完整藏文原文 · 德格版页 当前仅加载第 80 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཉིད་ལྔ་ཡི་བྱེ་བྲག་ཉིད། །བཅོམ་ལྡན་འདས་ལ་མཉན་པར་འཚལ། །ཉོན་ཅིག་རྒྱལ་པོ་རྡོ་རྗེ་འཆང་། །གཉིས་དང་གཉིས་མེད་ལ་བརྟེན་ནས། །བསྐལ་བཟང་པོ་བརྒྱ་ཡི་སྔོན། །དག་པའི་གནས་ལ་ཀུན་ཏུ་གནས། །རི་རབ་
D430.080.0262a01.01ལྷ་མོ་སངས་རྒྱས་སྤྱན། །མཱ་མ་ཀཱི་ནི་ལྷོ་ཕྱོགས་གནས། །ལྷ་མོ་སྒྲོལ་མ་ནུབ་ཀྱི་གླིང་། །དེ་བཞིན་བྱང་དུ་གོས་དཀར་མོ། །ཤར་དུ་ལྷ་མོ་སྙན་མ་འདི། །ལྷ་མོ་རྣམ་པ་ལྔ་ཡི་གནས། །དེ་ལྟར་སྙིང་ག་རི་རབ་དང་། །དེ་བཞིན་མགོ་བོ་མཱ་མ་ཀཱི། །སྒྲོལ་མ་
D430.080.0262a02.01ལྷོ་ཡི་གནས་དང་ནི། །གཡོན་པ་དེ་བཞིན་གོས་དཀར་མོ། །སྙན་པ་མོ་འདི་བདག་གིས་གནས། །ལྷ་མོ་ལྔ་ཡིས་བྱིན་གྱིས་བརླབ། །པདྨའི་དབུས་སུ་རྡོ་རྗེ་དང་། །རྡོ་རྗེའི་དབུས་སུ་པདྨ་ཅན། །རྡོ་རྗེ་བདུད་རྩི་ཀུན་ཐིམ་པ། །ལུས་པོ་ཀུན་ནས་དཀྲིས་
D430.080.0262a03.01པའོ། །ཡན་ལག་བརྒྱད་ཀྱི་རྩ་ཉིད་དུ། །བདུད་རྩིའི་ཆུ་ནི་རྣམ་པར་ཐིམ། །ལྷ་ཡི་གནས་ནི་ནམ་མཁའ་ཉིད། །རྡོ་རྗེའི་ས་བོན་དུ་རབ་ཤེས། །བདག་ཉིད་ལུས་ལ་བསྒོམས་པ་ནི། །རྡོ་རྗེའི་རྩ་ཞེས་རབ་ཏུ་གྲགས། །དེ་ཡི་ལུས་ཀྱི་ཁྲག་དང་ནི། །
D430.080.0262a04.01ལུས་དང་ལྷན་ཅིག་བཅས་པར་གནས། །ཁྲག་དང་ཆུ་ནི་ཀུན་སྦྱོར་བས། །བློ་ལྡན་ཡན་ལག་བརྒྱད་ནས་འཛག །ཇི་ལྟར་བདག་གིས་ས་བོན་ལྔ། །དེ་ལྟར་པདྨ་ཡི་ཡང་བསྒོམ། །ཇི་ལྟར་བདག་ཉིད་ལུས་འདི་ནི། །ནམ་མཁའ་རྡོ་རྗེ་འཇིབ་བྱེད་དོ། །
D430.080.0262a05.01རྐང་བས་རྐང་པ་དཀྲི་བྱ་ཞིང་། །མཆུ་ཡིས་མཆུ་ནི་བཙིར་བྱས་ལ། །གཉི་གའི་ལག་པ་ཕྱག་རྒྱ་ནི། །རྩེ་མོ་གསུམ་པའི་རྡོ་རྗེ་བརྟག །རང་བཞིན་གྱིས་ནི་སོ་སྲ་དང་། །སྙིང་གའི་རྣམ་ཤེས་བསྒོམ་པ་ཡི། །ཡི་ཤེས་རྒྱལ་པོའི་ལུས་ཅན་འདི། །སྐྱེས་
D430.080.0262a06.01བུས་ཁྲོས་པས་ཧཱུྃ་བྱས་ནས། །དེ་ལྟར་རྡོ་རྗེ་པདྨ་འདི། །རྣལ་འབྱོར་བསྡུས་པས་བསྐྱོད་པར་བྱ། །གཉི་ག་དགའ་ཞིང་ཚིམ་པ་ཡིས། །ལྷ་རྣམས་ཐམས་ཅད་མཆོད་པར་བྱ། །ཁྲག་དང་ཁུ་བ་ལས་བྱུང་བའི། །ས་བོན་མྱུ་གུས་འགྲོ་བ་ལ། །ལྷ་རྣམས་
D430.080.0262a07.01