完整藏文原文 · 德格版页 当前仅加载第 86 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བཅོམ་ལྡན་འདས་ཀྱིས་དེ་རྣམས་ལ་བཀའ་སྩལ་པ། ཐེག་པ་ཆེན་པོ་འདི་འབད་པས་ཤིན་ཏུ་བསྲུང་བར་བྱོས་ཤིག །དེ་ནས་ལྷ་དེ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་ལ་ལ་དག་ཐེག་པ་ཆེན་པོ་ལ་སྨོད་ཅིང་ཐེག་པ་ཆེན་པོ་སུན་འབྱིན་པའི་
D493.086.0141b01.01སེམས་ཅན་དག་བྱུང་ན་དེ་བདག་ཅག་རྣམས་ཀྱིས་ཚར་གཅད་པར་བགྱི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཐེག་པ་ཆེན་པོ་སུན་འབྱིན་པ་རྣམས་ཇི་ལྟར་ནུས་པས་ཚར་གཅད་པར་བྱོས་ཤིག །དེ་ནས་ལྷའི་བུ་དེ་དག་ཅ་ཅོའི་སྒྲས་བཅོམ་ལྡན་འདས་ལ་ལེགས་སོ་ཞེས་གསོལ་
D493.086.0141b02.01ཏེ་སོང་ངོ་། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་མཛེས་མ་དེ་དེང་སང་ནས་བརྩམས་ཏེ་རྡོ་རྗེ་གར་མ་ཞེས་རྡོ་རྗེའི་མིང་གི་དབང་གིས་དབང་བསྐུར་རོ། །གཡོན་གྱི་ཟླ་བའི་དཀྱིལ་འཁོར་གྱི་གྲྭར་རྣམ་པར་གཞག་སྟེ། དེ་དང་ལྷན་ཅིག་རྩེ་བའི་སྦྱོར་བས་གནས་སོ། །དེ་ནས་
D493.086.0141b03.01ལྷ་མོ་དེ་ལ་སངས་རྒྱས་དེས་བཀའ་དྲིན་དམ་པ་མཛེས་པའི་ཡོན་ཏན་སྟོང་ཕྲག་དང་ལྡན་པར་གྱུར་ཏོ། །དེ་ནས་བཅོམ་ལྡན་འདས་དེ་དང་ཐབས་ཅིག་ཏུ་ཨཱ་ལིང་ག་དང་ཙུམ་པའི་སྦྱོར་བས་ཤིན་ཏུ་བདེ་བས་བགྱིས་ཤིང་གནས་སོ། །དེ་ནས་ཡང་ལྷའི་དབང་པོ་བརྒྱ་བྱིན་ལྷའི་བུ་བརྒྱ་སྟོང་དུ་མ་དང་ན་ཆུང་མ་
D493.086.0141b04.01སྟོང་ཕྲག་དུ་མས་ཡོངས་སུ་བསྐོར་ཅིང་ཁྲི་སྟན་བཟང་པོ་དང་། གླུ་དབྱངས་སྙན་པ་སྒྲོགས་པ་དང་ལྷན་ཅིག་ལྷགས་ཏེ། རྣམ་པ་སྣ་ཚོགས་པའི་མེ་ཏོག་གི་ཆར་ཆེན་པོ་ཕབ་པར་གྱུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
D493.086.0141b05.01བཅོམ་ལྡན་འདས་རྣམ་པ་སྣ་ཚོགས་ཤིང་བཀྲ་བའི་མེ་ཏོག་གི་ཆར་སུས་ཕབ་པ་ལགས། ཁྲི་སྟན་བརྒྱ་སྟོང་ཕྲག་དུ་མ་དང་ལྷགས་པ་འདི་སུ་ཞིག་ལགས། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྣམ་པར་སྣང་མཛད་ཆེན་པོས་ཀུན་ཏུ་བཟང་པོའི་ཏིང་ངེ་འཛིན་ལ་
D493.086.0141b06.01སྙོམས་པར་ཞུགས་ཏེ་རྣམ་པར་གཟིགས་སོ། །གཟིགས་ཏེ་དེ་ནས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ལྷ་རྣམས་ཀྱི་དབང་པོ་བརྒྱ་བྱིན་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ལ་ལྷགས་པ་ཡིན་ནོ། །དེ་ནས་ཕྱག་ན་རྡོ་རྗེ་སྙེམས་པ་དང་བཅས་པས་རྡོ་རྗེ་གསོར་ཞིང་ཤིན་ཏུ་ཁྲོས་ཏེ།
D493.086.0141b07.01