完整藏文原文 · 德格版页 当前仅加载第 80 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
བདུན་པ་ཡི་ནི་མཐའ་བཟུང་སྟེ། །གསུམ་པ་ཡིས་ནི་སྦྱར་བར་བྱ། །སྡེ་ཚན་མཐའ་ཡིས་སྟེང་དུའོ། །ཡེ་ཤེས་ཅན་གྱིས་ས་བོན་གཅིག །དབུགས་མི་གཡོ་ཞིང་འོད་ཟེར་བཅས། །སེར་པོའི་མདོག་ཏུ་རྣམ་པར་བསྒོམ། །ཕྱིས་ནི་ནོར་རྒྱུན་
D430.080.0268a01.01ཞེས་བྱ་བའི། །ལྷ་མོའི་གཟུགས་སུ་རྣམ་པར་བསམ། །ཕྱག་དྲུག་སེམས་དཔའི་སྐྱིལ་མོ་ཀྲུང་། །རྒྱན་ཀུན་གྱིས་ནི་རྣམ་པར་བརྒྱན། །ཁ་དོག་འབར་བར་བསྒོམ་པར་བྱ། །རིན་ཆེན་ཤིང་དང་ཟ་མ་ཏོག །གཉིས་པ་ན་ནི་རབ་ཏུ་འཕེལ། །གསུམ་པས་མཆོད་
D430.080.0268a02.01སྦྱིན་ལག་པ་དང་། །སྟེང་དུ་ཤེས་རབ་ཕྱག་དང་ནི། །གཉིས་པ་ལ་ནི་བགྲང་ཕྲེང་དང་། །གསུམ་པ་རིལ་བ་སྤྱི་བླུགས་སོ། །བསྒོམ་དང་བཟླས་པའི་སྦྱོར་བ་ཡིས། །དབུགས་ནི་འདྲེན་པའི་ཁམས་ཉིད་དོ། །རྒྱས་པའི་ལེའུ་ཞེས་བྱ་བ་བརྒྱད་པ་རྫོགས་སོ།། །།
D430.080.0268a03.01དེ་ནས་གཞན་ཡང་བཤད་བྱ་བ། །དམར་པོའི་ལས་ཀྱི་ཁྱད་པར་ནི། །སྔོན་གྱི་མཚན་ཉིད་ཡང་དག་ལྡན། །སྟོང་པའི་མཚན་ཉིད་དམིགས་ནས་ནི། །སྟོང་པར་པདྨ་ཡང་དག་བཤད། །ཉི་མའི་དཀྱིལ་འཁོར་ལ་བརྟེན་ཅིང་། །གདུགས་དཀར་པོ་ཡིས་མངོན་པར་
D430.080.0268a04.01བརྒྱན། །དབྱངས་ཡིག་དང་པོའི་ཡི་གེ་གཅིག །སྟེང་དུ་སྡེ་ཚན་ཐ་མ་དང་། །མཉམ་པར་གཞག་པས་ས་བོན་དམར། །འོད་ཟེར་དམར་པོ་འབར་བ་འདི། །སེམས་ཅན་འགུགས་པར་བྱེད་པའི་དངོས། །ལྷ་མོའི་གཟུགས་བརྙན་འདི་བསམས་ལ། །བཅོམ་ལྡན་
D430.080.0268a05.01གསེར་གྱི་མདོག་ལྟ་བུར། །མཱ་མ་ཀཱི་བསམ་ཡང་དག་འབྱུང་། །ཕྱག་གཉིས་རྒྱན་གྱིས་རྣམ་པར་མཛེས། །གཅིག་གིས་ལྕགས་ཀྱུ་ཡང་དག་འཛིན། །གཡོན་པས་དྲིལ་བུ་མངོན་སྒྲོགས་པ། །ཐམས་ཅད་རྒྱན་གྱིས་བརྒྱན་པའི་སྐུ། །ཤིན་ཏུ་མཛེས་པའི་
D430.080.0268a06.01ན་བཟའ་གསོལ། །བསྒོམ་ཞིང་བཟླས་པ་ཙམ་གྱིས་ནི། །སེམས་ཅན་དབང་དུ་འོང་བར་འགྱུར། །དེ་ནས་ནག་པོའི་ལས་འདི་ནི། །རླུང་གི་དཀྱིལ་འཁོར་ལ་བརྟེན་ཅིང་། །རླུང་གི་དབུས་སུ་རླུང་གི་ནི། །རླུང་གི་ས་བོན་བསམ་པར་བྱ། །དུ་བ་དུ་བ་རབ་འབར་
D430.080.0268a07.01