完整藏文原文 · 德格版页 当前仅加载第 86 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
ན་དགེ་བར་ཤེས་པར་བྱའོ། །གལ་ཏེ་འོག་ཏུ་གནས་ན་དགེ་བ་ཡང་མ་ཡིན་མི་དགེ་བ་ཡང་མ་ཡིན་པར་ཤེས་པར་བྱའོ། །གལ་ཏེ་རྒྱབ་ཏུ་སོན་པར་གྱུར་ན་མི་དགེ་བར་ཤེས་པར་བྱའོ། །དེ་ནས་བཅོམ་ལྡན་འདས་ལྷ་མོ་སྐུལ་བྱེད་མ་བསྒྲུབ་པར་འདོད་ན། དེས་དེའི་བྷ་གའི་དབུས་སུ་ཕྱག་ན་རྡོ་རྗེའི་
D493.086.0133b01.01སྐུར་བདག་ཉིད་བསྒོམས་ཏེ། དེའི་རྩ་དང་ཞུ་བའི་སྦྱོར་བ་དཀར་པོ་ལས་བདག་ཉིད་རྡོ་རྗེ་སེམས་དཔའི་སྐུར་བསྐྱེད་དེ། ལྷ་མོ་དེ་བསྟེན་པའི་སྦྱོར་བའི་ཕྱག་རྒྱ་དང་སྔགས་ཀྱིས་བསྟེན་པར་བྱའོ། །དེ་ནས་དེའི་ཁ་དོག་གི་དབྱེ་བས་ལས་བྱེད་དེ། རྒྱས་པ་ལ་ཁ་དོག་སེར་པོ། ཞི་བ་ལ་ཁ་དོག་དཀར་
D493.086.0133b02.01པོ། དབང་ལ་ཁ་དོག་དམར་པོ། མངོན་སྤྱོད་ལ་ཁ་དོག་ནག་པོའོ། །འདི་ལྟར་བསྒོམས་ན་{གོ་རིམས་སུ་,གོ་རིམ་དུ་}ལས་རྣམས་བྱེད་དོ། །འདི་དག་གི་ནང་ནས་གང་ལ་ལའི་གཟུགས་སུ་ལྷ་མོ་དེ་དེའི་རྨི་ལམ་དུ་འཁྱུད་པ་ལ་སོགས་པ་བྱེད་ན་ཉི་མ་གཅིག་ཁོ་ན་ལ་འགྲུབ་པར་ཤེས་པར་བྱའོ། །ཡང་ན་ལྷ་
D493.086.0133b03.01མོ་དེ་བུད་མེད་གཞན་གྱི་གཟུགས་སུ་སྟོན་པར་བྱེད་ན་དེ་ནས་སྐྱེ་བ་འདིར་འགྲུབ་པར་ཤེས་པར་བྱའོ། །དེ་ནས་ཁྲོ་གཉེར་ཅན་བསྒྲུབ་པར་འདོད་ན་དེས་དོན་ཡོད་པའི་ཞགས་པའི་ཏིང་ངེ་འཛིན་གྱིས་དེའི་བྷ་གའི་དབུས་ཀྱི་རྩའི་གདོང་དུ་སྔགས་པ་བདག་ཉིད་དོན་ཡོད་ཞགས་པའི་གཟུགས་སུ་བསྒོམས་ཏེ།
D493.086.0133b04.01དེ་ནས་དོན་ཡོད་ཞགས་པའི་ཚུལ་གྱིས་དེའི་པདྨ་དང་། རྡོ་རྗེའི་སྦྱོར་བས་ལྷ་མོ་དེ་ཇི་སྲིད་གཙུག་ཏོར་བདེ་བའི་བར་དུ་བསྟེན་པར་བྱའོ། །དེ་ནས་མཉེས་ཏེ་མཆོག་སྩོལ་བར་འགྱུར་རོ། །རྡོ་རྗེ་དང་པདྨའི་རིམ་པའི་དེ་ཉིད་ཀྱིས་གང་འདོད་པ་དེ་བསྒྲུབ་པར་བྱའོ། །དེ་ནས་ལག་ན་རྡོ་རྗེས་བཅོམ་ལྡན་
D493.086.0133b05.01འདས་ལ་འདི་སྐད་ཅེས་གསོལ་ཏོ། །རྡོ་རྗེ་དང་པདྨའི་སྦྱོར་བ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེ་ཞུ་བ་ཞེས་བཤད་པ་ཇི་ལྟར་རྡོ་རྗེ་འབིགས་པར་བྱེད་པ་ལྟར་ཞུ་བ་ཡང་འབིགས་པར་བྱེད་པའོ། །པདྨའི་སྦྱོར་བ་ནི་པདྨའི་ཡེ་ཤེས་ནི་དེ་ཁོ་ན་ཉིད་ཀྱི་ཡེ་ཤེས་སོ། །ཇི་ལྟར་
D493.086.0133b06.01པདྨ་ཁ་བྱེ་བ་ཉིད་ན་སྐྱེ་བོ་ཐམས་ཅད་ཀྱི་དགའ་བར་འགྱུར་བ་བཞིན་དུ་བྷ་གའི་པདྨ་ཡང་དེ་བཞིན་ནོ། །ཡང་ན་འདི་ལྟར་པདྨ་འདམ་ལས་སྐྱེས་ཀྱང་འདམ་དེས་མ་གོས་པ་དེ་བཞིན་དུ་བྷ་ག་འདི་ལས་སྐྱེས་པ་ཡང་སྡིག་པའི་སྐྱོན་གྱིས་མ་གོས་པའི་ཚུལ་འདིས་པདྨ་ཞེས་བཤད་དོ། །དེ་ནས་རྡོ་རྗེ་དང་པདྨའི་
D493.086.0133b07.01