完整藏文原文 · 德格版页 当前仅加载第 86 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་རྣམ་པར་སྣང་མཛད་ཆེན་པོ་དེ་བཞིན་གཤེགས་པ་ཐམས་ཅད་ཀྱི་བདག་པོས་མཛེས་མ་དེ་རྣམ་པར་བརྟགས་ནས་རྡོ་རྗེའི་ཆུས་དབང་བསྐུར་ཏེ། ཤིན་ཏུ་སྒེག་པ་ཉིད་དུ་གཟིགས་ནས་རྡོ་རྗེ་སྒེག་མོ་ཞེས་མིང་དུ་བཏགས་སོ། །དེ་ནས་རྡོ་རྗེ་གར་མ་ཕྱུང་སྟེ་དེ་ལ་ཆེད་དུ་བརྗོད་པས་ཆེད་དུ་བརྗོད་
D493.086.0142b01.01པ། ཨེ་མའོ་ཐེག་པ་ཆེན་པོའི་ཚུལ་འདི་ནི་ངོ་མཚར་ཆེ་སྟེ། གང་གིས་དེ་བཞིན་གཤེགས་པ་ཉིད་ཐོབ་ནས་མཛེས་མ་ཤིན་ཏུ་གཟུགས་དང་ལྡན་པ་བདེ་བ་ཆེན་པོ་སྟེར་བ་རྙེད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ལྷ་མོ་གཞན་ཡང་ཕྱུང་སྟེ་དཀྱིལ་འཁོར་དེ་ཡོངས་སུ་གང་བར་མཛད་དོ། །
D493.086.0142b02.01དེ་ནས་ལྷ་རྣམས་ཀྱི་དབང་པོ་བརྒྱ་བྱིན་སླར་ཡང་དཔུང་གི་ཚོགས་ཡན་ལག་བཞི་པ་དང་བཅས་པ་དེར་ལྷགས་སོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དཔུང་གི་ཚོགས་ཡན་ལག་བཞི་པ་དང་བཅས་པ་དེ་གཟིགས་ཏེ་ཡིད་རབ་ཏུ་འཁྲུགས་པར་གྱུར་ནས། བཅོམ་ལྡན་འདས་ལ་འདི་
D493.086.0142b03.01སྐད་ཅེས་གསོལ་ཏོ། །བཅོམ་ལྡན་འདས་བདུད་སྡིག་ཅན་དཔུང་གི་ཚོགས་ཡན་ལག་བཞི་དང་བཅས་ཏེ་ལྷགས་པ་འདི་སུ་ཇི་ལྟ་བུ་ཞིག་ལགས། དེ་ནས་བཅོམ་ལྡན་འདས་ཀྱིས་དགོངས་ཏེ་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་འདི་ནི་བདུད་སྡིག་ཏོ་ཅན་འོངས་པ་མ་ཡིན་གྱི། འོན་ཀྱང་འདི་
D493.086.0142b04.01ཀཽ་ཤི་ཀ་ཡིན་ནོ། །དེ་ནས་ཕྱག་ན་རྡོ་རྗེ་རབ་ཏུ་ཁྲོས་ཏེ་རྡོ་རྗེ་གསོར་ཞིང་བཅོམ་ལྡན་འདས་ཅི་ཕྲག་དོག་གི་སེམས་ཀྱིས་འོངས་ན་རྡོ་རྗེ་འདིས་དེ་དག་བསྲེག་ཕར་བགྱིའོ། །དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་དེ་ལྟར་མ་བྱེད་ཅིག །བླ་མའི་ཡོན་གཞན་ཡང་
D493.086.0142b05.01དབུལ་བའི་ཕྱིར་ལྷགས་པ་ཡིན་ནོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་དེར་འོངས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བླ་མའི་ཡོན་གཞན་ཡང་དབུལ་བར་འཚལ་ན་བཞེས་སུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གང་ང་ལ་སྦྱིན་པར་
D493.086.0142b06.01འདོད་པ་དེ་ཁྱོད་ཉིད་ལ་ཞོག་ཤིག །ཀཽ་ཤི་ཀ་བླ་མའི་ཡོན་ནི་གང་ཐེག་པ་ཆེན་པོའི་ཚུལ་བསྲུང་བ་ཉིད་ཡིན་ནོ། །བརྒྱ་བྱིན་གྱིས་གསོལ་པ། དེ་ལྟ་ལགས་མོད་ཀྱང་འདི་དག་བཞེས་སུ་གསོལ་ཞེས་གསོལ་ཏེ། བླ་མའི་ཡོན་ཕུལ་ནས་བཅོམ་ལྡན་འདས་ལ་ལན་གསུམ་དུ་བསྐོར་བ་བྱས་ཏེ། ལྷ་
D493.086.0142b07.01