完整藏文原文 · 德格版页 当前仅加载第 86 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་། ལྷ་ལ་སོགས་པ་འདི་དག་བརྒྱལ་བར་གྱུར་ཏོ་སྙམ་སེམས་སོ། །དེ་ནས་རྡོ་རྗེ་ཧཱུྃ་མཛད་ཀྱིས་དེ་དག་ཐམས་ཅད་ལ་སྐྱབས་གསུམ་དང་། སྡོམ་པ་དང་། བསླབ་པ་བྱིན་ཏེ། རྡོ་རྗེའི་ཆུས་གཏོར་ནས་རྡོ་རྗེ་སྤྱི་བོར་བཞག་ནས་འདི་སྐད་ཅེས་བཀའ་སྩལ་ཏོ། །ཀྱེ་ལྷ་དག་ཆོས་འདི་
D493.086.0138a01.01ལས་འདའ་བར་མ་བྱེད་ཅིག །དེ་ནས་ལྷ་ལ་སོགས་པ་དེ་རྣམས་ཀྱིས་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །ཕྱག་ན་རྡོ་རྗེ་གང་ཡང་འགའ་ཞིག་ཐེག་པ་ཆེན་པོ་ལ་སྨོད་པར་འགྱུར་བ་དེའི་སྲོག་བདག་གིས་བླང་བར་བགྱིའོ། །གང་དག་ཐེག་པ་ཆེན་པོ་ལ་གནས་པ་དེའི་གནས་སུ་རིང་དུ་གནས་ཏེ།
D493.086.0138a02.01སྒོ་བཞི་དང་། ཕྱོགས་བཅུར་ཡོངས་སུ་བསྐྱབ་པ་ལ་སོགས་པ་བགྱི་ལགས་སོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་ཀྱི་སྤྱན་སྔར་ཟླ་བའི་དཀྱིལ་འཁོར་ལ་བརྟེན་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་དཔའ་ཆེན་པོ་
D493.086.0138a03.01ལྟ་བུ་ནམ་མཁའི་མཐོངས་ན་ནམ་མཁའ་ལྟར་སྔོ་བ། ལག་ན་རྩེ་གསུམ་འཛིན་པ། ཚད་ནམ་མཁའི་ཁམས་ཐམས་ཅད་དང་མཚུངས་པར་ཁྱབ་པའི་རལ་པའི་ཐོར་ཚུགས་འཆང་བ། ཚོགས་དུ་མས་ཡོངས་སུ་བསྐོར་བ། ཟླ་བ་ཕྱེད་པ་འཛིན་པ། ཅུང་ཟད་དགོད་པའི་རང་བཞིན་ཅན། སྙེམས་
D493.086.0138a04.01པ་དང་བཅས་པས་རྔམ་པར་གནས་པ་འདི་སུ་ཞིག་ལགས། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་འདི་ནི་ལྷ་ཆེན་པོ་ཞེས་བརྗོད་པ་སྙེམས་པའོ། །ང་འཇིག་རྟེན་གསུམ་པོ་ཐམས་ཅད་ཀྱི་བདག་པོའོ། །གཞན་གང་ཡིན་པ་འགུགས་
D493.086.0138a05.01པར་བྱེད་པའོ་ཞེས་འདི་ལྟ་བུའི་སྙེམས་པའི་རྣམ་པར་འཕྲུལ་པ་ཆེན་པོས་གནས་པའོ། །ལག་ན་རྡོ་རྗེས་གསོལ་པ། བཅོམ་ལྡན་འདས་གདུག་པ་འདི་ཅི། འཇིག་རྟེན་གསུམ་གྱི་བདག་པོ་ཉིད་ཀྱིས་གནས་ལགས་སམ། ལག་ན་རྡོ་རྗེ་དེ་དེ་བཞིན་ནོ། །དེ་ནས་བྱང་ཆུབ་སེམས་དཔའ་ལག་ན་རྡོ་རྗེ་
D493.086.0138a06.01ཁྲོ་བ་དང་བཅས་པའི་གདོང་པས་རྡོ་རྗེ་ཧཱུྃ་མཛད་ཀྱི་སྐུ་ཉི་མ་བྱེ་བ་སྟོང་ཕྲག་བཅུ་གཉིས་ཀྱི་སྣང་བ་དང་མཚུངས་པ། ཆུ་གཏེར་ཆེན་པོའི་སྒྲ་སྒྲོགས་པ། འཇིག་པའི་དུས་ཀྱི་རླུང་གིས་དཀྲུགས་པ་ལྟར་ནམ་མཁའི་ཁམས་ཐམས་ཅད་ཁྱབ་པའི་ཁྲོ་བོ་ཆེན་པོའི་སྐུར་གྱུར་ཏེ། བཅོམ་ལྡན་འདས་ཀྱི་སྤྱན་སྔར་
D493.086.0138a07.01