完整藏文原文 · 德格版页 当前仅加载第 86 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
འོག་ན་གནས་པའི་ལྷ་རྣམས་དང་། མཁའ་འགྲོ་མ་ལ་སོགས་པ་རྣམས་དང་། གཟའ་ཐམས་ཅད་དེའི་སྐད་ཅིག་ཙམ་ལ་བཀུག་ནས། ཀྱེ་གྲོགས་པོ་དག་ཁོ་བོའི་དཀྱིལ་འཁོར་དུ་ཞུགས་ཤིག །ཁོ་བོའི་བཀའ་སྩལ་པ་ཉོན་ཅིག །དེ་ནས་སེམས་ཅན་ཕྲ་མོ་དེ་དག་ཞུགས་ཏེ། བཅོམ་ལྡན་
D493.086.0137b01.01འདས་བདག་ཅག་གིས་བཀའ་ལུང་ཇི་ལྟར་བགྱི། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་རྣམས་ལ་འདི་སྐད་ཅེས་བཀའ་སྩལ་ཏོ། །སྲོག་ཆགས་གསོད་པ་ལ་སོགས་པའི་མི་དགེ་བ་རྣམས་མ་བྱེད་ཅིག །སངས་རྒྱས་དང་། ཆོས་དང་། དགེ་འདུན་ལ་སྐྱབས་སུ་སོང་ཤིག །
D493.086.0137b02.01བཅོམ་ལྡན་འདས་བདག་ཅག་གིས་དེ་ལྟར་བགྱིའོ་ཞེས་གསོལ་ཏེ་ཕྱིར་བྱུང་ངོ་། །དེ་ནས་ལྷ་ལ་སོགས་པ་དེ་དག་ཕན་ཚུན་མགྲིན་གཅིག་ཏུ་འདི་སྐད་ཅེས་སྨྲས་ཏེ། འུ་བུ་ཅག་དཀྱིལ་འཁོར་འདིར་འཇུག་པ་འདི་ཀོ་སུ་ཞིག །དེ་ནས་ཕྱག་ན་རྡོ་རྗེ་ཧཱུྃ་མཛད་དེས་སེམས་ཅན་དེ་རྣམས་ལ་བཀའ་བསྒོ་
D493.086.0137b03.01བ། ཀྱེ་གདུག་པ་ཅན་གྱི་སེམས་ཅན་དག་ཁོ་བོའི་བཀའ་བཞིན་བྱོས་ཤིག །ཁོ་བོའི་རྐང་པ་ལ་གཏུགས་ལ་ཁོ་བོའི་དཀྱིལ་འཁོར་དུ་ཞུགས་ཤིག །དེ་ནས་ལྷ་ལ་སོགས་པ་དེ་རྣམས་དེའི་བཀའ་ཉེ་བར་ཐོས་ནས་འདི་སྐད་ཅེས་སྨྲའོ། །ཁྱོད་ཀྱི་མིང་ཅི། ཅིའི་ཕྱིར་ཁོ་བོ་ཅག་གིས་ཁྱོད་ཀྱི་ངག་
D493.086.0137b04.01མཉན་པར་བྱ། དེ་ནས་ཁྲོ་བོ་ཆེན་པོ་རྡོ་རྗེ་ཧཱུྃ་མཛད་ཀྱིས་བྱང་ཆུབ་སེམས་དཔའ་ཆེན་པོ་དེས་རྡོ་རྗེ་འབར་བ་དེས་ལྷ་ལ་སོགས་པ་དེ་རྣམས་ལྷན་ཅིག་ཁྲོས་ཏེ་རྩོད་པ་ཆེན་པོ་བྱས་པས་དེ་དག་ཐམས་ཅད་འགྱེལ་བར་གྱུར་ཏོ། །དེ་ནས་གདུག་པ་ཅན་གྱི་སེམས་ཅན་དེ་རྣམས་བརྒྱལ་བར་གྱུར་ཏེ།
D493.086.0137b05.01སླར་ཡང་ལག་པས་ཐལ་མོ་སྦྱར་ཏེ་བྱང་ཆུབ་སེམས་དཔའ་ཆེན་པོ་དེ་ལ་གསོལ་པ། བཅོམ་ལྡན་འདས་ཀྱིས་ཇི་ལྟར་བཀའ་སྩལ་པ་དེ་ལྟར་བདག་ཅག་གིས་བགྱིའོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་ལྷ་ལ་སོགས་པ་དེ་དག་དཀྱིལ་འཁོར་དུ་བཅུག་སྟེ་བསྟན་ཏོ། །དཀྱིལ་
D493.086.0137b06.01འཁོར་མཐོང་ནས་རྣམ་པར་སྣང་མཛད་ཆེན་པོའི་ཞབས་གཉིས་ལ་གཏུགས་ཏེ་རྒྱང་དུ་གནས་ནས་འདི་སྙམ་དུ་སེམས་ཀྱིས་བསམས་པ། བཅོམ་ལྡན་འདས་འདི་ནི་འདི་ལྟར་བདག་ཉིད་ཆེ་བ་འདི་ལྟ་བུའི་བྲན་ཡང་སྟོབས་དང་ལྡན་པའོ། །ཨེ་མའོ་ཆོས་ཀྱི་བདག་ཉིད་ཆེན་པོ་གང་གི་བྲན་གྱི་ངག་ཙམ་གྱིས་
D493.086.0137b07.01