུ་རུ་རབ་ཏུ་བརྟག །རླུང་དང་རླུང་ནི་དུ་པའོ། །ས་ནི་གཟུགས་སུ་སྣང་པའོ། །གང་ཞིག་དེ་ཉིད་ཀྱིས་མྱངས་ན། །དྲི་མ་ཅན་ལུས་དྲི་མེད་འགྱུར། །
D430.080.0265a07.01