完整藏文原文 · 德格版页 当前仅加载第 80 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེའི་ཕྱག །ལྷ་གསུམ་དག་གི་ཆོག་ཤེས་པར་བྱ། །ཧ་ཞེས་བྱ་བས་ཁ་དོག་འཕྲོག །ཧོ་ཞེས་བྱ་བས་དྲི་མེད་ཅིང་། །དཔའ་བོ་ཧྲཱིཿཡིས་འཇོམས་པ་ནི། །རིམ་པ་འདི་བཞིན་ཤེས་པར་བྱ། །ཐབས་ཤེས་སྦྱོར་བའི་ལེའུ་སྟེ་གཉིས་པའོ།། །།དེ་ནས་གཞན་ཡང་
D430.080.0297b01.01གཞན་གྱི་གདན། །དང་པོར་རེ་ཞིག་མཚན་ཉིད་ཀྱིས། །བདག་ཉིད་རབ་ཏུ་སྦྱར་བར་བྱ། །ཇི་ལྟར་མེ་ཡིས་ཐམས་ཅད་མཉམ་པར་བསྲེག་པ་དང་། །ཇི་ལྟར་ཉི་མས་ཁྱབ་པར་འཆར་བར་སྟོན་པ་དང་། །ཇི་ལྟར་རླུང་གིས་དྲི་ནི་མཉམ་ཕར་ལེན་པ་ལྟར། །རྣམ་རྟོག་རིང་དུ་སྤངས་
D430.080.0297b02.01པའི་རྣལ་འབྱོར་པས། །སྔོན་གསུངས་མཚན་ཉིད་ལྡན་པར་ནི། །ཉི་མའི་དབུས་སུ་ཆུ་དཀྱིལ་འཁོར། །ཆུ་ཡི་དབུས་སུ་པདྨ་ནི། །རབ་འདོད་པདྨ་བསམ་པར་བྱ། །གཞལ་ཡས་ཁང་ནི་མཛེས་པའི་དངོས། །རིན་ཆེན་བདུན་གྱིས་རྣམ་པར་བརྒྱན། །སེང་གེའི་གདན་གྱི་
D430.080.0297b03.01གདན་ལ་ནི། །ཉི་མའི་དཀྱིལ་འཁོར་གྱིས་བརྒྱན་པའོ། །ན་བཟའ་སྣ་ཚོགས་རབ་ཏུ་འཕྱང་། །གདུགས་དཀར་པོ་ཡིས་མངོན་པར་གཡོགས། །དགོད་བྱའི་ཡི་གེ་རྣམ་པར་བཀོད། །ཉི་མའི་དཀྱིལ་འཁོར་དབུས་སུ་ཡང་། །དབུས་སུ་ཡེ་ཤེས་རྣམ་ཤེས་ནི། །གཟུགས་
D430.080.0297b04.01ལ་ཡོན་ཏན་དབང་པོས་བརྒྱན། །དང་པོའི་སྒྲ་ཡིག་དང་པོ་དང་། །དེ་བཞིན་གཉིས་པར་ཉིས་འགྱུར་ཉིད། །གསུམ་ལ་ལོགས་སུ་རེ་ཕ་དང་། །བཞི་པའི་སྟེང་དུ་ཐིག་ལེར་བཅས། །ཕྱོགས་ཀྱི་མདོག་ཏུ་དགོད་པ་ནི། །འོད་ཟེར་འབར་བ་རྣམ་མང་པོ། །མཚམས་
D430.080.0297b05.01སུ་{ཡི་དགས་,ཡི་དྭགས་}གདན་ལ་ནི། །མ་ནིང་ཡི་གེ་བཞི་པ་ཉིད། །དབང་ལྡན་སེང་གེ་ཞེས་བྱ་བ། །དེ་བཞིན་མེ་རུ་སྟག་མོ་དང་། །བདེན་བྲལ་འུག་པ་ཧཱུྃ་སྒྲོགས་པ། །ཅེ་སྤྱང་རླུང་དུ་དགོད་པར་བྱ། །དབུགས་ཀྱིས་དངོས་པོ་ཐམས་ཅད་དང་། །དེ་ཡི་ཕྱག་རྒྱའང་བརྟག་པར་
D430.080.0297b06.01བྱ། །དངོས་པོས་དངོས་པོ་བསྒོམ་པ་ཡིས། །མཁའ་འགྲོ་བརྒྱད་ཀྱིས་རྣམ་པར་བསྐོར། །ལོགས་སུ་ལྔ་བའི་བདག་ཉིད་དང་། །དབུས་སུའང་ཡེ་ཤེས་རྣམ་པར་དགོད། །བདག་ཉིད་ལུས་ཀྱི་ལུས་ཅན་ནི། །གཉིས་མེད་མཆོད་པས་མཆོད་པར་བྱ། །
D430.080.0297b07.01