完整藏文原文 · 德格版页 当前仅加载第 86 函德格 140a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་རྣམ་པར་སྣང་མཛད་ཆེན་པོས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་འདི་ནི་སྐལ་བ་དང་ལྡན་པ་ཡིན་གྱིས་དེས་ན་ཐོང་ཤིག །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་འཇིག་རྟེན་གསུམ་གྱི་བདག་པོ་ལ་འཆི་བ་ཡོངས་སུ་འཚོ་བར་བྱེད། ཨོཾ་བཛྲ་སཏྭ་
D493.086.0140a01.01ཧཱུྃ། རྡོ་རྗེ་ཞེས་བྱ་བའི་སྔགས་ཀྱིས་འཚོ་བར་མཛད་ནས་འདི་སྐད་ཅེས་བཀའ་སྩལ་ཏོ། །བཟང་མོ་འདི་གལ་ཏེ་སྟེར་ན་དེ་ནས་གཏང་བར་བྱའོ། །དེ་ནས་ལྷ་ཆེན་པོ་སྡུག་བསྔལ་མང་པོ་དེ་ལས་ལངས་ཏེ་ཤིན་ཏུ་སྟོབས་ཞན་པས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཅི་བགྱི་
D493.086.0140a02.01བ་བཀའ་སྩལ་དུ་གསོལ། ཆུང་མ་འདི་ལྟ་སྨོས་ཀྱང་ཅི་འཚལ། གཞན་ཡང་བླ་མའི་ཡོན་དུ་དབུལ་བར་བགྱི། དེ་ནས་ཕྱག་ན་རྡོ་རྗེས་ལྷ་ཆེན་པོ་དེ་བཀྲོལ་ལོ། བཀྲོལ་ནས་དེ་ལ་འདི་སྐད་ཅེས་གསོལ་ཏོ། །ཡང་བཅོམ་ལྡན་འདས་སེམས་དཔའ་ཆེན་པོ་ཁྱོད་ཀྱི་དཀྱིལ་འཁོར་དུ་ཞུགས་ལ་ཁྱོད་ཀྱི་
D493.086.0140a03.01བཀའ་བཞིན་དུ་བགྱིའོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཧཱུྃ་མཛད་ཀྱིས་དེ་ལ་སྡོམ་པ་གནང་བ་དེང་འདི་ནས་བརྩམས་ཏེ་སྲོག་ཆགས་གསོད་པ་ལ་སོགས་པ་མ་བྱེད་ཅིག །དེ་ནས་གདོང་བཅིངས་པ་བཀྲོལ་ཏེ། དཀྱིལ་འཁོར་བསྟན་ཏོ། །དེ་ནས་ལྷ་ཆེན་པོས་དཀྱིལ་འཁོར་དེ་མཐོང་
D493.086.0140a04.01ནས་ངོ་མཚར་དུ་གྱུར་ཏེ། ཨེ་མའོ་དཀྱིལ་འཁོར་འདི་ནི་ཤིན་ཏུ་མཛེས་སོ་ཞེས་སྨྲའོ། །དེ་ནས་བྱང་ཆུབ་སེམས་དཔའ་ཆེན་པོ་དབང་ཕྱུག་ཆེན་པོས་དེ་བཞིན་གཤེགས་པ་ཐམས་ཅད་ཀྱི་བདག་པོ་དེ་མཐོང་ནས། ཀྱེ་མའོ་སྡིག་ཅན་བདག་ཇི་ལྟར་འདིའི་བཀའ་བཞིན་ཐོག་མ་ཉིད་དུ་མ་བྱས་སོ། །ཞེས་
D493.086.0140a05.01ཡིད་ལ་བྱེད་དེ་མྱ་ངན་དུ་གྱུར་ཏོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་ལྷ་ཆེན་པོ་དེ་ལ་རྡོ་རྗེ་དེས་རྡོ་རྗེའི་ཆུས་དབང་བསྐུར་རོ། །དབང་བསྐུར་བ་ཉིད་ན་ཐལ་བའི་དབང་ཕྱུག་ཏུ་ལུང་བསྟན་ཏེ་ཐལ་བས་ཁེབས་པའི་འཇིག་རྟེན་གྱི་ཁམས་སུ་ཐལ་བའི་དབང་ཕྱུག་ཅེས་བྱ་བའི་དེ་བཞིན་
D493.086.0140a06.01གཤེགས་པའོ། །ཞེས་རྡོ་རྗེའི་མིང་འདིའི་དབང་གིས་དབང་བསྐུར་རོ། །དེ་ནས་དེ་བཞིན་གཤེགས་པ་ཐལ་བའི་དབང་ཕྱུག་གིས་བཅོམ་ལྡན་འདས་རྣམ་པར་སྣང་མཛད་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བླ་མ་ལ་ཡོན་དབུལ་བའི་རེད་པ་ཅུང་ཟད་མཆིས་ན་བཅོམ་ལྡན་འདས་དེ་བཞེས་
D493.086.0140a07.01