完整藏文原文 · 德格版页 当前仅加载第 86 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
མཛད་གང་ཡིན་པ་དེ་ཉིད་སངས་རྒྱས་ཡིན་ལ། རྡོ་རྗེ་སེམས་དཔའ་གང་ཡིན་པ་དེ་ཉིད་སངས་རྒྱས་ཡིན་པས་དེའི་ཕྱིར་ལག་ན་རྡོ་རྗེ་གཅིག་ཉིད་བཟླས་པས་ལས་ཐམས་ཅད་བྱེད་པར་འགྱུར་རོ། །རིམ་པ་འདི་ཉིད་ཀྱིས་རི་བོ་ཡང་རྣམ་པར་སྙིལ་བར་བྱེད་ཅིང་ཇི་སྲིད་ས་ཕྱོགས་ཀྱང་འབྱེད་པར་བྱེད་དོ། །རིམ་
D493.086.0132b01.01པ་འདི་ཉིད་ཀྱིས་ལྷའི་སྐུར་བསྐྱེད་པས་ལས་ཐམས་ཅད་བྱེད་དོ། །ཡང་ན་གསང་བའི་ལྷའི་སྐུར་བདག་ཉིད་བསྐྱེད་ན་སློབ་དཔོན་དེས་སངས་རྒྱས་ཉིད་ཐོབ་པར་འགྱུར་ཏེ། དེའི་ཕྱིར་སློབ་དཔོན་ཞེས་བརྗོད་དོ། །དེ་གང་གི་ཚེ་ཉན་ཐོས་ཀྱི་ཚུལ་གྱིས་རྗེས་སུ་གདམས་པ་ལ་སོགས་པ་སྟེར་ན་དེའི་ཚེ་དེ་
D493.086.0132b02.01སློབ་དཔོན་མ་ཡིན་ཞིང་དགྲ་ཉིད་དུ་རིག་པར་བྱའོ། །དེ་ནས་གསང་བ་ཉིད་སྟེར་ན་དེ་བཅོམ་ལྡན་འདས་རྡོ་རྗེ་སེམས་དཔའ་ཇི་ལྟ་བ་བཞིན་དུ་རིག་པར་བྱའོ། །དེ་གཏམ་འབའ་ཞིག་ཙམ་སྨྲ་ན་ཡང་དེའི་མདུན་དུ་འཁོད་དེ། འདི་ལྟར་རྐང་པ་དག་ལ་ཕྱག་འཚལ་ཏེ་ཐལ་མོ་སྦྱར་ལ་མཉན་པར་བྱའོ། །མཉམ་
D493.086.0132b03.01པ་ཙམ་ནས་སློབ་མ་དེས་ཉན་ཐོས་ཀྱི་ཐེག་པ་ཅན་རྣམས་ཀྱི་ནང་དུ་འཁོད་པར་མི་བྱ། གནས་པར་མི་བྱ་སྟེ། དེ་ཅིའི་ཕྱིར་ཞེ་ན། འདི་ལྟར་དད་པས་རྗེས་སུ་འབྲང་བ་དེ་ལ་ཐེག་པ་ཆེན་པོ་སུན་འབྱིན་པའི་ཕྱིར་རོ། །དེ་ནས་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་ཉན་
D493.086.0132b04.01ཐོས་ཀྱི་ཐེག་པ་ཅན་གྱི་ནང་དུ་གནས་པར་མི་བགྱི་ལ། གལ་ཏེ་གནས་ན་ཡང་ཐེག་པ་ཆེན་པོའི་ཚུལ་འདིས་ལགས་ཀྱིས། ཕྱི་རོལ་གྱི་ཚུལ་གྱིས་མ་ལགས་སོ། །དེ་ནས་ཡང་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་ལ་ལ་ཐེག་པ་ཆེན་པོའི་གཏམ་ཙམ་
D493.086.0132b05.01བགྱིད་པ་དེ་ལ་ཡང་བདག་ཕྱག་འཚལ་ལགས་སོ། །རྗེད་པར་བགྱིད་དོ། །བླ་མར་བགྱིད་དོ། །མཆོད་པར་བགྱིའོ། །བཅོམ་ལྡན་འདས་དེའི་ཕྱིར་འདི་ཆོས་སྨྲ་བ་ལགས་ཀྱིས། གཞན་ནི་ཆོས་སྨྲ་བ་མ་ལགས་ཤིང་ལོག་པར་སྨྲ་བ་ལགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་
D493.086.0132b06.01པ་ཐམས་ཅད་ཀྱི་བདག་པོ་རྣམ་པར་སྣང་མཛད་ཆེན་པོས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་དེའི་ཕྱིར་སྐྱེས་བུ་ཆེན་པོ་གང་ལ་ལ་རྒྱུད་འདི་ཐོས་ནས་འཛིན་ན་དེ་ང་དང་འདྲ་བའམ། ཁྱོད་དང་འདྲ་བར་ཤེས་པར་བྱ་ཞིང་། ངའི་སྙིང་ལ་གནས་ནས་དེས་མཉན་པར་དེ་ལྟར་རིག་པར་བྱ་སྟེ། དེའི་ཕྱིར་
D493.086.0132b07.01