完整藏文原文 · 德格版页 当前仅加载第 86 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ཀྱི་ཕྱིར་ལག་ན་རྡོ་རྗེ་ཕྱག་རྒྱ་དང་། སྔགས་ཐམས་ཅད་དང་ལེགས་པར་ལྡན་པས་ཇི་ཙམ་ཞིག་གི་ཉི་མའི་ངེས་པས་འགྲུབ་པར་འགྱུར་རོ། །དེའི་ཕྱིར་ལག་ན་རྡོ་རྗེ་རྒྱུད་འདི་ནི་ལྷ་ཐམས་ཅད་དང་། ལྷ་མོ་རྣམས་དང་། རིག་པའི་རྒྱལ་མོ་རྣམས་ཀྱི་སྦྱོར་བ་ལེགས་པར་ལྡན་པས་སྒྲུབ་པར་བྱེད་པའོ། །
D493.086.0128b01.01དེས་ན་ལག་ན་རྡོ་རྗེ་སྔགས་པ་གསང་སྔགས་ཀྱི་བདག་པོ་གསང་བའི་བདག་པོར་བཤད་དོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་སྔགས་པ་མ་ལགས་པ་གསང་བའི་བདག་པོ་མ་ལགས་པས་བཅོམ་ལྡན་འདས་
D493.086.0128b02.01ཇི་ལྟར་གསང་བ་དང་སྔགས་རྣམས་ཀྱི་བདག་པོར་འགྱུར་བ་དེ་ལྟར་མཛད་དུ་གསོལ། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ་དེས་ན་སྔགས་པས་རེ་ཞིག་དངོས་གྲུབ་གཞན་བསྒྲུབ་པར་བྱའོ། །དེ་བསྒྲུབས་ན་ལས་ཐམས་ཅད་བྱེད་
D493.086.0128b03.01དོ། །བསྐྲད་པ་དང་། གསད་པ་དང་། དབང་དུ་བྱ་བ་དང་། རེངས་པ་དང་། དགུག་པ་ལ་སོགས་པ་རྣམས་བསྒྲུབ་པར་བྱའོ། །སངས་རྒྱས་ཉིད་ཀྱི་དངོས་གྲུབ་ལ་སོགས་པ་རྣམས་ཀྱང་འགྲུབ་ན་དངོས་གྲུབ་གཞན་ལྟ་སྨོས་ཀྱང་ཅི་དགོས། དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་
D493.086.0128b04.01བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཐོག་མར་བསྒྲུབ་པར་བགྱི་བ་གང་ལགས། ཅི་རིག་པའི་རྒྱལ་མོ་བསྒྲུབ་པར་བགྱིའམ། འོན་ཏེ་དབང་དུ་བྱ་བ་ལ་སོགས་པ་བསྒྲུབ་པར་བགྱིའམ། ཡང་ན་རལ་གྲི་ལ་སོགས་པ་བསྒྲུབ་པར་བགྱི། བཅོམ་ལྡན་འདས་དེའི་ཕྱིར་ཐོག་མར་
D493.086.0128b05.01དངོས་གྲུབ་གང་བསྒྲུབ་པ་བདག་ལ་བཀའ་སྩལ་དུ་གསོལ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྣམ་པར་སྣང་མཛད་ཆེན་པོས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་ལེགས་སོ་ཞེས་གནང་བ། ལག་ན་རྡོ་རྗེ་ལེགས་སོ་ལེགས་སོ། །དེའི་ཕྱིར་ལག་ན་རྡོ་རྗེ་
D493.086.0128b06.01རིག་པའི་རྒྱལ་མོ་ཐོག་མར་བསྒྲུབ་པར་བྱ་སྟེ། གང་གིས་སེམས་ཅན་རྣམས་ལ་གསང་བ་སྟེར་བར་འགྱུར་རོ། །དེ་ནས་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟ་བུའི་རྣམ་པས་ལྷ་མོ་དེ་བསྒྲུབ་པར་བགྱི་བ་བཀའ་སྩལ་དུ་གསོལ། དེ་ནས་བཅོམ་ལྡན་འདས་
D493.086.0128b07.01