完整藏文原文 · 德格版页 当前仅加载第 86 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲུབ་བྱའི་སྙིང་གར་བསྣུན་ཅིང་ཞགས་པས་མགྲིན་པ་བཅིངས་ཏེ་ལྕགས་ཀྱུས་བཀུག་ལ་བཅུག་ནས་བསྒོམ་པར་བྱའོ། །དེ་ནས་རྒྱལ་པོ་ཡང་འགུགས་པར་བྱེད་ན་སྐྱེ་དགུ་གྲོང་གི་མི་ལ་སོགས་པ་ལྟ་ཅི་སྨོས། རིག་པ་འཛིན་པ་འགུགས་ན་རྒྱལ་པོ་ལྟ་ཅི་སྨོས། དེ་ནས་བུད་
D493.086.0150a01.01མེད་དབང་དུ་བྱ་བར་འདོད་ན་དེ་ནས་བྷ་གའི་དབུས་སུ་ཕྲ་མོའི་སྒྲའི་སྦྱོར་མེ་དེ་ཉིད་ཀྱིས་བདག་ཉིད་རྟ་མགྲིན་གྱི་གཟུགས་ཁ་དོག་དམར་པོར་བསྒོམས་ཏེ། རྡོ་རྗེ་དེས་ལྷ་མོ་ཆེན་མོ་དེའི་སྙིང་གར་བསྣུན་ན་དེ་ནས་དེ་རྣམ་པར་མྱོས་པས་དཔག་ཚད་བརྒྱའི་ཕྱེད་ན་གནས་པ་རྣམས་ཀྱང་འོང་བར་འགྱུར་ན་
D493.086.0150a02.01གྲོང་གི་མཐའ་དང་ཁྱིམ་གྱི་མཐའ་ན་གནས་པ་ལྟ་སྨོས་ཀྱང་ཅི་དགོས། དེ་ཉིད་ཀྱིས་རིག་པ་འཛིན་པའི་ཆུང་མའམ། དྲི་ཟའི་ཆུང་མའམ། གནོད་སྦྱིན་གྱི་ཆུང་མའམ། འཇིག་རྟེན་གསུམ་གྱི་བདག་པོའི་ཆུང་མའམ། བརྒྱ་བྱིན་གྱི་ཆུང་མའང་འགུགས་པར་བྱེད་ན་རྒྱལ་པོ་ཆེའི་ལྷ་མོ་ཆེན་མོའམ།
D493.086.0150a03.01གྲོང་གི་བུ་མོ་ལྟ་སྨོས་ཀྱང་ཅི་དགོས། མཆོག་གི་སྦྱོར་བས་དམན་པ་ལ་མི་བྱ་ཞིང་དམན་པའི་སྦྱོར་བས་མཆོག་ལ་མི་བྱ་སྟེ་དམ་ཚིག་ཉམས་པར་འགྱུར་རོ། །དམན་པའི་སྦྱོར་བས་མཆོག་བསྒྲུབ་པར་ནུས་པའང་མ་ཡིན་ཏེ་ཡན་ལག་མ་ཡིན་པའི་ཕྱིར་རོ། །དེ་ནས་ཕྱོགས་འགའ་ཞིག་ཏུ་གནས་ཏེ་ཉིན་མཚན་
D493.086.0150a04.01དུ་གསང་བ་བསྟེན་པར་བྱས་ན་ཟླ་བ་དྲུག་ཁོ་ན་ལ་འགྲུབ་པར་འགྱུར་ཞིང་བསྐལ་པའི་དངོས་པོ་དག་ཀྱང་མཐོང་ཞིང་རིང་དུ་གནས་པའི་ངག་དག་ཀྱང་ཐོས་ལ་ཇི་སྲིད་སངས་རྒྱས་ཉིད་ཀྱང་ཐོབ་པར་འགྱུར་བ་འདི་ལ་ཐེ་ཚོམ་མེད་དོ། །ཇི་ལྟར་རྡོ་རྗེ་སྒེག་མོའི་རིགས་ཀྱི་ལྷ་མོ་ཆེན་མོའི་སྒྲུབ་ཐབས་ལྟར་རྡོ་རྗེ་
D493.086.0150a05.01སྒེག་མོའང་དེ་བཞིན་དུ་ཐམས་ཅད་སྔོན་གྱི་རིམ་པས་བསྒྲུབ་པར་བྱའོ། །སྦྱོར་བ་འདི་ཉིད་ཀྱིས་རྣལ་འབྱོར་མའི་དབང་ཕྱུག་དེ་རྣམས་ཀྱང་བཀུག་ལ་བསྟེན་པར་བྱའོ། །དེ་ནས་རྣལ་འབྱོར་མའི་དབང་ཕྱུག་འཁོར་དང་བཅས་པ་དེ་དག་ཕྱག་ན་རྡོ་རྗེའི་ཞབས་ལ་གཏུགས་ཏེ་ཕྱག་ན་རྡོ་རྗེ་ལ་འདི་སྐད་ཅེས་གསོལ་
D493.086.0150a06.01ཏོ། །བཅོམ་ལྡན་འདས་ཚུལ་འདི་ཉིད་ཀྱིས་བདག་ཅག་ཀྱང་འགྲུབ་པར་འགྱུར་ལགས་སོ། །དེ་ནས་འདོད་པས་མྱོས་མ་ཞེས་བྱ་བའི་རྣལ་འབྱོར་མའི་དབང་ཕྱུག་གིས་ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་གིས་བདག་རྡོ་རྗེའི་ཞུ་བས་རྟག་ཏུ་བསྟེན་པར་བགྱིད་ན། དེའི་སྔོན་
D493.086.0150a07.01