完整藏文原文 · 德格版页 当前仅加载第 80 函德格 302a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུ་འཇིག་རྟེན་ཁམས་ཀུན་གྱི། །གཟུགས་རྣམས་ཐམས་ཅད་བཅོམ་ནས་སུ། །བདག་ཉིད་ནམ་མཁའི་ནམ་མཁའ་ཉིད། །དབྱིབས་དང་གཟུགས་ནི་ཐམས་ཅད་པ། །སྔོན་གྱི་མཚན་ཉིད་ཀུན་གྱིས་སོ། །ཆུ་ཡི་དབུས་སུ་པདྨའོ། །གཞལ་ཡས་ཁང་པ་བསམ་པར་བྱ། །
D430.080.0302a01.01རིན་ཆེན་བདུན་གྱིས་མངོན་པར་མཛེས། །ཟླ་བའི་དཀྱིལ་འཁོར་དབུས་གནས་པར། །ཧཱུྃ་གི་རྣམ་པ་མེ་བཞིན་འབར། །སྤྱི་བོའི་སྟེང་དུ་རྫོགས་པར་བྱ། །བྲང་དུ་དྲི་མེད་ཟླ་བ་དང་། །དྲིལ་བུ་སྙིང་གི་ངོས་ཉིད་དུའོ། །ལྟེ་བར་དབྱུག་པ་གསང་བ་འཛིན། །གྱ་གྱུ་རྐང་པའི་གདན་ཉིད་དུ། །པདྨའི་གདན་
D430.080.0302a02.01ལ་རྣམ་པར་སྦྲུལ། །གཟུགས་རྫོགས་པ་ལས་རྡོ་རྗེ་ནི། །རྡོ་རྗེ་སེམས་དཔའ་བདག་ཅེས་བརྗོད། །དར་གྱིས་བཅིངས་ཤིང་ཅོད་པན་ཅན། །སངས་རྒྱས་ལྔ་ཡིས་མངོན་པར་བརྒྱན། །ཁ་དོག་དཀར་པོ་མཆོག་ཏུ་འབར། །རྒྱན་ཀུན་གྱིས་ནི་རྣམ་པར་བརྒྱན། །ན་བཟའ་སྔོན་པོ་རབ་ཏུ་མཛེས། །
D430.080.0302a03.01རྡོ་རྗེ་དྲིལ་བུ་ཕྱག་གཉིས་ན། །དེ་ལྟར་བསམས་པ་ཙམ་གྱིས་ནི། །རྡོ་རྗེ་སེམས་དཔའ་བདག་ཅེས་བརྗོད། །བརྒྱད་ཀྱི་མཐའ་ལ་རྩ་བར་རླུང་། །དེ་བཞིན་རྩ་བར་རེ་ཕ་སོགས། །གསུམ་པ་ཡིས་ནི་རྣམ་པར་འདྲེན། །སྟེང་དུ་ཐིག་ལེའི་ས་བོན་གྱིས། །འདི་ཡི་འཇིག་རྟེན་གསུམ་པོ་སྐྲག །
D430.080.0302a04.01རྡོ་རྗེའི་ས་བོན་རྣལ་འབྱོར་བས། །ཁམས་གསུམ་ཐམས་ཅད་འདྲེན་པ་དང་། །རླུང་གི་བདག་ཉིད་ཐམས་ཅད་པའོ། །ས་བོན་དབུས་སུ་གནོད་སྦྱིན་མིང་། །དེ་བཞིན་ལྷ་ཡི་མིང་ཉིད་དོ། །ས་བོན་དབུས་སུ་མིང་རྣམས་ནི། །ཐམས་ཅད་མེ་ཡི་དབང་ཕྱུག་ཉིད། །འབུམ་ཕྲག་གསུམ་
D430.080.0302a05.01བཟླས་རྣལ་འབྱོར་པས། །རྒྱས་པར་ཡོངས་སུ་གྲགས་པ་ཉིད། །མཉམ་གཞག་བཟླས་པའི་ངོ་བོ་ཡིས། །འགྲུབ་པར་འདི་ལ་ཐེ་ཚོམ་མེད། །ཕྱག་འཚལ་བསྲེག་པ་མཐར་བཞག་པ། །སྔོན་དུ་བསྙེན་པའི་རྣམ་པ་བྱ། །གསང་བའི་གདན་ཞེས་བྱ་བ་རྒྱས་པར་བཤད་པའི་ལེའུ་སྟེ་དང་
D430.080.0302a06.01པའོ།། །།སོར་བཞི་པར་ནི་ནམ་མཁའོ། །གང་ཕྱིར་ནམ་མཁར་སྐར་མ་ཉིད། །ཀུན་ནས་འབར་བའི་འོད་ཟེར་མེས། །ཕྱོགས་བཅུའི་འཇིག་རྟེན་ཁམས་ཀུན་དང་། །ཁམས་གསུམ་སྐྱེས་པ་ཟད་བྱས་ནས། །ཐམས་ཅད་ཀུན་ནས་འབར་བ་ཡི། །མེ་ཡི་གཟུགས་ཀྱང་དེ་བཞིན་
D430.080.0302a07.01