完整藏文原文 · 德格版页 当前仅加载第 86 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་དབང་པོ་བརྒྱ་བྱིན་འཁོར་དང་བཅས་པ་སོང་ངོ་། །དེ་ནས་པདྨོའི་ལུས་ཅན་ལ་སོགས་པ་གཞན་རྣམས་ཀྱང་ལྷགས་ཏེ་མཆོད་ནས་སོང་ངོ་། །ཉན་ཐོས་ཀྱི་ཐེག་པ་ཅན་རྣམས་ཀྱང་ལྷགས་ཏེ་མཆོད་ནས་སོང་ངོ་། །རྒྱས་པར་རྒྱུད་གཞན་རྣམས་ནས་བཤད་པའི་
D493.086.0143a01.01ཕྱིར་འདིར་མ་བཤད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཅི་བཅོམ་ལྡན་འདས་སྒྲུབ་པའི་ཐབས་རྒྱས་པ་མདོར་བསྡུས་ཏེ་མཛད་ལགས། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་གང་གིས་ཉན་ཐོས་ཀྱི་ཐེག་
D493.086.0143a02.01པའི་ལོ་རྒྱུས་མ་བཤད་ལགས། དེའི་ཏིང་ངེ་འཛིན་བསྒོམ་པ་བསྟན་པར་འགྱུར་རོ། །ལག་ན་རྡོ་རྗེ་སྡིག་པ་ཅན་གྱི་སེམས་ཅན་ཐེག་པ་ཆེན་པོར་གཞུག་པར་མི་བྱའོ། །དེ་དག་དྲན་པ་ཙམ་དུའང་མི་བྱའོ། །ལག་ན་རྡོ་རྗེས་གསོལ་པ། བཅོམ་ལྡན་འདས་རྒྱུ་གང་གི་ཕྱིར་དྲན་པ་ཙམ་
D493.086.0143a03.01ཡང་མི་བགྱི་ལགས། བཀའ་སྩལ་པ། ལག་ན་རྡོ་རྗེ་ཇི་སྲིད་ཉན་ཐོས་ཀྱི་ཐེག་པའི་གཏམ་བྱས་པ་དེ་སྲིད་དུ་དམ་ཚིག་འཇོམས་པས་དེའི་ཕྱིར་གསང་བའི་ཐེག་པ་ལ་མངོན་པར་བརྟེན་པས་དེ་དག་རིང་དུ་ཡོངས་སུ་དོར་བར་བྱའོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་
D493.086.0143a04.01འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཉན་ཐོས་ཀྱི་ཐེག་པ་པ་རྣམས་ཇི་ལྟར་སུན་དབྱུང་བར་བགྱི། དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་གང་ལ་ལ་དག་གསང་བའི་ཐེག་པ་ཆེན་པོར་དབང་བསྐུར་བ་དེ་རྣམས་ཉན་ཐོས་ཀྱི་ཐེག་པ་པ་རྣམས་ཀྱི་ནང་
D493.086.0143a05.01དུ་གལ་ཏེ་འགའ་ཞིག་གི་ཚེ་ཞུགས་ན་དེ་ལ་ཉན་ཐོས་ཀྱི་ཐེག་པ་པ་དེ་དག་ཆེས་བཞད་གད་བྱེད་དེ། ཨེ་མའོ་ཐེག་པ་འདི་ནི་ངོ་མཚར་རྨད་དོ་ཞེས་ཅ་ཅོའི་སྒྲ་ཆེན་པོ་བྱེད་པར་འགྱུར་རོ། །དེ་ནས་དེ་རྣམས་ལ་ཐེག་པ་ཆེན་པོ་པས་ནུས་པའི་མཐུ་བསྟན་པར་བྱའོ། །དེ་ནས་ལག་ན་རྡོ་རྗེས་བཅོམ་ལྡན་འདས་
D493.086.0143a06.01ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྣམ་པ་ཇི་ལྟ་བུས་ནུས་པ་བསྟན་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ་སྒྱུ་འཕྲུལ་ཆེན་མོ་ཞེས་བྱ་བའི་རིག་པ་ཡོད་དེ། དེ་རྙེད་ནས་གང་འདོད་པ་དེ་བྱའོ། །ལག་ན་རྡོ་རྗེ་དེ་ལ་འདི་ནི་སྒྱུ་འཕྲུལ་ཆེན་མོ་ཞེས་བྱ་བའི་རིག་
D493.086.0143a07.01