完整藏文原文 · 德格版页 当前仅加载第 86 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ལྡན་པར་ནི། །དེ་ཉིད་སོ་སོར་གཟུང་བར་བགྱི། །མཆོད་པའི་ལས་ཀྱང་ཅི་ནུས་པས། །ལས་ཀྱི་རིགས་མཆོག་ཆེན་པོ་ཡི། །བྱང་ཆུབ་སེམས་ནི་བླ་ན་མེད། །དམ་པ་རབ་ཏུ་བསྐྱེད་པ་དང་། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་གཟུང་། །མ་བསྒྲལ་བ་
D493.086.0123b01.01རྣམས་བདག་གིས་བསྒྲལ། །མ་གྲོལ་བ་རྣམས་བདག་གིས་སྒྲོལ། །དབུགས་མ་ཕྱིན་པ་དབུགས་དབྱུང་ཞིང་། །སེམས་ཅན་མྱ་ངན་འདས་ལ་དགོད། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་བདག་པོས་བྱང་ཆུབ་སེམས་དཔའ་ཆེན་པོ་ལག་ན་
D493.086.0123b02.01རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །སྡོམ་པ་བཟུང་སྟེ་ཕྱག་རྒྱ་ཆེན་པོ་ལ་གནས་ནས་སྔགས་པས་ཆོས་ཐམས་ཅད་བདག་མེད་པར་བསྒོམ་པར་བྱའོ། །འདི་དག་ཐམས་ཅད་ཕྱི་རོལ་དང་ནང་དུ་རྟོག་པས་བརྟགས་པ་ལས་གཞན་འགའ་ཡང་མི་གནས་སོ་ཞེས་དེ་ལྟར་སྙིང་ལ་བཞག་སྟེ་འདི་སྐད་ཅེས་
D493.086.0123b03.01འདུ་བྱེད་ཐམས་ཅད་ནི་མི་རྟག་ཅིང་རང་བཞིན་གྱིས་འོད་གསལ་ལ་གདོད་མ་ནས་མ་སྐྱེས་པ་ཉིད་དོ་ཞེས་བརྗོད་པར་བྱའོ། །དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་ཀྱི་མདུན་དུ་ཟླ་བའི་དཀྱིལ་འཁོར་ལ་འཁོད་དེ་བཅོམ་ལྡན་འདས་ལ་གསོལ་པ། བཅོམ་ལྡན་འདས་
D493.086.0123b04.01སེམས་རང་བཞིན་གྱིས་འོད་གསལ་བ་ཇི་ལྟར་བསྒོམ་པར་བགྱི་བ་ཅུང་ཟད་བཀའ་སྩལ་དུ་གསོལ། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྣམ་པར་སྣང་མཛད་ཆེན་པོས་སེམས་སོ་སོར་རིག་པའི་རྒྱལ་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་
D493.086.0123b05.01ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་ཁྱོད་ཀྱིས་སེམས་རང་བཞིན་གྱིས་འོད་གསལ་བ་དེ་ནི་ཟླ་བའི་དཀྱིལ་འཁོར་གྱི་རྣམ་པའི་བདག་ཉིད་ནམ་མཁའི་དཀྱིལ་མ་ལུས་པ་ཁྱབ་པའི་འོད་ཀྱི་དཀྱིལ་འཁོར་མཛེས་པ། དཔག་ཚད་བརྒྱ་སྟོང་ལས་ལྷག་པ། ཨ་ལ་
D493.086.0123b06.01སོགས་པའི་རྣམ་པའི་ཡི་གེ། ཨ་ཨཱ། ཨི་ཨཱི། ཨུ་ཨཱུ། རྀ་རཱྀ། ལྀ་ལཱྀ། ཨེ་ཨཻ། ཨོ་ཨཽ། ཨྃ་ཨཿཞེས་བྱ་བ་དེ་དག་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་གྱི་རྣམ་པ་བསྒོམ་པར་བྱའོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་བདག་ཉིད་ཟླ་བའི་དཀྱིལ་འཁོར་གྱི་རྣམ་
D493.086.0123b07.01